هدفي اول شئ كان انهم يحبون الصلاة
فــ من اول عيالي ((بنت))كنت اصلي قدامها ...واحط مع سجادتي ملابس صلاة خاصة لها
وكنت لما اصلي احيانا اناديها تصلي معاي واحيانا القاها لحالها تصلي..قبل لا تصير 7 سنوات
ولما صارت 7 سنوات ...الحمد لله صارت الصلاة بالنسبالها اهم شئ ..
واستمريت هالشئ لكل عيالي
وان شاء الله بــ بنوتي الصغيرة اسوي نفس اخواتها
اما عن اهدافهم في الحياة
ولدي يحب لعب كرة القدم...حتى ما يضيع وقته باللعب في الشارع...سجلناه في النادي...بس هو ما واصل بالنادي
اتوقع بهالشئ إحنا حاولنا ننمي هوايته
بنتي الوسطية...تتمنى تحفظ القرآن...حاولت إني آحفظها...ما تقبلت تقول إني ما آعرف آحفظها((مع إني للمدرسة أقدر آحفظها السور الواجبة حفظها))
بس هي تبغى تروح مركز للتحفيظ...المشكلة ما عندنا مواصلات متوفرة حتى آسجلها لمركز تحفيظ القرآن
ونفس هالبنت..تحب الأشغال اليدوية...فلما نشوف شئ بالتلفزيون تحاول تتطبقه..وأحيانا تبغاني آساعدها فيه
لكن للأسف...بنتي الكبيرة...ماعطيتها مجال لصقل مواهبها.. حبت الخياطة((كنت للأسف آقول لها إنتي لسة صغيرة..فنست هالشئ ..حبت تسوي أشغال يدوية.. قلت لها ما عندي وقت لهالأشياء..أحس إني ظلمتها كثير ...يمكن لأنها بكريتي وحسيت بسببها إني تقيدت فيها وحياتي تغيرت((من نوم وصحيان وشغل البيت اول سنوات زواجي كانت نفسيتي زفت))
دورة التربيه الناجحه طريق لابناء صالحين ( عالمي يعلمني )
متابعة النقاش، صفحة 60