انا اليوم صدق طفشانه وتعبانه وفيني ضيقة خلق قاتله والله من غير سبب كل شي مستقر بحياتي وماعندي اي مشاكل بس انا تعبانه من كل قلبي امس حسيت ودي ارمي نفسي من شباك المكتب حتى ارتاح من هالشعور المقرف احس انه مرض
احس جسمي ثقيييييييل مب قادره اتحرك ولا اشتغل اي شي ايديني متخدره وفيها تنميل عندي مسؤوليات مب قادره اقوم فيها زوجي مسكين يسالني شفيج مب عارفه شقوله والله
حتى الاكل مب قادره اكله من يجي ببالي احس بلوعه ودي بس انام او اموت حتى ارتاح من هلشعور المقرف
مدري هل هذا اكتئاب؟؟؟؟؟؟؟؟ وشو سببه؟
ادعولي ينزاح همي ابي اقرا قران احس مخنوقه مب قادره والله بس اذكر الله بلساني دوم واسبح واستغفر واصلي وابتعد عن الذنوب كثر مااقدر واهلي راضين عني الحمد لله واتصدق
بس مدري شفيني !!!
اليوم والله خذت مهدئ حتى ارتحت شوي وداومت وانا صدق مصطله احس اني متخدره
احس بضيييق رهيب في صدري ماهو عضوي احي بحراره تعصرني عصر احس ودي ابجي بصوت عالي وماقدر احس جسمي متنفخ واحس اني امتن بسرعه بدون مااكل وايد
اروح لطبيب؟ طيب اي تخصص؟ هل هو نفسي والا شي عضوي مب عارفه