أريد حل لمشكلتي
وشلونكم يا بنات والله يا بنات اني ضايجة ومب عارفة واشلون أتصرف يا بنات دورت بجوجل وحاولت أحصل موقع الدكتورة فوزية الدريع بس للأسف ما حصلته قلت ما اللي غير بنات حواء يساعدوني بمشكلتي ......المشكلة زوجي يا بنات زوجي انسان ضعيف الشخصية أي أحد ممكن يأثر عليه ربعه اخوانه أمه خواته وأنا زوجته ما اللي تأثير عليه يا بنات أنا متزوجة صارللي فترة طويلة أكثر من سبع سنوات وعندي عيال وأنا موظفة وزوجي عليه سلفيات بالهبل ووقفت بجنبه وساعدته وما قصرت معاه بشيء المشكلة انه زوجي ملتم على شلة أعوذ بالله منها يا بنات ف نظرهم المرأة مثل الحيوان لازم تفرض رجولتك عليها وهذا اللي طبقه ريلي معي بعد هالسنين من العشرة للأول مرة زوجي يمد ايده علي جرحني والله جرحني عمره ما سواها وصار يسألني وين أصرف فلوسي وعمره ما سواها قطعني عن زيارة أهلي وحرمني من اني أبر بأمي وأبوي وأعطيهم لو الشيء اليسير من راتبي وحلفلي بالطلاق ان أنا عطيتهم من وراه وعمره عمره ما نطقلي كلمة الطلاق ف حياته ساعدوني يا بنات زوجي بدا يروح من ايدي وما عارفة كيف أتصرف ....فكرة تيني اني أخلي كرامتي على جنب وأتفاهم معاه رغم انه رافض التفاهم كل همه بس اني أخاف منه وأحسبله حساب وأقول بس ان شاء الله وأسكت من غير ما أناقشه وأنحرم من أهلي وأنحرم من اني أبربهم وفكرة تيني اني أحجي لأبوه على تصرفاته لان أبوه انسان واعي وحقاني ويقدر يوقفه عند حده بس خايفة هالشيء ينعكس سلبي على علاقتي معاه يعني أخاف كراهيته تزيد ضدي أكثر وأكثر ساعدوني يا بنات والله اني محتاجة لحكمتكم لخبرتكم ما أريد حلول عاطقية ولا متسرعة أريد أحد يفيدني ومشكورين ..........:06: