لو يجي الهازبند ويقولك عن زواجه وش موقفك؟؟

يوووووه
كان أصارخ
و أدور في البيت
وأشق هدومي وأفل الجدايل < عشان أروعه
و اولع الغاز وهو مايدري < أوما مايدري عقب الصراخ
و أشب في البيت حريقه
وأقوم عياله عليه
وهم بيطيعوني تربيتي عارفتهم فديتهم
عاد هو بيهرب من الحريقه
وأنا وراه طردي شوشتي في العلالي وعيوني حمر
في شوارع الرياض
ومن حارة لحارة ومن داعوس لداعوس < معي الساكتون حق العصافير
و أنا اللي اصوب عليه في كل مكان هههههههههه
على راسه وكتوفه وظهره
و....
ورجوله
طبعا مب صاير له شي < لأني حاشية الساكتون حب قهوة عشان مايكتله يوجعه بس هههههههه
وهو الحين توه يركض حافي
وأنا أصيح وراه طلقني ياللي ماتستحي اذا كان فيك خير طلقني
وهو يرفض عشانه يحبني وأدمن خبالي
عاد وهو يركض يقول توبه توبه خلاص مب معرس عليس هونت يابنت الحلال بس فكيني من خبالتس
وأنا ما أصدقه و أقول بطلت اللعب
وخلاص
ترجع المياه الى مجاريها < أتخيل
وهو يروح مير يعاندني ويعرس بالسر < خايف أذبحه
وتوته توته خلصت الحدوته

لا تلوميني يابنت الحلال من كثر المواضيع نفس الفكرة صرت أتخيل كل يوم قصه ومنولوج هههههههههههه

انا مريت بالتجربه هذي ولابعد كنت بالنفاس تخيلوا ------------
المهم انا علاقتي بزوجي كويسه مررررررررررره وكنت والد وهو راح لاهله وجاء ورحنا المستشفى موعد لنونو واحسه متغير ومكتم قلت وش فيك قال فيه موضوع بكلمه فيه بس اليله اجيك عند اهلك واعلمك قلت لا علمني الحين المهم قال انا ؛



ملكت الله قد ايش الكلمه قويه علي وانا بحاله مايعلم فيها الا الله قلت وش قال ملكت ولاتزعلين ابغى اتفاهم معك وكان خايفه من رده فعلي ويترجاني
انهرت وانهرت ونزلت لاهلي وابكي ومو مصدقه الي يصير يتزوج علي وانا لسى صغيره وهو يموت فيني ومو مقصره معه
المهم قطعت علاقتي فيه سته شهور صارت مشاكل وهواش من كل اقاربنا وبعدها رجعت بعد تدخل اهل الخير والحين راجعه
بس احس حياتي السابقه انسرقت مني الله يعوضني خير دعواتكم لي

الله يستر عليه

اذا صار زوجك انسان كويس معاك تتحسفين عليه بتصيحين وبتنقهرين

بس اذا كنتي مو مرتاحه معه وماعليه حسوفه بترتاحين منه وماراح تزعلين

بالعكس تزوجي انتي بعد ... اعرف حريم تزوجن 5 مرات واخر واحد دلعها دلع امها مادلعتها اياه