بناااااااااات اذا طفلك تعرض لضرب من احد الاطفاال اكثر من مرة كيف بتكون ردة فعلك

جدتي أم امي الله يمدها بالصحة والعافيه قالت لي مره عن قصة صارت معها وانا صغيره بس هالقصه دايم في بالي"تقول الله يشفيها ويخليها لنا ولدي صالح "خالي الوحيد" كان فيه ولد من عيال عمه اكبر منه شي بسيط وتقول كان دايم يضربه وتقول كنت انقهر بس ما أسوي شي لأني ما ودي بالمشاكل خاصة أول الناس قراب حيل من بعض واحيانا العوايل يسكنون سوا المهم جدتي هذي الله يجزاها الجنه عيالها كلهم يموتون وهم صغار بالجدري وأمراض ثانيه ولا بقى لها الا هالولد والوالده الله يطول بعمره علشان كذا كانت تخاف عليه بزياده وفي يوم تقول جاني خالك وهو يصيح مضروب تقول هنا أنا وصلت معي تركت الشغل اللي بيدي وطلعت أدوره تقول كان الوقت ظهر واغلب الناس ذاك الوقت يا ينامون لانهم طبعا صاحين من الفجر أو بالمزارع يشتغلون تقول شفته يمشي ولا حوله أحد وأجي وامسكه واسحبه لاقرب بير ماء وطبعا البير غويط والصغار يقولونلهم لا تلعبون هناك ههههههه المهم تقول جدتي وامسك الولد واربطه بشيلتي مدري والله شيلتها أو شرشف صلاتها تقول واشيله وارميه داخل البير طبعا رابطته زين بالشيله علشان ما يطيح تقول الولد قعد يصرخ ويصيح ويتوسل لها تطلعه وهي مو راضيه تبي تأدبه لين الولد خلاااااااااص انتهى من الروعه والصياح وهي تعبت يدها لانها طول الوقت ماسكه طرف الشيله تقول يوم بردت حرتي طلعته..تقول الولد عقبها صار ما يمشي بنفس الطريق اللي ولدي صالح يمشي فيه" ادعو بالرحمه لخالي الله يجعله في جنات النعيم توفى قبل كم سنه بحادث سياره وجدتي للحين مو مصدقه انه توفى..

وحده من زميلاتي تعرضت لهالمواقف
وفي الاخير كانت تمسك اللي ضرب ولدها وتخلي ولدها يضربه

والحين تقول ولدها من قده صار يدااافع عن نفسه وبقووه

اهم شي انتي لا تحطمينه بتعاملك في البيت يعني لا تضربينه على كل شي

نفس حالتي بنتي عمرها 4 سنوات ولد عمها عمرة 7 سنوات مثل الديك والدجاجة كل يوم يضاربون بس هو اقوى منها يضربها ضرب لين تكرمين تستفرغ واقول لبوها يصير عمه ويهاوشه بس ماينفع وامه وابوة يقولون مانبيه يتعقد لانه بين ثلاث خوات
وربي اني كرهته هالولد جنن بنتي كل شوي يضربها مدري شسوي فيه؟؟؟

نفس المعانااااه
الله يفرجهااا