أرشدوني24 سنه تنتهي بلانهايةأثابكم الله

لاتقولين اعيش لولادي عيشي لنفسك قبل اولادك انتي شايله له البيت والعيال وهو ماهم إلا نفسه وبس ساوي زيه سافري لاهلك اقعدي عندهم اسبوع غيري جو ريحي نفسك في البست خليلك فترة ريلاكس من الطبخ والنفخ جيبي شغاله اذا ماعندك وعلميها الطبخ وخليها تطبخله وقليله ابي اتعدلك وافضالك واطلبي منه فلوس زي ما اعطيتيه قبل بس مو تهديد لا قلي اعتازلي اغراض غيري في بيتك غيري جوالك غيري حتى الاب تب حقك خليه يلاحظ تغيرك لاترحمينه واذا قال ماعندي ادلعي عليه قلي تكفى الله يخليك بدلع ودلال وراتبك خذيلك ارض وقسديه تفيدك بعدين حتى عيالك خذي طلباتهم من عينه وزود بعد لاتحنينه او كل شهر اشتريلك قطعة ذهب فخمه يعني خاتم بثلاثه الاف وريه قليله بالله شوف ما احلاه مو ذوق والبسي حلقان فخمه وخواتم حتى في البيت ولاتينين انك محبطه منه ومن تصرفاته خليكي دايم متفائله للحيه ممتعه لنفسك الى ابعد حد حتى عيالك اذا بغو شي قوليهم قلو لابوكم لاتوفرين على نفسك مطاعم فسح لبس مكياج قصات تونيس من روحات مع زميلاتك واخواتك عيشي حياتك وحبي نفسك والله ان يتجنن عليكي .

الله يفرج لك همك , ويصلح عيالك,وعليك بكثرة الاستغفار والدعاء

اختي الله يفرج همك وهمي وجميع المسلمين انا جدا تأثرت بقصتك لأنها جدا مطابقه لقصتي ونفس عمري ومدة زواجي الا انني ازيدك بأن زوجي أتاني فجأه وقال ترينن تزوجت وخليك مره عاقله وهالحين مضى على زواجه 8 سنوات وانجب منها ولد وبنت فأوصيك أختي بالصبر فان الله مع الصابرين

شوفي يااختي انا ابنصحك نصيحة مجربة ولكن ادعوك ان تطبقيها بحذافيرها وارجو ان ترسلي لي على الخاص عن اي جديد لاني يمكن ماادخل الموضوع وانا واثقة بأذن الله انك ستنجحين بس اهم شي الاصرار ولا تقولين مافاد

اولا اصلحي مابينك وبين الله وحافظي على الصلاة بوقتها وامري اولادك على الصلاة واجعليها همك وعليك بالدعاء في الثلث الاخير ففيه العجب ووالله ان الله لن يخيبك



ثانيا اهتمي بنفسك وشكلك واستخدمي خلطات للبشره وخففي من وزنك اذا كان وزنك زايد وامشي على السير واصبغي شعرك صبغه ماكد صبغتيها تزيني بشكل يومي وتعطري وكانك معزومه ولكن بدون ماتحسسيه انك مهتمه علشانه واذا سألك قولي انا اهملت نفسي وخلاص من اليوم ورايح راح اهتم بنفسي وانتبهي يحس انك مهتمه فيه وحاولي تهملينه يعني قومي بحقوقه من اكل وشرب وغسيل ملابس ......... لكن اذا دخل لاتلحقينه للغرفه تعمدي اذا دخل تكوني جالسه مع عيالك وعندكم الشاي والقهوه والحلى وخلي ضحكك يعلى اوكلمي بالتلفون ومافي مانع انك الي تكلمينه تقولين لها مثلا وش صار على الموضوع ؟؟؟ تكلمي يعني بالغاز وبين له انك سعيده مانتي محتاجه له بس انتبهي يحس انك تبين تقهرينه او تلفتين انتباهه لانه اذا حس كل تعبك راح يروح ،،،،،،،

طبعا هذا يحتاج وقت علشان يستوعب ويتأقلم مع هذا الوضع وممكن يسوي تصرفات اشد يبغى يلفت انتباهك وعلشان تجرين وراه بس هاااااااااااه خليك صامده ،،،،،،،،، وبأذن الله راح تشوفين تغير جذري واذا بدا يرجع لاتفرحين وتقبلين مره وحده لالالالالالالالالالا بالتدريج وببطء شديد
وترى هذا الكلام من دكاتره متخصصه وعصارة تجارب مريره
تعبت من الكتابه وادعي لي يااختي ان الله يرزقني الجنه ويصلح لي عيالي