كنت اظن زوجي جاي ياخذني خذا بناتي وراح مصدومه
السلام عليكم ورحمه الله وبركاته اخباركم يابنات الله يسعدكم انا متابعه لكم من زمان والله انكم ونعمه الاخوات الناصحات اتمنى تساعدوني وماتتركني بدون نصيحه او دعوه انا متزوجه من اربع سنوات وعندي بنتين الله يرزق كل محرومه يارب زوجي ماكان متوظف وكنا نعاني مره وكان ابوه يساعده قبل شهرين يابنات صارت بينا مشكله كبيره ودخلت ابوي وابوه المهم ان ابوه قال انا من رائ انكم تبعدو عن بعض فتره لين ماتهدا اعصابكم وانا يابنات مابي اترك بيتي رديت على عمي قلت للدرجه هذي لدرجه اترك بيتي قال تبي تجلسي اجلسي وعطيني مواعيد محاضراتك بالجامعه وانا اوديك واجيبك انا لما قال كذا قلت شكل زوجي مايبيني ورحت عند اهلي وجلست شهرين واهلي واهله اصحاب يطلعو مع بعض ولا كان صاير شي وانا ساكته المهم بعد مامر شهر ونص اتوظف زوجي الله يرزق كل متضايق وارسلي رساله باركيلي ياحياه قلبي وعمري اخيرا توظفت انا ارسلت له تهنئه ورجعنا نكلم بعض على الايميل بنات انا وزوجي بنفس العمر عمري 26 المهم قال انا بجي لعمي علشان نرجع قلت اوكي وجا لابوي ابوي رفض ارجع انا اتفاجات من ابوي امي تقول ابوكي يبي يربيه لانه من زمان يبهدلني وساكت ابوي المهم ظليت اكلمه من ورى ابوي ويقول ليش عمي رفض قلت له زعلان يقول لي انتي الغلطانه ليش طلعتي من البيت:eek:كذا صار وجهي قلت له ابوك قال كذا انا اظن انك انت اللي تبي كذا مارد المهم انا انا اللي زعلت منه يابنات ابوزوجي بالرغم انه هو اللي حكم في الموضوع وقال انا رائ كذارفض يدخل في الموضوع المهم يابنات حسيت ابوي حن علي لما شاف نفسيتي تعبت وامي قالتلي اذا ابوكي جا من السفر خلي زوجك يجي يكلمه قلت طيب اللي صار ان يوم الخميس اللي مضى زوجي يكلمني بكل حنيه ويقول متى ياعمري اجي لعمي قصده على يوم الجمعه قلت بكره ارد عليك يوم الجمعه ارسلت له رساله قلت تعال مارد علي ظنيت انه نايم واتصل عليه العصر رد علي ايوه خير استغربت رده قلت له وينك ماجيت قال انا عند ناس ربع ساعه واروح البيت وانا شايفه ان ابوي جالس ينتظره اتصلت عليه بعد ربع ساعه قلت له وينك قال عندنا ناس في البيت انا هنا انهرت وبكيت وقلت له انا اهم من الناس انا تركتني شهرين وبناتك تبهدلو وتقولي عندنا ناس الناس عند ابوه بس حسيته عذر رد عي يابنات قال مو انتي اللي تقوليلي متى اجي انا اجي بكيفي سكرت يابنات وانهرت في البكى حسيت نفسي حقيره وهنتها المهم نمت اتوقعته يجي ثاني يوم :44:ماجا مااصعب الانتظار يوم الاحد اتصلت ام زوجي على امي قالت جهزو البنات ابوهم بياخذهم انا وامي نناظر في بعض مصدومين وش اللي غيره بيوم المهم وانا البس بناتي جلست اصيح باعلى صوتي واقول حسبي الله ونعم الوكيل مو بيدي يابنات احس مشتاقتله ومشتاقه لبيتي وهو تغير علي بدون سبب راحو البنات معاه وانا نمت ودمعتي على خدي صحيت الساعه 1 بالليل وارسلت له هالرساله (كنا مشتاقين لبعض وقلت لي متى اجي ياعمري واتصلت عليك ثاني يوم ورديت علي رد غريب ولا جيت وانتظرتك يوم السبت ويوم الاحد صحيت على نفسي وانتبهت اني كنت انتظر حلم هنت نفسي وبهدلتها الله يسهل عليك)بنات الله يوفقكم تعبانه والله العظيم تعبانه نفسي افهم وش اللي صار وابوي ياعمري اشوفه شايل همي يحسب الغلط منه علشان رده قبل شهر بس هو يسولف مع ابوي عادي قبل اسبوعين وانا اقول لامي الغلط مني المفروض لما ابوي رده احترمت قرار ابوي وماكلمته خليته يحس بيقيمتي بنات الله يسخر لكم ازواجكم اله يعطيكم ويرزقكم كل ماتتمنو وش اسوي اتصل عليه اساله وش اللي غيره لاني ماكلمته من بعد يوم الجمعه بس يوم الاحد ارسلت الرساله اللي قلت لكم عليها انصحوني كيف اتعامل معاه اتصل ولا لا مابي احد يدري اني بعدي عند اهلي انا قايله لصحباتي اني راجعه قبل يوم السبت مادري ضايعه واحس اني ضعيفه مابي الناس يدرون مابي احد يتكلم فيني ساعدوني الله يرزقكم من حيث ماتعلمو ويرزق كل وحده محرومه الله يسعدكم بالدنيا والاخره وكل من تدعيلي