Ϡॣ₡ ־ˉ ־¯−ـ‗_ أحلى تجـمع للحوامل الرابطات (ربط عنق الرحم) الـتاسع _‗ـ−¯־ ˉ־ Ϡॣ₡

23 فبراير 2010

ماليَِ غيرگَِ

اهلين كروشات شخباركم ؟؟؟ ماشالله هذا التجمع التاسع ... وانا مطوووله شكلي بلحق عالتجمع الخامس عشر وانا لسه... عسى ياربي يتمم حملي وجميع الرابطات ويبلغنا الشهر التاسع على خير بحول الله وقوته.... وعقبال مانولد ولاده طبيعيه سهله ميسره ويقر عيو…

الله يبارك فيكم.. ويتمم حملكم على خير وييسر لكم الولادة كما تيسرت لي
اللهم لك الحمد كما يبغي لجلالك وعظيم سلطانك..
المفروض أفك الربط يوم الأحد لكني أخذت موعد يوم الأربعاء
وولدت قبل موعد فك الربط.. يعني 36أسبوع و6 أيام وما شاء الله وزنها 2 كيلو و600 مع إني الأشعة قبل الولادة بأسبوع قالوا 2كيلو و700

المهم يوم الجمعة والله أعلم إذا كان أحد الأسباب أو إنه مكتوب عملت عزيمة غداء ووقفت كثيييير من 11 إلى 5 العصر وأنا واقفة وما جلست إلا للغداء وبعد كذا ارتحت
ونمت تقريبا 3 الفجر والساعة 9 إلا سيول تنزل مني ولله الحمد زوجي كان نايم ما راح الدوام والمويات تنكب وأخذت لي حمام وقومت أمي ورحت أكمل تجهيز الشنطة لأني ما بعد خلصت:44:
كنت ناوية أطلع السوق مع أمي وأكمل:icon33:
لكن الحمد الله تيسرت الولادة الطبيعي
المهم واستشورت على خفيف وبعدها بدأ ظهري يعورني على خفيف وطلعت من البيت بعد 9 ونص المهم ودخلت المستشفى أنا وأمي وزوجي راح يوقف السيارة وأنا رحت لكراسي الإنتظار إلا وممرضة تجي تقول لي إيش فيك؟؟
قلت لها الظاهر بولد لأن كيس الجنين انفتح.. قالت طيب المفروض تدخلين للسرى على طول. قلت لها انتظر زوجي.. قالت طيب إنت عند أي دكتورة.. قلت لها دكتورة وعد وللأسف هي ما تداوم السبت.. وجاء زوجي وطلعتنا لغرفة التوليد..
وحطوا علي التخطيط فقط وراحت.. والألم يزيد شوي شوي ومحتمل.. وقلنا لها إني مسوية ربط قالت الدكتورة بعد نص ساعة بتجي لأنها تولد وحدة..
وأنا خاااااااااااااااااااايفة الرحم ينفتح كثييييير والربط موجود والألم يزيييييييد ويزييييييييد وبعد ثلث ساعة قلت لزوجي يروح يقول لهم طلقي حاااااااااااااااااااار يعجلوا يفكوا الربط وما في فايدة..
جات بعد نص ساعة المهم وهي تفك الربط كانت الآلام شديدة شوي وجات ممرضة تسألني متى وقفت الأسبرين وووو وأنا يالله أجاوب واللي تفك الربط قالت لي شربتي قرفة؟؟؟؟؟؟
قلت لها لالالالالالالالا.. قالت طلقك حاااار وقالت مفتوح 3 سم
والألم كل ما يزيد ودخلت ممرضة قلت لها خلالالالالالالالاص بولد تعالي شوفي ودخلت صبعها قالت مفتوح 5 سم...
وظليت على الآلام وزوجي وأمي معاي بنفس الغرفة لكن أمي ما قدرت تستحمل وطلعت من الغرفة.. الله يحفظها تقول تحس الآلام فيها..
وبعدها قلت لزوجي خلالالالالالاص بولد بولد نادهم راح نادهم وجات قالت 7ونص أو 9 ما أفتكر أو شيكت مرتين ورى بعض المهم الدكتورة جات وكانت بتروح قلت لالا لاتروحي خلالالالالاص بولد:icon33: قالت طيب ما راح أروح وإذا جاك الآلام دفي وأنا أدفع بهدوء مرة ومرتين أفكر الراس بيطلع على طول مثل الولادة اللي بالخامس..
إلا الدكتورة تخوفني تقول لي دفي بقوة خذي نفس واحبسيه ببطنك مو بحلقك ترى إذا ما دفيتي راح نضطر نسحبه بالملقط.. أقول لا ما أبي ملقط.. وأشد حيلي وأدف بكل قوتي مرة ومرة ومرة وأحس روحي بتطلع معاي طلقتين أو 3 قوية وطلعت (يارا) ولله الحمد :27:
ما شاء الله تبارك الله ولدت 12:10
وحطت لي بنج وخيطت لي وطلعت الدكتورة 12:45
لكن صوتي راااااااااااح فيها من البنج
وطلعت من المستشفى ظهر الإثنين
وودي أرضع طبيعي لكن مافي حليب..
الحين يالله يالله ينزل اللبأ أرضعها نص ساعة وأول ما أفكه تبكي بكى جوع..

اسم العضوه : الفتاة المرحه
موعد الولادة : 15-3-2010
تاريخ الولادة : 20-2-2010
جنس البيبي : بنوته
الدولة : السعوديه- الرياض
المستشفى :المملكة - خاص
الدكتور : وعد صروان

Ϡॣ₡ ־ˉ ־¯−ـ‗_ أحلى تجـمع للحوامل الرابطات (ربط عنق الرحم) الـتاسع _‗ـ−¯־ ˉ־ Ϡॣ₡

التعليقات

ˉ ־¯−ـ‗_ أحلى تجـمع للحوامل الرابطات (ربط عنق الرحمـ) السابع عشر Ϡॣ₡ ־ˉ ־¯−ـ‗_

ˉ ־¯−ـ‗_ أحلى تجـمع للحوامل الرابطات (ربط عنق الرحمـ) السادس عشر Ϡॣ₡ ־ˉ ־¯−ـ‗_

ˉ ־¯−ـ‗_ أحلى تجـمع للحوامل الرابطات (ربط عنق الرحمـ) االخامس عشر Ϡॣ₡ ־ˉ ־¯−ـ‗_

ˉ ־¯−ـ‗_ أحلى تجـمع للحوامل الرابطات (ربط عنق الرحمـ) الرابع عشر Ϡॣ₡ ־ˉ ־¯−ـ‗_

Ϡॣ₡ ־ˉ ־¯−ـ‗_ أحلى تجـمع للحوامل الرابطات (ربط عنق الرحم) االثالث عشرـ−