محتاره ساعدوني

السلام عليكم ورحمة الله وبركاته بنات بدخل بالموضوع على طول
اليوم صديقتي دقت علي وبعد السلام والسوالف قالت لي موضوع واللي هو انها تدور لاخوها عروسه ولا لقو له وسئلتني اذا اعرف بنت بشروط اخوها وقلت لها ان شاء الله اذا ذكرت اتصل عليك وبصراحه اول ماسكرت منها جلست اتذكر لها بنت وجت اختي اللي اصغر مني في بالي اختي عمرها 23 انا اكبر منها ومتزوجه واهلي في مدينه قريبه من الرياض بس متردده كيف افاتحها بالموضوع هي تعرف ان عندي اخت اصغر مني بس ماشافتها من قبل اخوها مطلق عمره 32 ولا عنده اولاد ومتردده كيف اقول لها واقول لاختي واهلي وبصراحه نفسنا نفرح بااختي وتتزوج طبعا هي صديقتي من زمان اعرفها واعرف اهلها والنعم فيهم وهم نفس قبيلتنا وشرايكم يابنات اقولها عن اختي وكيف افاتحها بالموضوع او اسئل اختي في الاول ولا اسكت اقول لها ماعرف

20 تعليق 1,626 مشاهدة

شاركي في النقاش

سجلي الدخول لإضافة تعليق.

التعليقات

19
  1. @hlm6666

    عادي ياختي
    انتي تمونين عليها
    قولي لها اختي
    ترى مافيها شي
    بالعكس والله
    انا لو منك قلت اختي
    ترى مررررررره عادي مافيها
  2. @aadoh_mtabaah

    انصحك لا تتدخلين .. يمكن يطلع الرجال مو مناسب وتوهقين اختك..

    اما اذا هم طلبوا اختك بالاسم فهذا كلام ثاني
  3. @khlas_mlyt_tmny

    السلام عليكم
    أختي أول شي علمي أمك وابوك وأخوانك ولا تدري هي ,,وأستخيروا وأذكريها لصديقتك ولا تعلمونها الين يتقدمون رسمي ثم تستخير
    إذا علمتيها قبل ولا أخطبوا بيجي في خاطرها ويضيق صدرها (عن تجربه )
    والله يوفقكم وجعلك تفرحين بها عاجلآغير آجل وبنات المسلمين..:)
  4. @rshof_alkmr

    عــآآدي جداً .. قولي لهـآ .. يـآفلآنـه أنـآ أحبتس وأغليتس وأموونــ عليتس ..
    وودي بـ قربتس .. كـآن ودكم تزوجون ولدكم أختي موجودهـ وعمرهـآ 23 .. وقول لهـآ أنـآ رآح أعـزمه .. وكـآن جآزت لكم البنـت رآح أكلم أهلي ..
    وأن مـآ جـآزت لكم أبششري بـ عزتتس أدور لكم بنت .. لكن والله أنه من غلآتتس قدمـت خيتي على البنـآت حبـاً في قربكم ..
    بس قبل كل هذآ علمي أهلتس بدون مـآ تدري أختتس علشـآن يكون عندهم خبر مهوو تجوز لهم البنـت وعقب يجي الرفض من أهلتس وتصير مشكله ..
    لآزمـ أهلتس يدرون .. وبعديــن أفرشي بسـآطتس وأدعي لـ أختتس ..
    الله يوفقـه ويوفقتس ويـآب أنه تجوووز لهم ..
  5. @am_lyan_18

    لا ترشحين أختك لها أبدا لأنه لو تزوجها ممكن يعايرها ولو بعد مليون سنه ويقول ماخطبتك أهلك عرضوك علي
    حاولي تنادينها في البيت زياره عاديه وهي بتشوف أختك ولو عجبتها بتخطبها
    وأنا أشوف أختك صغيره ليش تاخذ مطلق ممكن يكون عندها فرص أفضل؟؟؟

تابعي تجارب أخرى من هذا القسم.