الحقوني بنتي ولد عمها يتحرش فيها

السلام عليكم
بدخل في الموضوع ..
بنتي عمرها أربع سنوات لمى رجعنا من بيت جدها قالت لي ان ولد عمها عمره خمس سنين ونص يقولها ( بوسيني من فمي )
ما اهتمت من الموضوع وقلت يمكن السالفه من راس بنتي ..

وبعد كم اسبوع قالت لي ماما شفتي فلان قلت لها وش فيه قالت يقول وريني بطنك وبوسيني من فمي وتعالي تحت البطانيه نسوي حركات ..

طبعا انا قلت لبنتي هو مو شاطري وربي يعاقبه ويحطه في النار الي يوري الناس جسمه ..

بس الحين صارت عندي مشكله ما اقدر اروح بيت اهل زوجي بسب هذا الولد (طبعا هم ساكنين مع اهل زوجي ) ..
ولا اقدر اقول للأم الولد لاني اعرف شخصيتها وانها بتسويها قضيه ..

شورو علي وش اسوي .. اقول لزوجي يقول لأخوة ولا وش السوات ..
الله يجزاكم الجنه ...

156 تعليق 27,685 مشاهدة

شاركي في النقاش

سجلي الدخول لإضافة تعليق.

التعليقات

147
  1. @ablh_mshmsh_1

    لا تدخلين الكبار بالموضوع تتعبين وماتنتهي السالفة
    امسكيه انتي لارحتو وهاوشيه بدون مايشوفك احد وحذري بنتك من اللعب معه
  2. @dan_alahsas_3

    خلي بنتك تقول لاابوها القصة ييعني اذا جاء قوليلها من غير مايسمعك زوجك قولي لبابا وش سوا ولد عمك كذه احسن عشان لاتنحط براسك وبعد حافظتي على بنتك وفتكيتي من سلفتك
    ومشاكلها
  3. @aayon_alfhd_1

    قولي لبنتك لاتجلسي معاه لحالكم ولو قالك كذا مره تانيه

    تعالي قولي لي في نفس الوقت >>اكيد امو بتكون في وبتتصرف او اهل زوجك يتصرفو

    وترى هوا مايتحرش فيها >>لانو اصلا مو فاهم ايش دا تلاقيه شاف دا الشي ويبغى يقلد بس

    بيقلد ولو مانسي دي الحركات لما يكبر ممكن يتحرش ولازم يوقف ذي الحركات من دحين

    وقولي لبنتك انو محد يعمل كدا واي احد يقولك كدا قولي له عيب وقولي لي ولبابا لو انا ماكنت في
  4. @am_alaakyd_aamr

    حرام تحرش مره حده


    الولد صغير لاتخربين علاقاتك مع اهل زوجك عشان شي زي كذا


    انت اول ماتجي امسكي الولد لوحدك وقوليله لا تلعب مع بنتي لانك تقول كلام مو كويس



    وقولي لنتك قدامه اذا قالك كلام بطال تعالي وقوليلي



    وخلاص تنحل المشكله لاتقولين لابوها ولا لامه

تابعي تجارب أخرى من هذا القسم.