شاركي في النقاش

سجلي الدخول لإضافة تعليق.

التعليقات

43
  1. @wonderfulquotmind

    بطلبكم يابنات طلب بسيط جدا ياريت كل متسابقه تقول قبل مانبدأ نوعيه شعرها يعني لونه خفيف ولا تخين الشعره كثير ولا قليل مصبوغ او لا مفرود؟ طوله واش تعاني منه واش تبغى يصير شعرها .. اذا ماعندك مانع ياعيون سعد (( احس اني ملقوفه )) يالله اذا زودتها قوليلي واحذف مشاركتي ..:)

    انا شعري الحمد لله ناعم بس خفيف نوعا ما وقصير للكتف ومو مصبوغ ابغاة بس يطول بسرعه لاني اموت بالشعر الطويل وابغاه يصير اتخن واكثر واغزر .....
  2. @aayon_saad

    صاحبة الموضوع
    الخلطات المستخدمة و فوائدها حسب كلام صاحبتها:

    زيت الاعشاب : ( هو زيت الذرة المنقوع فيه الاس و الميرمية ،، راح نستخدمه المرحلة الثانية ،، أن شاء الله )

    تزيتين فيها شعرك كل ماتبين وتتركينه على الشعر5 ساعات والله والله والله ماتكملين اسبوعين الاانتي راميه الاستشوار الي اعرفها شعرها مجعد ونافش دايم واقف الحين طايح وغرتها ساااااااايحه كنه مستشور بمشغل بعد مااحط له الزيت ((زيت مسخن بحمام مائي طبعا)) واغسله بشامبو نوع جيد ارشح لكم شامبو دوف او الي يناسبكم وبعد ماشطفه بخل وليمون مخفف عشان يلمع اسويه طاقيه وهومبلول وانتظريه لمن ينشف وفكي الطاقيه((لازم تربطينه بطرحه فوق الطاقيه))


    قناع الجرجير


    ينفع لشعرك بيخليه رطب وحيوي ، و مفيد لتكثير الشعرو يعطي لمعة..
    طريقته :كوب ماء ساخن شويه ورق جرجير طازج ويضرب بالخلاط ويوضع على الشعر لمده 5 ساعات .....

    خلاصة الزعتر.

    خوذي كاس ماء وحطي معه ملعقة من اوراق الزعتر وتركيه يوم كامل منقوع.
    صفية ودلكي شعرك كل ليلة وراح تشوفين العجب خلال شهر اللي تبي شعرها يكثر ويطول.احفظية بالثلاجة.( ممكن وضعه في مرش ، و رشه على الشعر وهو مربوط )..

    صبــــــــــــــــــــــار ( المرحلة الثانية ، أن شاء الله )

    اللي شعره خفيف ..أو يحت .. أو مصلع ..أو يتساقط
    هالوصفه سلمكم الله مجربه .. بنت خالي شعرها كان شعرتين المسكينه .. وعالجت فيه ومانفع لين جربت هالوصفه ..وماشالله الحين قامو يضربون المثل بغزارة شعرها وكثافته
    ونتيجتها تظهر لكم عقب شهر بس ..وناسه والله عقب شهر بس شعركم يصير غزير وكثيف ..خووش شي

    تاخذون نبات الصبــــــــــــــــار
    وتقسمونه بالنص ..وتاخذون المكونات اللي داخله .. تطلعونهم عن طريق ( السكين ) راح يكون مزيج لزج .. تحطونه بالخلاط ..يخلط شوي بعدين طلعووه
    لكن قبل لاتحطونه لازم يكون شعركم نظيف ( سابحين قبله ) وتحطونه .. لين ينشف يعني نص ساعه تقريبا .. وتغسلون شعركم بماااء .. بس مااي بدون شامبوو
    وهذي الخلطه تسوونها مرتين بالاسبووع لمدة شهر ..بعدين عقب الشهر تبدون تخففون وتخلونه مره وحده بالاسبوع

    خلطة القهوة :

    بناتها الحين شعرهم لركبتهم وتقول انه كثيف مره
    المهم الطريقه هي عباره عن:
    تاخذين بملعقه وسط قليل من القرنفل(المسمار) مطحون وتخلطينه مع قهوه عربيه مطحونه بمقدار فنجان القهوه وتحركينه على النار لما يصير لونه اسود يعني تحرقينه وتنقعينها في كاس ماء لمدة يومين

    بعد ماتغسلين شعرك وتنظفينه اتركي فيه شوي مويه ثم حطي عليه القهوه المنقوعه مع المويه يعني كل الكاس ودلكي شعرك شوي ثم لفيه واتركيه لمدة 6 ساعات ويستخدم مرتين بالاسبوع بدون زياده لان القرنفل حار على الفروه بصراحه اختي استخدمتها والله يابنات ماتصدقون ان الاماكن اللي فيها صلع نبت الشعر فيها....
  3. @aayon_saad

    صاحبة الموضوع
    المرحلة الاولى: ( أسبوعين )

    السبت:

    ـ يكون شعرك نظيف و جاف ، و تستخدمين خلطة القهوة ثم أغسليه بماء فقط و نظفيه زين .... بعد ان يجف شعرك مشطيه و أربطيه بالمطاط و جدليه ....

    ـ قبل النوم خلاصة الزعتر و جففي و أربطي و جدلي مرة أخرى......

    الاحد:

    ـ زيتي شعرك بزيت البردقوش ثم ضعي عليه قبعة بلاستكية و أتركيه من 4 ساعات الى 6ساعات ، ثم أغسليه بالشامبو ( شامبو المخلوط مع البيض ) و نظفيه جيدا....

    ـ أتركيه حتى ينشف ليل ثم استخدمي خلاصة الزعتر ،، ثم جففي و مشطيه و أربطي بالمطاط و جدلي ...

    الاثنين:

    ـ ضعي خلطة الجرجير لمدة خمس ساعات ثم أغسليه بماء فقط ، و جففيه و أربطيه بالمطاط ثم جدليه...

    ـ قبل النوم ضعي خلاصة الزعتر ....

    الثلاثاء:

    ـ زيتي شعرك بزيت البرد قوش لمدة 4الى 6 ساعات ثم جففيه ، أغسليه بالشامبو و أتركيه الى ان ينشف قليل ثم رشيه بخلاصة الزعتر ...

    ـ جففي شعرك ثم لفيه طاقية بعد وضع قليل من كريم ويلا أو صانسيلك و تمشيطه....

    الاربعاء:

    راحة لشعرك ، أتركيه مفتوح و عرضيه للهواء الطبيعي ،، يعني أخرج في البالكونه أو أمشي في السور أو في السطح أو أي مكان مكشوف ...

    الخميس

    زيت البردقوش ( نفس الطريقة ) و لكن بعد الغسل بالشامبو ،، ضعي حمام الزيت لمدة ساعة ثم نشفيه و أربطيه بالمطاط و جدليه...

    الجمعة:
    راحة ، فقط سوي تدليك و مساج لشعرك و أتركيه مفتوح أو أرفعيه بشباصة كبيرة...
  4. @aayon_saad

    صاحبة الموضوع
    بدائل الاستشوار أو المواد الكيميائية:

    ـ ممكن تسوي شعرك جدائل صغيرة كل الشعر اذا كان شعرك طوله وسط أو طويل...

    ـ لم ينشف الشعر 80% ، ضعي عليه كريم الشعر ثم مشطيه شوي شوي ، ثم أقسميه الى نصفين يمين يسار ، و أرفعي كل جزء و أربطيه ثم لفيه كعكع و ضعي ربطه على شعرك أو ايشارب ،، أهم حاجة يغطي من قدام ،، و أتركيه الى ان يجف ثم فكيه قبل ما تطلعين و مشطيه بأصابعك فقط راح يطلع لك كانه ملفف بلفافات كبيرة و اذا أردت لفات أصغر كثري الكعاكع ....

    ، سوي واحده من هالطرق في الروابط التالية:

    http://forum.hawaaworld.com/showthread.php?t=354768&page=3

    http://forum.hawaaworld.com/showthread.php?t=67582

    http://forum.hawaaworld.com/showthread.php?t=344082

    http://forum.hawaaworld.com/showthread.php?t=345202
  5. @aayon_saad

    صاحبة الموضوع
    الحمدلله ، نزلت لكم كل اللي مطلوب في البرنامج ...

    الحين كل اللي أبغاه منكن ان تقروا التعليمات زين ، و الخلطات و كل حاجة و الافضل تطبعون كل حاجة و تعلقونها في مكان بارز تقدرون تشوفونه....

    المطلوب قبل بدء البرنامج:

    ـ نقع المريمية و الاس في زيت الذرة ( أو زيت عافية ) و أحكم غلقه و تركه 15 يوم..
    ـ فتح غطاء علبة الشامبو و كسر بيضتين كاملة أو الصفار فقط في الشامبو و أغلقه و رجه زين ( نسميه شامبو البيض )..
    ـ يوم الخميس الجاي: تسوين خلطة القهوة و الطريقة فوق ....
    ـ يوم الجمعة: تسوين خلاصة الزعتر و الطريقة فوق بعد ، و يوم السبت تصفى و توضع في مرش و توضع في الثلاجة ، و تطلع قبل الاستخدام....

    هذا كل المطلوب ،، اتمنى ان يكون واضح واذا فيه سؤال انا حاضرة ،، معليش بنات بروح الحين لمنتدى الطفل عندي برنامج بنزله هناك ،، علشان كذا العذر و السموحة اذا طولت عليكن بالرد لانه يوم جدا مزحوم ، و شكل زوجي بيطلعني برى البيت من كثر ما أعد على الكمبيوتر و أطول ،، فأعذروني.....

تابعي تجارب أخرى من هذا القسم.