اختي الحبية انا اتعاملت مع الشركه وللاسف طلعوا نصابين درجة اولى وبوقاحه كمان اولا تلاقيهم اون لاين 24 ساعه وبمجرد انك تستلمي الفستان يعطوكي بلوك تانيا يقولوا انهم يتصلوا عليكي عشان يتاكدوا الفستان وصل ما شوفت منهم ولا اتصال ثالثا الطرد لمن وصلني موظف الدي اتش ال قال جاكي طرد من الصين ولمن شوفت الفستان اتاكدت انها من الصين لون الورود بلاستيك ويقولوا من اورباااااااااااا والادهى والامر وحده من صحباتي ضافتهم وكلمتهم عندها اون لاين وانا عندي بلوك رابعا اقسم بالله العظيم انهم نصابين واللي يدافع عنهم ترى من نفس الشركه هما عاملين حزب وفي اي موقع ازياء مشهور منزلين مدافعين اللي يدافع من جد ينزل صورة الفستان المستلم من قبلهم انا بإذن الله حانزلكم الفستان اللي اخذته منهم واللي انا كنت طالبته انا مكالماتي مسجله معاهم كلها وحافظتها وان شاء الله انزلهالكم اللهم بلغت اللهم فاشهد انا زيكم دورت في النت وحاولت اسال لكن العجله والانبهار كان شادني بالفساتين والاسعاراصلا بالمنطق مين يبيع بدي الاسعار وايش مستفيدين لو يبيعوا برخص التراب الا انهم يصنعوا بارخص الاقمشه ومن الصين والله ثم والله انا اشتريت منهم الفستان دفعت 3900 ريال وقالوا لي لو ما عجبك نرد لك كامل المبلغ والله م والله انهم اعطوني بلووووك وما ردوا علياو لومن رسلت لهم ايميل قالوا استلمنا ايملك وحيتم ترجمته للقسم العربي ورت عليا مشرفة القسم العربي اسمها ساره عابد وقالت خلاال يومين حنرد عليكي والى الان صار شهر وبعد كدا محد رد عليا واللي يردوا عليكي بالماسنجر هم (( ناتالي وسامي وعادل اعتقد هم مجموعه )) واحلف بالله العظيم اني ضفتهم بايميل تاني وكلموني ولمن اشتكيت ما وضحت اني صاحبة الطلب سالتهم نفس الاسئله يتكلموا بكل مصداقييه وسالتهم عن مواضيع التحذير من الشركه انكروا وقالوا انهم تحدثوا مع المنتدى لمعرفة العضو ولكم المنتدى رفض اعطاء اسم العضو اقول فلم هندي ؟؟؟؟؟ اللهم بلغت اللهم فاشهد اللي حتشتري من عندهم اقول لها من دحين على فلوسك السلااااااام انسي وفكري فيصحتك مو مشكله الفلوس بس الوقت لانك اكيد طالبه فستان فرح او شبكه وما عندك وقت ان امررره انورطت كان باقي على شبكتي اسبوعين وطلبت الفستان بعدين اقسم بالله لمن شوفت الفستان جاني انهيار والله يخليهم اخواتي راحوا علىطول دوروا في جده واشتريت فستان ب 5000 يعني لو ن البداية اشتريت فستان من هنا ب 8000 او 9000 وريحت نفسي بس انا بصراحه اتوقعت اني الاي الفستان من عند داف دوف بنفس الفخامه وموديلاتهم حلوة
انا اقول استفيدوا من الموديلات وخيطوا هنا ابرك لكم او من مكان بلدكم
ترى اقسم الله نفسي اطلع لكل وحده تقرا الموضوع من الشاشه عشان لا احد يضحك عيلها بالردرود انا هذه هيا تجربتي وادعولي ربنا يوفقني ويسر لي والاقي فستان الفرح ويطلع يجنن وربنا يوفقني ما ابغى يصير لاحد اللي صار لي
وحسبي الله ونعم الوكيل في كل اللي بيشتغلوا في الشركه دي لانهم بينصبوا على الناس واللي يحرق الدم انا سسالتهم كيف يوصل الطر قالوا في كرتون عليه شعار الشركه حزروااا كيف وصلني الطرد كنت حانجلط ولا اعطيتهم عنوان العمل طبعا انا كنت متوقعه استقبل شي فخم من السويد وصني طرد من الدي اتش ال الفستان مطبق في كيس بلاستيك (( فستان شبكه مكبق في كيس بلاستيك كانه كيس لحم ومغلف بورق الدي اتش ال شوفتوا كيف لمن تحطي قماش وتلفيه بكيس وما تحطيه في علبه ؟؟؟؟؟؟ كدا جاني فستان شبكتي تخيلواااااااااا اضعف الايمان الواحد متوقع شي مو اروبا انتوا بس اتخيلوا
ولمن افضى انا شاء الله حارفق كل التفاصي من صورة الفستان الى الفاتورة المرسله وكل شي بس والله انامشغوله بين الدوام والتجهيز للفرح ارجوكم ادعولي ربنا يوفقني وعقبال الجميع