ّّّ وانتي على الكوشة فيدي واستفيدي ّّّّ وعقبال العزابية

25 فبراير 2010

* لون الميك أب
كلاسيك .. الروج عودي و الشدو موف فاتح .. زي مكياج هيفاء في فرحها.. كان مهم عندي انه مش من النوع اللي يقدم بعد سنه او سنتين و الحمدلله الى الان صوري و مكياجي ما يقدم:27:

* نوع الحذاء :
من فنسي كعب ذهبي

* ماركة السوتيان
فستاني مركب فيه السنتيانات الكب

* لون شعرك
بلياج الارضية بني و الخصل رمادي..
كانت التسريحة كلاسيك بس لون الشعر خلاها فخمة ..

* اكسسوار الشعر
تاج مفصل من القاضي

* مسكة الورد كيف كانت
كلاسيك ورد عودي ..

* نوع الطرحة :
امممممممممممممم
ما اعرف كيف اوصفها ..!!!
فيها كم ..!!
و تطريزها هندي فخم ..

* حاجة عملتيها وتمنيتي انك ماسويتيها وانتى ع الكوشة
حمدلله كله كان مخطط له و مشي تمااااااااام

* حاجة نسيتي تسوينها
و لا شي

* الدي جي مين اخترتى وشو اغنية الزفة :
كانت امنه العباسي هي اللي كانت في فرحي
الزفة من زفات المدينه ..
كانت مكلفة و غالية بس حمدلله مثل ما انا اتمنيت..
في زفتي كانت في فقرة بسيطة لبست فيها امي وامه و جدتي الله يحفظهم ..عقود ورد .. كانت لفتة حلوة وحمدلله حات مرتبة و لحظة افتخر فيها..
الزفة اسلامي .. اصلا الفرح كله اسلامي..
البداية صوت التايتنك
بعدها مجس حجازي
اغنية نانسي (( اسم الله يا حلوة))
عليها طلعت و ظليت على البكلونة..
الزفة الحجازية ..للممر .. الممر كان طوووووووووووويل
صوت فنانةبدون موسيقى عن الام وقتها كان لعقود الورد
امممممممممممم
نسيت والله
اغنية سلام الله على هالزين ..
وقتها الكل قام و رقص و هيص ..

* التصوير مين جبتي وكيف طلعت الصور ؟
لمسات جده
الصور كانت خراااااااااااااافية و وجاهه..:27:

ّّ الي حابة تضيف أي معلومة أو أي تفصيل أكون شاكرة ووممنونة لهاّ
التخطيط المسبق لكل شي انت تبغيه .. مش تقليد لاحد او صرعة جديدة:mad: حركة انت تبغي تضيفيها و ما تندمي عليها ابدا..
اللي سويته وما ندمت عليه ابدا و باذن الله ما راح اندم عليه عقود الورد
مالبست ذهب
بس دبلة الماس و حلق فخم ..
فستاني كان كله تطريز ذهبي و الطرحة كلها تطريز ولولو و فخم ..!!! ابدا ماهي حلوة البس عقد..
ما نقشت حنه..
ونفس السبب ..
ما راح يكون مثل ماأنا اتمنى كله مليان و زحمة .. احب البساطة.. هذا ذوقي وهذا انا..
امي وجدتي حاولوا فيا الين قبل الفرح بيوم ..لو شي بسيط ..بس ما حصلنا كله مشغول ..
عملت تصوير فيديو .. و عرض سينما..
تعتبر زفتي بدري مررررررررة ..
ماشاء الله امنه جات من 10 و بدأ الطرب .. زفتي كانت 1 ونص ..
و انزفيت تاني مع زوجي بعد ما خرجوا المعازيم..
رحنا بعدها الميز واتعشينا و شفت الميز بالكااااامل..
اممممممممممممممممممممم... والله هذا اللي اتذكره ..

نصيحة ذهبية ..
صفي نيتك لله اولا و اخيرا ..
و ترا الرزق يجي على قد النية ..
اذا نيتك سيئة الفشخرة الكبر الاستعراض كله ينقلب عليك حتى لو مشي مثل ما تبغي..تجيك ضيقة و حزن
لكن خلي نيتك ارضاء لله .. ثم ارضاء لنفسك و فقط..
تمشي امورك مثل ما تتمني و افضل ,,
في هذاك اليوم اقرأي سورة البقرة ..
سبحان الله غير الحماية والحفظ تضيف عليك جمال و هدوء..
في شبكتي انظربت في المكياج و طلع شكلي غلط ..
و رحت عدت الصور و المكياج ثاني .. و قرات سورة البقرة..
والحمدلله طلعت مثل ما ابغى ..
في يوم فرحي ..سبحان الله .. المكياج في البداية ما عجبني .. وكان مخليني باهتة .. قعدت اقرا سورة البقرة و الاذكار ,, و كملت المكياج وانا اسمع لسورة البقرة بالسماعات .. والحمدلله تغير اللوك بالكامل..
سااااااااار مرة حلو و راااااايق و كلاسيك ..
حتى اذا انت من النوع اللي يتخبص مكياجهم يوم اي مناسبة انصحك بقراءة سورة البقرة..
اصحك تأخذي شي اي شي ابو مشي حالك .. الكوافيرة او التصوير..
اذا فيك تأخذي الصور وتقولي لها مثل هذا افضل ..
و بس..
واذا اتذكرت شي حأمر و اقولكم ..

موفقين يا حلوييييييين..

ّّّ وانتي على الكوشة فيدي واستفيدي ّّّّ وعقبال العزابية

التعليقات

الحين وانتو تجهزون لقتو زنقات ماديه او قلقانين انها تصادفكم

كل عام وأنتم بخير هدية العيد لبنات حواء أطقم أكسسوار و اروع اطقم ذهب

عندي مناسبه وابغى موديل// يوجد موضوع مثبت للموديلات والفساتين

اشتريت صدريه وابغى موديل تنوره تنفع لسهره \ يوجد ملف لطلبات الفساتين والموديلات

ادري وانتو تدرون ؟أجــال مايحتاج اقول السالفه!!هههههههههه (تنسيق الالــوان)