تكفـــــــــــون ابي الرد بسرعه

السلام عليكم ...
ياجماعه تكفون ساعدوني طلبتكم انا بقولكم موضوعي وابي ارائكم بحكم انكم اخبر
مني واكبر انا متملكه ولي شهرونص تقريبا عمري 21 وخطيبي عمره 30 لكن فيه تصرفات غريبه وانا ماني مرتاحه له ابدا اذا كلمته ممكن عادي لكن اذا شفته احس بضيقه مو طبيعيه خصوصا تجيني رسايل غريبه ان راعي بنات وانه مايصلي وحنا سالين عنه وماسمعنا الاكل خير لكن يوم ملكت اعترف لي انه راعي بنات وماضيه كله صرت اخاف منه ويقولي انتي بنت عاديه مافيك الا اناقتك ولو اقارن بيني وبينك انا افضل منك عندي تعليم وشهادتي افضل ومثقف واعرف اطبخ ومرتب ولا انتي شوفي ايش شهادتك وانا سنه رابع جامعه بس قسمس موقد مقاماه الاخ >>>والله حاله واللي مخوفني اكثر انه يقرا افكاري ويستنج ع كيفه ويقولي انتي شكللك لك خبره وتكلمين شباب لان تصرفاتك مو تصرفات بنت توها تعرف اول رجل في حياتها وانا تصرفاتي جدا طبيعيه صار يطبق علي ماكان له من علاقات وفوق كل هذا صرت اشك فيه غصب عني خذت فكره عنه سيئه خصوصا ان يدرس برا وع فكره انا بروح في غربه معه وهذا شي يخوف وخصوصا انا مو متقبله شكله استغفرالله يمكن عشانه اقصر مني واحس مو متقبله الموضوع ويختبرني في اشياء كثيره ويعطيني دخان يقولي جربي مافيها شي وانا افكرفي الانفصال لاني تسرعت في قراري وفوق كل هذا احس اني مو قد المسؤليه بس خايفه مايجيني الاواحد مطلق او متزوج خصوصا نظره المجتمع مو كويسه عندنا ومايرحمون انتوا عارفين كيف وانا الحمدالله مانقصني شي
ابي ردودكم لاعدمتكم والله يوفقكم ويسير امري هل هي اسباب مقنعه بالانفصال ؟؟؟
:44:حتى هو حاس اني ماابيه

4 تعليق 534 مشاهدة

شاركي في النقاش

سجلي الدخول لإضافة تعليق.

التعليقات

4
  1. حبيبتي أنا ما أعرفك بس أجاوبك كانك اختي بصرف النظر عن قصره أو شكله أنا أعطيك نصيحه : إنفصلي منه قبل لا يلطخ سمعتك حبيبتي............... عندي كلام كثير لكن انتي طلبتي المشوره من الأكبر منك واللي عندها تجربه خلاص؟؟
    إنفصلي عنه ولا تنتظرين يطلب منك شي آخر بحكم إنه مملك عليك
    وكلام الناس عندي دواء ليكي : الله أكبر من الكل والله يوفقك واي شي حاضره يا حلوه
  2. @hbybth_obs

    حبيبتي وش تنتظرين أكثر يشك فيك وفي أخلاقياتك ويشبهك بعاهراته لااااااااااااااااااااااااا ياقلبي


    الى هنا وكفاية الا الشرف والعرض,,,,,اتركية الله لايرده وبعدين ليش تخافين الطلاق حبيبتي تتطلقين

    وانتي بكر وتوك صغيرة و بإذن الله بيعوضك ربي اللي أحسن منه ,,,,,,,انتي باقي تفكرين وتستشيرين


    اللي هذا أوله ينخاف من تاليه ,,,,حسبي الله عليه ونعم الوكيل
  3. @dedd0

    انتي توك صغيره ! [ البنات كفوو ووفوو :)
    ومدام هذا اولها ينخاف من تاليها =(
    االله معاك :)
  4. حبيبتي انتي واضح انك ودك تنفصلين لكن خايفة من كلام الناس

    او خايفة انك ما تتزوجين الا مطلق او متزوج

    حبيبتي انفصلي عنه واحسني الظن بالله انك تاخذين احسن منه

    واذا هو من الحين كذا ومعروف ان فترة الملكة احسن فترة بعدين وش يصير ؟

    وفيه كثير صفات صدقيني صعب الواحد يتعايش معها

    انه شكاك ويحب يقارن وراعي بنات وغيره

    وزياده ع كذا حاطك ولا شي ويحطمك ليه ؟

    ترا تنفصلين الحين احسن من بعد ولد او اثنين ؟؟

    واخيرا صلي صلاة استخاره حبيبتي

    وان شاءالله يجيك واحد احسن منه بكثير

تابعي تجارب أخرى من هذا القسم.