حبيبتى يا اوكسى انا على فكرة واخداكى قدوتى هنا كل ماسمع كلمتين يحبطونى افتكرك وافتكر اصرارك وعزيمتك وصبرك ويقينك بالله وان شاء الله ربنا هيعوضك مش ربنا قال ( انا عند ظن عبدى بى ) وبعددين سبحان الله كل ما اخت فى اخواتنا هنا تفشل لها محاولة واجى اكتبلها بييجى على بالى بنات ياما كتبنالهم ان ربنا هيعوضهم وافتكر انهم دلوقت حوامل او امهات وانتى كمان ان شاء الله ربنا هيديكى انتى وفاطمة ونيفو لانى بصراحه بقى بدعيلكم بحرقة قوى وزهقت منكم خلاص ونفسى تبقو امهات واخلص منكم
بحبكم جدا والله بس اما بتشدو عليا السلخ بحبكم بردو على فكرة بمناسبة السلخ انا عايزة كلمتين فى جنباى السيستر فى المدرسة بتقولى ان تحت عينى ازرق جدا وان وشى شحب وشفايفى لونها ابيض المهم قالتلى ان كده غلط عليا ومش هى بس ده حتى جوزى كلمنى فى الموضوع ده انا باخد فيتامينات بس مش عارفه ايه اللى حاصلى مش عندى شهية للاكل من كام شهر وانا كده يعنى يمكن طول اليوم ماحسش ان ليا نفس ودى حاله جديدة على شيمولاتا ام تلاجتين وفريزربس انا خايفه ارجع اكل اتخن وكمان نفسى انزل الكام كيلو اللى فاضلين
تجمع الموقنات برحمة الله ( خبرات متبادلة حول مراكز تأخر الحمل في مصر ) ج 11
متابعة النقاش، صفحة 26
