اي استفسار لبنات الطائف انا في الخدمه [تم دمج الاستفسارات الخاصه بالمنطقة]

هلا يوري وتسلمي الي تسئلي عن مامتي انتي والبنات بس الحمد لله امس دخلوها العناية المركزة واليوم طلعوها امنتكم يابنات لا تنسوها من الدعاء انا من غيرها ما اسوى شي .

وبالنسبة لمحل ديكورات جبس في محل اسمو البيت الابيض وانتي جاية من شهار على البلد تحصليه على يدك اليمين وفيه واحد ديكورات اندونيسية في شارع الغزالي بس ما اعرف اسمو عندو حركات حلوة وبالنسبة لحاجات يقدمونها في الزواجات بس اصبري عليا عندي كم فكرة اعطيكي هيا بس بالي مشغول هذي اليومين على امي الله يحفظها .

املاءات المطر انصحك للسكر بمراجعة المركز الصحي لانو اذا بتراجعي في عيادات خاصة راح ياكلوكي والسكر مالو الا الانسولين والحمية والرياضة علاج للاسف مافي والله يشفي مريضكم .

يوري ما قدرت انام من غير ما افيدك

خذي يا ستي هذي فكرة بس جديدة ومكلفة شوي على حسب ميزانيتك تكبريها ولا تسويها وسط

فكرة تسوي طاولتين استقبال وحدة على الطراز البدوي والثانية على الطراز الحديث او الحضري

الطاولة الاولى يكون تصميمها على الطراز البدوي يعني يكون المفرش حقها سدو وفيه عليها مثلا المروحة وفوانيس صغيرة وتكون اغراض التقديم طبعا التمر والمضر وما شابه والقهوة تكون في دلال وتكون واقفة عليها عاملة لا بسة جلابية بدوية وتباشر المعازيم .
والطاولة الثانية تكون مفرش عادي وعليها باقة ورد وتكون حاجت التقديم حلاوة لدو ولبنية ونارجين وما شابه ذلك وتكون القهوة في ثلاجات والعاملة تكون لابسة على الموضة شوي .
وممكن تختاري وحدة من هم بس واذا ما نسبتك الفكرة اعطيكي غيرها او في مجال لتطوير هذي الفكرة حسب الميزانية انا بسطها كثيرلك

مشكوره والله لدعيت لامك اليوم الجمعه الله لايحرمك منها وحلوه الفكره ماعليك امر ابي تفيديني في حركات وتوزيعات للمعازيم وحركات في الزفات ووس رايك في قاعه الزمرده