مدري انتن مثلي او لا ؟؟

بسم الله
انا زوجه لابن يصرف على اهله لان والده مقعد وهو بمثابة الاب الثاني لهم
وهو كبير العائله ويوجد الان اخوانه اثنين موظفين واخت ايضا موظفه
والام لديها ورث بالبنك 00
وانا اتضايق احيانا من كثرة طلباتهم لزوجي بالذات مع العلم ان زوجي عليه
ايجار البيت وفواتير الغاز والكهرباء وفواتير ثلاث تليفونات ثابته
وجوالين 00 هذا غير الاكل والشرب ومصاريف المدرسه ومصاريف اخوانه اللي يدرسون برا 00
ومصاريف ابوه والسائق 00 والماء 00 واي شي يخرب بالبيت هو المسؤول عنه
واي شي ينقص جب يافلان وانا انقهر واقول ليش مايقولون لاخوانه الثانين
حرام كل شي عليه ليش مايرحمونه يكفي الاعباء اللي متحملها
لدرجة مرة حنا مسافرين نتمشى برا المملكه وقبل لايسافر جاب لهم اغراض البيت
واعتمد على اخوه ان اي شي ينقصهم اخوه يجيب واخوه طلع مهو قد المسؤوليه للاسف مع انه كبير مو صغير 00
المهم امه كلمته وقالت له نبي اغراض لابوك 00 شفتوا حتى بالسفر لاحقيننا بالطلبات مع ان عياله اثنين بالديرة ماقالت لهم
احيانا امه ترحمه وتشري اغراض من فلوسها
والحين انقهر اذا اتصلت علي وقالت الماء مخلص خلي زوجك يجيب
واقول بقلبي طيب زوجي تكفيه المصاريف اللي عليه خلي عيالك اللي عندك يساعدونه شوي مو بس اكل ومرعى وقلة صنعى
اشوى اخته يوم توظفت تكفلت بمصروف العيد والزواجات
ماادري فيه احد يعاني مثلي ولا لا ؟؟؟

14 تعليق 1,823 مشاهدة

شاركي في النقاش

سجلي الدخول لإضافة تعليق.

التعليقات

14
  1. @mhad_1

    ياحبيبتى هنيئا لك بزوجك والله زوجك فيه الخير
    وثقتى وتأكدى بأن الله سيفتح عليكم من أبواب فضله
    فصبر جميل والله المستعان
  2. @tolan_1

    احمدي ربك زوجك عنده ويساعدهم وكل شي يسويه بيرجع لكم ويعوضكم ربي بالبركة انا اعرف وحده زوجها بياخذ قرض علشان ابوه يشتري بيت جديد مع العلم انه ساكن في بيت ملك
    والولد من ايجار لايجار
  3. @othab

    ربي ماراح يضيع عليه ان شاء الله
    اا اعرف وحدة مثل حكاية زوجك بطريقة اخرى
    اهله ماعليهم من الناحية المادية
    لكنهم طمعانين بفلوسه لكونه مليونير
    مره يجيب لهم سواق ومره خدامه ومره يشتري لهم بيت فخم
    ومره يسفر ولدهم علشان يدرس وووو
    حتى بنات اخته ياخذون احد السواويق يوميا والسواق متضايق انهم مايعطونه حق البنزين اذا قال لهم ان البنزين خلص مع انهم ممتازين من الناحية المادية لكن الطمع وقلة الذوق

    اعرف وحدة ايضا مع ان ابوها مقتدر لكنه مايصرف على اهل بيته زي الناس
    وهي تدفع من عندها قد ماتقدر واحيانا تطلب من اخوانها

    ومن كلامك حسيت ان زوجك ماديته على قده لان عنده اجار
    فخليه يساعد وفق امكانياته ويلمح لاخوانه

    والله لا يحرمه الاجر
  4. @brk_alkhyal

    احتسبي ...

    وثقي أن مافيه شي يضيع عند الله...

    وهذا باب خير .. -لاتتضايفين منه أبد :27: ...

    وأن لم ينفعك في هالدنيا العابرة ...

    لقيتيه أنتي وزوجك في الآخرة بإذن الله تعالى ..


    وسلام ..
  5. اخيتي تذكري قول الله جل وعلا : (قو انفسكم واهليكم نارا وقودها الناس والحجاره عليها ملائكه غلاظ شداد لايعصون الله ........... الايه )
    فكوني عون له على بره باهله وصلته باخوانه واخواته اذا كنت تحبينه( فكما تدين تدان) والدنيا غداره وممكن تحتاجين غدا لاولادك او لهم , لاسمح الله.
    وتذكري ان من بر بوالديه فتحت له ابواب الجنه, والمال يفنى والاجر باقي .
    وبيت الاخره افضل من بيت الدنيا .
    لمن تجمع وانت تموت, والله خلق كل انسان ومعه رزقه , فهذا المال الذي ينفقه على اهله صدقه وصله.
    وابليس اراد ان يوسوس لك ليحجب عنكم الخير( ارجو من الله ان يضعفه وان يخزيه وان يدلكم على الخير والصواب وان يبارك لكم في مالكم واعمالكم واولادكم وان يرزقكم برهم انه ولي ذلك والقادر عليه) واسفه على الاطاله وعلى الازعاج.

تابعي تجارب أخرى من هذا القسم.