▓▒░◄♥►بنــــات بريطانيـــــــUKــــا حياكــــــم اللـــــــه ◄♥►░▒▓

والله مريت بحالتك تععبت نفسيا لكن شوفي ولدي الصغير اول مادرسنا عمره 7سنوات عيا لايدرس ويغيب كل يوم علمهم ابوه قال عجزنا مايبي يدرس قالوا جبه لنا وداه وهو يبكي قالوا ادخل معه انت وامه عادي وخلوكم معنا لما نقول لكم لاتجون المهم ماخلو شئ ماسووه وتعاطفوا جدا معه وتاركينه على كيفه لعب وفله ويرسم والي يبي يسونه له وخلوه رئيس الفصل المهم الحين الحمدللله يموت على المدرسة وناقلين همه ان رجعنا السعودية مايلقى بمدارسنا الدلع والدلال

يارب تيسر اموركم ان شاء الله

مرحبا
صديقتي نفس مشكلتك وراحو للستي كانسل قالو لهم تدفعي غراااااامه ماليه
وان شاء الله مايصير الا كل خير
تحياتي

بنااات ياحبي لكم والله ماتقصرون عالدعوات ولكم بالمثل وأكثر :26:

والله لو الواحد مايلقى منكم تعاون وتبادل خبرات كان ما شارك
كلنا نكمل بعض
الله لا يحرمنا من الصحبة الصالحة :26::26::26:



ashouaaq99
الله يشفيك ويفرج همك وهم أهلك .. وكل مسلم
الله يجمع لك بين الأجر والعافية

Dowain
ولمي نفسك ان شاء الله الدور الجاي عليك

تصدقين شكلي ملخبطة في موضوع الفطور هههههه الله يستر على عقلي
لأني دورت بجيب لك الموضوع .. ومالقيت :35:

بس والله مو مجاملة ربي يعلم معزتك في قلبي
و ردودك المميزة ووجودك في لندن فايدنا كثير بشكل ماتتصورين
وكنت بطلب منك طلب بس خليها في المقابلة المنتظرة ان شاء الله :)

الله يوفقك ويجزاك عنا خير


شمس
الله يسهل أموركم وتلقون لها مدرسة زينه أو اطلبوا تنقلونها لفصل ثاني يمكن ماحبت المعلمة
أما عالكونسيل مدري وش إجراءاتهم

وصدق هم دقيقين عالغياب والتأخير
أنا ولدي العام تكرر غيابه نفس الشيء كنت أسهر مع ولدي الصغير وأنسى البيت باللي فيه!
وارسلوا لنا ان غيابه كثير

وغاب بعدها وجت مشرفة خاصة بحالات الطلاب اللي يتغيبون ويتأخرون .. تخيلي جت للبيت !
يعني هي دوامها كم ساعة في كذا مدرسة وتشوف حالات الطلاب وتروح لهم في البيت

جت تسأل عن الأسباب وإذا فيه مشكلة لازم تقولون لنا وحنا نحاول نتعاون ونحلها لكم
قلت اني أتعب مع ولدي الصغير .. قالت وش ذنب الكبير طيب؟
يعني هذي مايعدونها مشكلة يعتبرونها شيء ممكن نتفاداه

صراحة انحرجت .. والله انها صادقة محنا الوحيدين اللي نسهر مع عيالنا ..
و أنا على بالي مايدققون ..

ومرة بعدها غاب << مافينا فايدة !
بس كان ولدي الصغير تعبان مرة وسهرانين معه ونفس الشيء
جت وقالت لبسوه وجيبوه حتى لو متأخر أهم شيء مايفوته شيء
وقالت لنا عن قوانين المدرسة ..

عقبها صدق صرت أقااااااااوم تعبانين ولا سهرانين .. والله خفت من إجراءاتهم
هذا غير انه يأثر على الطفل ونفسيته .. وتقبله للمدرسة

أنت قولي لهم عن ظروفك ونفسية بنتك .. ويمكن مثل ماقالت حمامة تبي تقعد عشان الصغير قاعد في البيت
وان شاء الله يتعاونون معكم ..

الله يعينكم


غريبة ليفربول
فعلاً جربت زيت الزيتون بس للمواليد مدري عن عمره 5 سنين ان شاء الله يفيد
أتوقع كل زيت الزيتون اللي في تسكو أصلي
http://www.mysupermarket.co.uk/Shopping/FindProducts.aspx?Query=olive+oil

أنا آخذ اللي مكتوب عليه virgin
يعني أتوقع المقصد انه خام أو قطفة أولى .. أو بدون زيادات أو إضافات

أنا اللي أعرفه القشرة تجي من التحمم بموية حارة الأفضل تكون دافية أو فاترة عالراس
لأن الحار يجفف وغير كذا لبس القبع بشكل دائم
بنتك صغيرة عالقشرة .. بس عشاننا نغطي روسهم .. ونستخدم الموية الحارة .. تجي القشرة غصب
لأن جت عيالي واستغربت بس جت مع شدة برودة الجو وقلة شرب الموية !
وعوامل التعرية اللي قلت قبل :)

أما شامبو ماعندي فكرة