الي رزقها ربي ببيت ملك تتفضل

الف شكر لكل من ردت على موضوعي

أنصحك لا يكون الحمام قريب من المطبخ

احنا لسا بادين
انا حاطه الشغاله اول تحت مع غرفة الغسيل مع المطبخ وبعدين غيرت حطيتها في الدور الثاني وغرفة الغسيل بحطها تحت مع المطبخ
لاني عندي اولاد وخفت احطها تحت وانتم خابرين
حاطته جنبي العيب الي خايفين منه انو اذ رحت لقسمي لازم امر من غرفتها بس مالي حيله
ولا ابغى احطها في الدور الثالث لان الدور الثاني اقدر اشيك عليها والي سمعته من الي حاطين في الدور الثالث انها اذا صعدت ماتنزل بالحسره

انصحكم ابنو بيتكم وقسموه على حسب حاجتكم انتم مو الناس

مرحبا دبدوبة حبوبة
وكل اللي يمرون هنا
كيفكم ان شاء الله طيبين
بسرد لكم تجربتي انا وخواتي في بيوتنا والاشياء اللي ندمنا ما حطيناها والاشياء اللي مريحتنا

اشياء ماحطيناها ولاسويناها وندمنا لاننا نسيناها :
اولا/ غرفة للاطفال لان بيتنا بيت العائلة فمتورطين ماندري وين نحطهم ,. خليها خاصه للاطفال غير ملاحق الرجال والنساء
ثانيا/ غرفة غسيل خاصة في السطح او تحت في الحوش الخلفي عشان تكون قريبة منك ونشر الغسيل حددي له مكان // حطي في بالك تحديد مكان لمناشف المطبخ بعد غسلها ومكان للمكانس الكهربائية واليدوية وادوات التنظيف كلها
ثالثا / القبو _ البيسمنت
رابعا / تكبير الحمامات الخاصة بغرف النوم و التابعه لقسم الضيوف
خامسا / مطبخ مستقل للطبخ سواء خارجي او داخلي
سادسا / غرفة مستقلة للعبايات بجنب مجلس النساء وبجنب المغاسل " حركة مميزة افضل من دولاب العبايات اللي صار دارج بكل بيت"..
سابعا / غرفه للضيوف للنوم مو استقبال تكون تحت

اشياء سويناها ومريحتنا ..
اولا : غرفه ملابس او دواليب بالجدار تابعة لغرف النوم
ثانيا : كثرة الافياش في الغرف والصالات وخاصة المطبخ وكثره الافياش في الصالات وغرف النوم وتحديد اماكنها من تلفزيونات ولاب توب واباجورات ..... الخ .... عشان ما تحتاجين او تضطرين لاستخدام توصيلات كهربائية لانها خطيرة
ثالثا : مطبخ تحضير او ما يسمى بالاوفيس بالصالة العلوية
رابعا :مستودع خارجي للفريزير والثلاجه والمواد الغذائية
خامسا : ملحق تراثي في الحوش الخلفي وملحق للرجال امامي مع ملحقاتهم طبعا


اتمنى ردي يكون مفيد