الله يسعدكم اللي حصل لولدها اوبنتها او اي احد تعرفع زي كده تدخل تريح قلبي الله يريح
يابنات راح ادخل في الموضوع على طول واحنا كنا مسافرين بالسياره فجاه بنتي وهي بحضني تشنجت وكانت هذي اول مره بحياتي اشوف زي دي الحاله هي عمرها ست سنوات بالصف الاول الابتدائي واول يحصل زي كدا اول مابدت اتمغطت احسبها يعني مكسله وتتمغط لما طالعتها لقيتها بشكل تاااني وبعدين طلع زبد من فمها بعدين فكت وصحيت بس دايخه كانت رحله بس الله المستعان اول ماوصلنا جده على مستشفى عرفان المهم سو لها تخطيط مخ وتصوير بالرنين المغناطيسي المهم انه التشنج ماكان بسبب صخونه لانه ماكان عليها صخونه المهم بعد التخطيط الدكتور قال عندها كهربا زايده بالمخ اول مره اسمع فيها والرنين الحمدلله سليم ومارضي يعطيها علاج قال انها جاتها وحده مره وحرام اعطيها دوا تستخدمه سنتين عشان وحده مره ممكن ماترجع تجيها تاني قال لي اذا رجعت جاتها الحاله دي تاني ارجعي وانا اعطيها علاج وانا في حال بس الله المستعان من وقتها وانا خايفه وقلقانه خايفه اخرج وخايفه انام خايفه تجيها الحاله وهي نايمه وماانتبهلها مالاحظت لها اعراض قبل سبحان الله السؤال الله يسعدكم اللي مر عليها زي كده تقول؟ وهل فيه ناس جاتهم وحده مره وماعاد اتكررت؟ وايش لها علاج ثلا شعبي او اي شي يعني مودوا طبي؟ يابنات سمعت عن الاساور الحديد اللي تنباع في الصيدليه يقولو تسحب الكربا والسحنات الزائده سمعتو فيها ؟الله لايوريكم مكروه لافي انفسكم والا فيغالي احنا واياكم يارب العالمين