رسالة هاامة إلى بعض الأخوات إلي يهاجمون أخواتنا وبناتنا الطبيبات والممرضات مع التحية
متابعة النقاش، صفحة 7
شاركي في النقاش
سجلي الدخول لإضافة تعليق.
التعليقات
89- جزاك الله خير ذبيتي عن اعراض المسلمات
- السلام عليكم يا بنات
آسفة طولت عليكم مو بيدي والله لكن بما إني عضوة جديدة بالمنتدى حاطيني لي حد اقصى من الردود وهي بس 3
وبالنسبة للأخوات الي راسلوني على الخاص أقولهم ألف شكر لكم بس برضوا قوانين المنتدى ضد المستجدات والقانون يقول يجب ان تتعدى مشاركاتي 50 عشان يتاح لي استعمال الخاص اللهم لا اعتراض ((وحدة خايفة من المشرفات))
بحاول ارد على معظم التعليقات والي بقول فيها وجهة نظري الي قد تتفق وقد تتختلف مع وجهات نظر بعض العضوات
لكن بالأخير يا بنات كلنا مسلمات وقلوبنا على بعض وهذا المنتدى الجميل عبارة عن ملتقى افكار وخواطر بين بنات البلد والي عايشات في البلد
عشان كذا ياحبيباتي يا أخواتي لازم نتعلم شيء مرة مهم
وهو اننا نفهم بعض ناخذ ونعطي مع بعض نتحاور عشان نتقارب نتفاهم عشان نتصالح نتواضع عشان نتصادق.
وليس العكس نتحاور عشان نتصارع نتواصل عشان نتهاوش نتناقش عشان نتسابب نتقارب عشان نتباعد هذا الي صاير بيناللأسف مافي أي إحترام لوجهات النظر المختلفة مافي أي تقدير للمشاعر والعواطف
يابنات والله حالنا ما يسر إلى عدو وحدة تفسق الثانية ووحدة تتهم اختها بالتخلف ووحدة تكفر والثالثة تخرج من الملة ورابعة تدعي على أخواتها صفات الغلو والتطرف والثانية تصف صاحباتها بالإرهابيات وبعدين طيب؟؟ وين بنوصل؟؟؟
هذا يجوز بالله عليكم جاوبوني،،، ليش حنا كذا؟؟ ليش مانعرف نتفاهم ليش ما نسمع وجهات نظر بعض بدون مانتهاوش
تخيلوا لو الرسول صل الله عليه وسلم يشوف وضعنا كذا يا بنات تتوقعون بيكون راضي عننا؟؟
ولا وحدة بتغير من شخصية الثانية إلا بالإسلوب الحسن المهذب والحجة الواضحة وفي (إيطار الإحترام)
كلنا أخوات سعوديات وعربيات ومسلمات
الإختلاف سنة الحياة الله سبحانة وتعالى خلقنا مختلفين عن بعض فكريا وخلقيا وله حكمة سبحانه
نروح حنا نعترض على حكمة الله ونتقول ليش هذي يختلف رايها عن راي إذا هي !!!! وتبدأ حفلة السب والقذف
كل وحدة لها شخصيتها ومستوها الفكري والثقافي الي يميزها عن الثانية ومو لازم نتفق مع بعض بس لااااااااازم نحترم بعض ونبعد عن الكلام الغلط
هذي المقدمة الي ياليت كل وحدة تقرها قبل ما ترد علي لأني ماراح أرد على أي وحدة الإ وهي مقتنعة بالكلام الي فوق
نرجع لمحور الموضوع
أولا أشكر البنات الي ردوا بأدب و إحترام و سواء الي تتفق معي أو الي تختلف معي شكرا لمروركم
وبعلق على بعض المشاركات الي لي راي فيها
يا بنات ارجو عدم إساءة الظن وانا بوضح موقفي للأخواتنا العربيات
انا أبدا مو ضد اخواتنا العربيات
الله يجازهم خير الغالبية منهم طيبات ومحترمات ولهم فضل كبير على هذا البلد كما للبلد هذا فضل عليهم
لاحظوا يأخواتي انا كتبت ببببعض العربيات ولم أعمم ليش تركتوا الكلمة هذي وهي زبدة الكلام
لكن انا ذكرت ان الأولوية طبعا لبنات البلد و هذا أرجو انكم ما تزعلون منه لأنه حق طبيعي
يعني يا أخواتنا ياعربيات
مارح تتضايقون لو تلقون سعوديات يزاحمنكم في عملكم بالمدارس او في المستشفيات بسوريا ولا بمصر وانتم عاطلات عن العمل وتملكون نفس المؤهلات؟؟؟؟؟؟
ماراح تكونون أكثر اخلاصا وامنتا من السعوديات الي يدرسون في بلدانكم؟؟؟
أكيد لأنها أقرب لكم من أي احد ثاني جاي من خارج البلد!!!
ونفس الشيء الكلام ينطبق على السعودية؟؟ اذا الأولوية لبنات البلد مع الف إحترام للجميع.
فبناتنا في أمس الحاجة للعمل و إستعادة الثقة بالنفس والكسب الحلال ومساعدة الأهل المتعسرين واللحمد الله مافي شيء ينقصهم مثقفات متدينات وعلى قدر عالي من التربية والتعليم .
أرجو ان تكون وصلت الفكرة
هلا بأختواتي الغاليات شكرا على المرور والغيرة والإهتمام
بس عندي سؤال لو كانت الدكتورة ولا الممرضة الي ذكرتوا اوصافها فوق ((مو سعودية)) هل كان حطيتي في بالك هذي المشاعر السلبية ؟؟
انا اتوقع لأنها سعودية لازم تتهاجم ولازم غلطاتها تتعظم وتتكبر ولازم نمسك أي شيء عليها
لازم نخليها تجلس في البيت معقدة زينا ما تطلع ولا تعمل نحبطها
اذا ما تحجبت قلنا ليش ما تحجبت واذا تحجبت قلنا ليش ما تغطتت
واذا تغطت قلناا ليش مطلعة جزء من شعرها
واذا تنقبت قلنا ليش لبسة الوان ملفته ولا ليش مكحلة
واذا سادة قالوا بس الكعب فيه كذا وكذا
واذا ما مواصفات على اللبس والشكل
قالوا طريقة كلامها و اسلوبها مو مظبوط
وسلسة من الملاحظات المغرضة الحاقدة الحسودة الي ماتنتهي
الي هدفها بالأخير تحطيم بناتنا وتفسيقهم و زعزعة ثقتهم بنفسهم
بالتالي يكونون سلبيات مثل بعض الناس في المجتمع لا عمل ولا شيء عطالة في عطالة
لا وزيادة على كذا تحطيم البنات الناجحات النابع من الحسد والغيرة
طيب هذا اخوتنا العربيات والمسلمات ليش ما شفنا أحد يعترض عليهم
ليش ماتحبطون إلا بنات ديرتنا ليش ما تفشلون إلأ أخوتكم والأجانب تشجعونهم وتفرحون فيهم
ولا وحدة فيكم علقت بكلمة على طريقة لبس عربية ولا مسلمة
ليش كذا ليش المشاعر السلبية ما عمري شفت بنات بلد يعاملون اخواتهم بالشكل هذا
كل البنات الي في البلدان الثانية يشجعون بعض ويرفعون من معنويات بعض إلا احنا
أقول الله يرفع عنا مشاعر الحسد والكراهية
آمين يارب
و أحب اقول لدكتورة وللمرضات الي علقوا
الله بينصركم ان شاء الله على كل من اساء اليكن وعلى دينكم واخلاقكم وشرف اهاليكم
مهما حاولوا يحبطونكم بالتعليقات السلبية النابية أو بإستخدام بعض الفتاوى لنيل منكن
انتم والله في نظر الغالبية احسن من الكثير حتى وان ماعبروا بصراحة عن مشاعرهم
انتم لكم خدمة وبصمة في المجتمع لكم عمل على أرض الواقع ليس فقط الكلام والفلسفة على المجالس
انتم لكم مكانة في المجتمع انتم يفخر فيكم كل انسان واعي في هذا البلد
تكفيكم دعوة أم طيبتوا خاطرها
تكيفكم دعوة انسانة سترتوا عوراتها عن الرجال
تكفيكم كلمة شكرا من طفلة تشفوف مستقبلها في عيونكم وتعتبركم قدوة لها
انتم عندكم رسالة سامية الأخرين عندهم رسالة تخريبية تحبيطية
يبونكم تصيرون مثلهم اللهم لا شماته
لكن انتوا اذكى من كذا ان شاء الله
انتم دكتورات وممرضات
تعرفون ايش يعني دكتورات وممرضات
يعني شيء كبير في المجتمع
لا تلتفتوا إلى السب والشتم والتكفير
وواصلوا ولا تعيروا اي اهتمام للملاحظات التحريضية السلبية
انتم بناتنا واخواتنا نشجعكم وندعمكم من كل قلوبنا
والله يكثركم وان شاء الله
ويارب يوم الاقي كل الي يعملون بالمستشفى سعوديات من دكتورات إلى ممرضات
قريبا ان شاء الله
- -
- اختي تيران
حبيتي
دعمنا واضح ومافي عليه غبار
لكن والله ننتقد السعودية والاجنبيه
طيب ليش نركز على السعوديه اكثر وننتقد بعض مظاهر التفلت والتبرج
لأنها متعلمة في هذا البلد المسلم وعارفه الدين وعارفة الحرام والحلال
اختي السعودية تعرف الفرق بين كشف الوجه والتحجب وبين التبرج الكامل
وصدقيني نحن ننتقد الشيء اللي يخالف الدين
لأن النجاح للطبيبات وغيرهن والله شيء يضاف الى ارصدتنا نحن
وانا اول وحده افتخر بوجود طبيبات من ذات الاسره في كامل الادب والحشمه والدين
و الله انهم قدوه قدوه قدوه عظيمه ومثال ودي كل الغرب يشوفه
وفيه منهم من السعوديات من سافرت وكملت تعليمها وابهرت البريطانيين بأدبها وحزمها في التعامل مع غيرها من الرجال بدون حتى ما تكشف وجهها او تتنازل عن جزء من دينها
وين الاعلام ما يظهرون هالاشكال ؟؟
مستحيل طبعا !
وصدقيني كلنا عندنا طموحات والكل قاعد يشتغل في عمله والكل عنده ملاحظات مهب بس الطبيبات والممرضات !
واذا كنت ابغا ادرس او غيري اعرفه يدرس اول شيء انصحه بالتمسك بالدين والحجاب والادب والحشمه
وماراح نقول انثبري ومين بيتزوجك وهالكلام اللي نحاربه والكل يحاربه
فهمتي عزيزتي
ارجوكم لا تتحسسون من النقد لاني وانتي وغيرك ننقد لاننا نريد التغيير للأفضل
مش التجريح والتهزء والتحبيط !
في ناس تستخدم هالاسلوب ويبان من كلامهم كرههم وحقدهم على اي طبيبه مهما كانت ويهدودنها بعدم زواجها !!
هذي عقليات اساسا ما نلتفت لها لأنها اساس دمارنا
لكن نطالب بشده من اخواتنا الطبيبات السعوديات
الالتزام بالحجاب الشرعي والتمسك بدينهن بل والاعتزاز بذلك
والله هذا اللي يخليني وانا جالسه في بيتي واتفرج على التلفزيون او اعمل او اطبخ اشعر بالفخر والاعتزاز الشديد بوجود امثال هؤلاء الاخوات لي السعوديات يمثلن ديني واسلامي واعتزازي اشد تمثيل بل وبنجاح منقطع النظير في عملهن
لكن تجي الدكتورة المتبرجه اللي وضعها كله غلط والشيء الوحيد للي تشيله هو كونها سعوديه وكل تصرفاتها تتوقع انها تمثل فيها الاسلام والدين هذي نجاحها لنفسها ولا استطيع حتى ان اجعلها قدوه
ارجو ان تفهمي كل النقاط في كلامي جيدا
والى الامام اخواتي العاملات في كل المجالات ولتقديم الصورة الممتازة من المثل والقيم والاوامر الاسلامية الحقه
كل الشكر - اولا جزاك الله خير ياصاحبة الموضوع على الكلام الي قلتيه
وثانيا انا اتمنى اني اشووف المستشفى كلها سعودين من ممرضات ودكتورات
لاني شفت الفرق في التعامل من الاجنبيات والسعوديات
والله السعوديه تهتم فيك وتقولك الحقيقه وهي قلبها عليك
اما بعض الاجنبيات والله انهم يتكلمون كان شاحدين عندهم
وحسبي الله ونعم الوكيل في من عمم كلامه على الدكتورات وتكلم عليهم
واحب اقولكم تراى القذف من الموبقات
وتخيلي يوم القيامه يوك كل طبيبه تجيك وتقول انتي تكلمتي في عرضي
ونفسي اعرف هل ترضون ان رجال يكشفووون عليكم؟؟؟
لان كلامكم محاربه للدكتورات السعوديات معناه انو راح عادي مافي مشكله ان رجال يكشف عليكم
الله يحفظ الدكتورات والممرضات السعوديات ويوفقهم لما يحبه الله ويرضاه ...
مواضيع مشابهة
تابعي تجارب أخرى من هذا القسم.