شاركي في النقاش

سجلي الدخول لإضافة تعليق.

التعليقات

2,131
  1. صباح الفل و الجمال عليكم كلكم

    معلش انا عندى اجازة هنا لحد يوم الحد و جوزى مبرشط على الجهاز فمش عارفة ادخل خالص
    بس هو نايم و انا اتسحبت اشوف اخباركم ايه


    ميكو منة بصى حقولك على حاجة بالنسبة لموضوع كرسى العربية
    انا واحدة صاحبتى اداتنى كرسى بتاع ابنها و كانت جايباه من عند التوحيد و النور اللى فى شهاب هو لونه كحلى فى رمادى فاتح و تمنه تقريبا 155 جنيه و مكتوب عليع Gracco دا استحمل ابنها لحد ما بقى سنتين و انا كمان اخدته لكريم و بعدين فيه ميزة استاااااااااذة
    انه ممكن يتحط فى العربية بيتاعة البيبى و دى ميزة لطيفة جدا انه يكون فى وشك فتكونى شايفاه و يكون هو متطمن انه شايفك
    بس للامانة انا معرفش هى كانت بتقعد ابنها فيه لحد ما يتم سنتين ازاى لانه صغير على حجم سنتين ة كمان كرسى العربية المفروض يتغير لما يتم 13 شهر بكرسى اكبر


    فطوووووووووووم و انا و انا و انا انا اسمى ريهام و كريم "كريم ابن ريهام" و بلاش اسم مامتى عشان مكلكع حبتين


    باقى البنات مش حلحق ارد على الكل معلش انا اسفة صحى
    حاروح اعمل الفطار

    حاشوف اذا فى فرصة تانية حدخل


    منة اذا احتاجتى اى حاجى ابعتيلى على الخاص و ربنا يتملك على خير يا رب




    باقى البنات بحبكم فى الله
  2. بنات صبااااااااااح الخير عليكم يا قمرات اخباركم ايه

    امبارح اتفرجت على دكتور اسمه صبري سيد على قناه صحتى وكان قاعد يشرح تأخر الحمل والحقن المجهري بطريقه ممتازه جدا وبشكل مفصل واضح انه دكتور كويس عمركم سمعتم عنه

    بس قال حاجه رعبتننييي قال ان اى واحده تاخد تنشيط اكترمن سنه( بدون حدوث حمل ) معرضه بنسبه كبيره ل الله اكبر بعيد عننا كلنا يارب ( سرطان المبيض او الرحم ) من بدايه سن الخمسين
    علشان كده في دلوقتى بروتوكولات دوليه من منظمه الصحه العالميه بتحذر من تنشيط المبيض اكتر من سنه وقال ان خطه العلاج لازم تكون
    6 شهور تنشيط عادى و3 تلقيح صناعي و3 حقن مجهري وبسسسس علشان متخخطاش السنه
    بصراحه سمعت الكلام ده تهت جدا واتخنقت وبقيت اقول معقوله كل مشوار العلاج ده والضغط النفسي وكمان اكون بضر نفسي كده
    إيه رأيكم ؟؟؟ عمركم سمعتم كلام زي ده بصراحه من امبارح وانا مرعوبه وكلامه مش بيروح من دماغي
  3. @am_ans_2006

    السلام عليكم ورحمة الله وبركاته

    ازيكم يا بنات

    اوكسي ربنا يوفقك مع الدكتور عماد وان شاء الله ربنا يكرمك يارب

    نودي هتوحشينا حاولي تطمنينا عليكي ولو كل فترة وربنا يكرمك يارب

    بسكوتة قل لن يصيبنا الا ما كتب الله لنا
    انا كمان سمعت كتير عن علاقة المنشطات بالسرطان
    ربنا يعافينا يارب
    بس دايما اذا خدتي منشط قولي بسم الله الذي لا يضر مع اسمه شيء في الارض ولا في السماء وهو السميع العليم

    انا بقول كده لما اجي اخد اي حاجة واي حقنة

    ربنا يعافينا ويرزقنا ويكرمنا ويفرحنا
  4. السلام عليكم
    نيفووووووووو....البقاء لله فيمن فقدت وربنا يجعلها اخر الاحزان
    ربنا يجازيكي الف خير عننا على مجهودك الرائع ويعطيكي خير الدارين
  5. @zynb_abrahym_1

    رمـــــال
    ماشاء الله على ارادتك يا زينب وربنا ياحبيبتى يكرمك ويبارك فى تعبك ده وتحملى بأمر الله .. بس كده بجد برافو عليكى انتى مشيتى على نفس طريق شوشو وبأمر الله هتبقى حامل زيها لانك مش مقصرة فى شئ وانا بجد بحييكى على اصرارك على انك تخسى لحد الوزن د…
    ريمو زعلانه منى يا خراشى يا خراشى
    هافضل اعيط لحد مانول الرضى
    معلش يا بنات بس انا فعلا مطحونه برجع الساعه 6 ولو رايا حاجه بخلصها واجرى على السرير طيران
    وبالنسبه لأخبارى فالحمد لله الجسم بقى سمبتيك على الاخر ونزلت جبت بناطيل جديده والجينز بقى ماقولكيش عليه
    وربنا يكرم ان شاء الله بس المشكله انى الشهر ده اخدت الابره التفجيريه يوم الخميس وطبعا انت عارفه ان العلاقه الزوجيه مفروض تبقى ليومين او 3 بعدها لكن ظروفى سمحت بيوم واحد عشان جوزى مسافر
    بس على العموم ربنا اذا اراد اكيد هايبارك فى اليوم ده
    وعلى فكره انا مابعملش تحليل الا اذا الدوره اتأخرت
    وربنا كريم

تابعي تجارب أخرى من هذا القسم.