لبنات الامارات وين حابين تشتغلون؟؟؟؟؟؟؟؟؟؟؟

السلام عليكم ورحمة الله وبركاته

هلا خواتي الغاليات حبيت اسالكم سؤال

وين حابين تشتغلون في القطاع الحكومي ولا الخاص

وفي اي مؤسسة خبروني ؟؟؟؟؟؟

يعني انا خريجه يديده وفي خاطري اشتغل في دبي القابضة

او في الدائرة الاقتصادية

مع اني خيفانه ان المكان ما يناسبني

خبروني عنكم انا في انتظاركم؟؟؟؟؟؟

33 تعليق 2,449 مشاهدة

شاركي في النقاش

سجلي الدخول لإضافة تعليق.

التعليقات

31
  1. هلا الغاليه حبيت افيدج بالنسبه لدبي القابضه تراها شركه قويه واتصلوبي مره عسب اشتغل عندهم بس للاسف قالولي لازم جبل علي يعني درب طويل وعلى فكره عندهم مكتب في ابراج الامارات واذا عن الوظيفه ترا احتمال يحطونج في الاستقبال ودوامهم لين العصر وخلط بعد ..........

    الوظائف الحكوميه وايد احسن دوامهم قصير وفي اقسام نسائية وفي فرص عمل اكثر عن القطاع الخاص... والله يوفقج...
  2. @hnd_2003

    انا راي من راي صدى حنيني

    انا اداوم في دائرة حكومية الدوام من 7:30 الي 2:30 وماشيء دوام اضافي ولا شفتات واييييييد مرتاحة صح عدنا ضغط شغل بس يعني مكان فيه حريم وايد احسن من الخلط
  3. @ord_alamarat_1

    صاحبة الموضوع
    اختي ورد الغرام مشكورة حبي على مرورج الكريم بس خبريني وين ناوية وتخططين انج تشتغلين مستقبلا وهل جربتي العمل الصيفي....

    اختي صدى حنيني مشكورة حبي على مرورج الكريم ومشاركتج وبالنسبة للموضوع فكلامج صحيح ان الدوام في القطاعات الحكومية اقصر واريح من الدوام في الاماكن شبه الحكومية بس انا محتاره وين اقدم من القطاعات الحكومية فشو رايج شو من الاماكن اللي ترشحين لي

    اختي نور الامارات مشكورة غاليتي على مرورج الكريم وبالنسبة للموضوع فمثل ما ذكرتي الدوام القصير وايد اريح من الدوامات الطويلة بس خبريني شو الاماكن من القطاعات الحكومية اللي تشجعيني ان اقدم فيها على الوظيفة

    اختي ورده راس الخيمة مشكورة حبي على مرورج الكريم وان شاء الله ربي يرزقج بالوظيفة اللي تريح بالج واللي تفتح ابواب الرزق جدامج
  4. حبيبتي عندي ربيعات يداومن في دبي القابضه و مرتاحين الحمدلله... اعتقد وين ما فكرتي تشتغلين يعتمد عالوظيفه اللي بتحصلينها... و الله يرزقج كل خير ان شاءالله :)

تابعي تجارب أخرى من هذا القسم.