استفسار عن المدارس العالمية( لمن ابنائها في المدارس العالمية)

السلام عليكم ورحمة الله و بركاته
اختى العزيزة انا ابنتى بمدرسة عالمية و لكن بجدة
مدرسة ممتازة جدا و الاكسنت او اللكنة بتاعة المدرسين هناك لكنة اجنبية بحتة على العلم ان اغلب المدرسات ليسوا من امريكين
فقط بل يوجد جميع الجنسيات
و انا لاحظت اللكنة الرائعة هذه على بنتى على الرغم من صغر سنها و لكنها اكتسبتها بسرعة و دايما اقول لزوجى ان بنتنا السنة الجاية هتتكلم مع اصحابها و مش هنفهم بتقول ايه؟
هى بتنطق الكلمات و الحروف احسن منى و من باباها على الرغم من اننا دارسين اللغة و لكن هى بالفعل مدرسة رائعة
اما بالنسبة للاختبارات فبنتى اختبروها قبل ما تدخل هذه المدرسة و هى كانت داخلة KG2و المدرسة دى فيها KG1 , KG2,KG3
وكان ليه واحدة صاحبتى بنتها داخلة KG3 و اختبروها اختبار كبير من 5 صفحات منهم كتابة و منهم شفوى و كانت حاجات صعبة موت و قالوا لصاحبتى و اذا البنت مجابتش 75 بالمائة فى الاختبار كحد ادنى فللاسف مش هنقدر نقبلها
بس الحمد لله البنت قبلت و دخلت
اختى العزيزة اهم شىء تختارى مدرسة بتدرس المنهج البريطانى على الرغم من صعوبته عن المنهج اللامريكى الا انه الاحسن و دائما اختارى المدرسة المعتمدة من جامعة كمبردج لانها دائما بيكون عليها رقابة من تلك الجامعة
اتمنى من الله عز و جل ان اكون قد افدتك