شاركي في النقاش

سجلي الدخول لإضافة تعليق.

التعليقات

16
  1. @fkaaa_2000

    منزل مبارك بإذن الله وأحب أشكرك على طرح الموضوع لأني نفس حالتك وبصراحة مواعيني القديمة تفشل يعني يبغالي تجهيز جديد وكامل وما قصرو الأخوات لكن أنا بصراحة موضوع المواعين قلت بفتح فيه مجال للهدايا مع اني ودي اشتري على ذوقي ومن مواعين مطبخي القديم راح آخذ البايركس والكاسات يعني الأشياء اللي محاظة على شكلها أما اللي باين فيها أثر الكرف فراح أحيله الى التقاعد
    على فكرة لاتنسين ثلاجة القهوة والشاي مع التباسي والفناجين لا زم تكون فخمة لأن أكيد بجيك ضيوف يباركون واذا انت من الشرقية أنا شايفة في السويكت محل فيه دلال فخمة لكن بصراحة ما أدري عن الجودة والأسعار لأني شفته من برى
  2. البنات ما قصرو لكن بقولك عن تجربتي ..
    انا لسه ساكنة بيتي الجديد من اسبوع بس .. وحسيت انه فيه اشياء كثيرة غلطت وانا اشتريها ..
    لاني كنت اشتري المواعين على فترات .. يعني طول السنة اللي طافت وانا اشتري .. كل ما اروح اشتري بدون تنظيم ولا ترتيب .. وتعالي شوفي الاشياء المكررة ..

    أولا انصحك نصيييييحه تكتبين اللي تبين في ورقة ..
    انا ما كنت اكتب وكل ما اروح اشتري صواني للكيك وللحلويات والحين عندي منها اكثر من عشرين !! ..
    واطقم الصحون انا اخذت 6 .. واللي جوني هدايا يمكن 4 !! .. يعني عدد كبير جدا ..
    والفناجين وترامس القهوة والشاي كذلك عدد كبير جدا لانه معظمه هدايا ...
    يعني يفضل انك ما تكثري مثلي عشان ما تندمين ..

    وايضا صحون الاستخدام اليومي خذيها خفيفة وعملية .. انا خذت طقم فااخر وطايح بجبدي لانه الصحوون ثقيلة وتنخدش بعد فمضطرة ارجع اشتري غيرة ..

    القدور اخذت طقم تيفال اعتقد فيه 13 قطعه وكفاني الحمدلله ..

    بعد في غلطة سويتها .. كل مواعيني كنت اخذها من النوع الفاخر وبأشكال جميلة .. ما خذت أبدا زجاج أو بلاستيك او غيره والحين متوهقة .. يعني ما اقدر اغسل فيها اللحم أو الدجاج مثلا .. يعني ابدا مب عملية وفوق هذا ثقيلة فالأكيد اني برجع بعد كم يوم اشتري غيرهم ..

    وفوق هذا كثرت من أشياء الزينة والتقديم وتركت الاشياء المهمة .. خخخخ ادري بتضحكون علي بس لاني كنت ساكنة مع اهل زوجي وكنت بس اعمل الحلويات فاشتريت كل الاشياء الخاصة بالحلويات ونسيت الباقي ^^

    ونسيت اقول شغلة ... ترا كل وحده وطريقتها في الطبخ يعني اخذي الاشياء اللي انتي تستخدمينها مو اللي يقولوك خذيها ... انا كنت اروح مع امي وعمتي واشتري اللي يقولون لي لاني مثلك كنت محتاسة .. والحين عندي قدور كبااار وقدور ضغط كلها ما استخدمها لانه نحن اثنين بس واصلا انا ولا مرة جربت استخدم قدر الضغط !!



    واممم .. اذا تذكرت شي برجعلك هع
  3. بالاضافه للاضافات
    اخذي الملال الستيل او البلاتيك لنقع الرزمثلا او الخضار او الدجاج

    سلال اللي فوق بعض للبصل والبطاطس والثوم
    القدور حبيبتي لاتكثرين اخذي 2 واحد صغير وواحد متوسط لانه عددكم قليل حرام بس اخذيهم من النوع الزين مثل تيفال حتى القلايات لاتكثرين بس اخذي الزين تيفال اولا يدوم اكثر ثانيا ما يلصق الاكل فيه يعني مب حسافه فيه

    القدور ممكن زهران مادري عندكم بالسعوديه ولا لا حتى عندهم مثل القدور الصغيرة اللي بمسكه طويله وايد مفيده لتسخين الحليب للام علي او مثلا لطبخ كميه قليله من الخضار المثلجه او او وايد استخدمها وكنت ماخذه منه اكثر من حجم بس الصغير والوسط احسن شي

    اذا تذكرت اي شي باحطه

تابعي تجارب أخرى من هذا القسم.