أنا حـــزينه والله حـــزينه

السلام عليكم ورحمة الله و بركاته

:44:
والله اني اكتب الموضوع وكلي حزن و ألم و ضايق صدري و خانقتني العبره تكفون يا بنات و يا امهات و يا اخوات ادعوا لي ان الله يسهل امر دراستي واتخرج :44:
ورجاء خاص للمشرفات لا تنقلون موضوعي ولا تحذفونه
سالفتي يا جماعة الخير انا انسانه قدر الله علي ظروف اجبرتني على ترك دراستي الجامعيه وعلى اني اجلس في البيت اساعد امي في التنظيف و الغسيل و الطبخ. المهم بعد فتره طويله من السنوات وانا اشوف اللي كبري متخرجات و موظفات و معهم سنوات خبره في العمل الله يزيدهم يارب و يوفقهم بصراحه حسيت اني انسانه بلا هويه حياتها كلها كرف في كرف قومة الصبح و تنظيف و غسيل و نوم بدري ما اخفيكم اني مليت وبصراحه كان ودي اكون مثل البنات يكون عندي صديقات و يكون عندي مرتب لو بسيط مايخالف و ربي بيطرح فيه البركه.
المهم بعد مشاورات و ترجيات و محاولات و واسطات و " دعاء الوالده" سهلها ربي سبحانه من عنده و رجعت للدراسه يارب لك الحمد و اجتهدت و نجحت ولو اني كنت ادقر واخذ الترم ترمين لكن ثابرت و شديت حيلي وتعبت والحمدالله باقي لي ترم واحد و اتخرج وانا مو واسعتني الدنيا من الفرحه واعد الايام متى يجي اخر يوم من الترم واتخرج
لكن للأسف من فتره كلمتني المسؤوله في الجامعه و اجتمعت معي وقالت لي اذا ما نجحتي بتنطردين من الجامعه طرد نهائي وكل السنوات اللي راحت ما تحسب لك دراستك :44:
والله اني ماقدرت ارد عليها بكلمه من قوة الصدمه والعبره ويالله قمت من الكرسي من غير مارد عليها لي اسبوع وانا غايبه و لا رحت للجامعه و الله مانام زي الناس وحالتي النفسيه كل مالها تسوء :44:
حلمي تبخر مستقبلي ضاع تعبانه والله العظيم مكتئبه :44:
مالي حظظ في هالدنيا :44:
الله يخليكم و يسهل امركم و يوفقكم و يجبر بخاطركم و يحقق لكم اللي في بالكم انكم تدعون لي ان الله يوفقني في دراستي واتخرج :44: