بنات الي زوجها تزوج عليها تدخل

الله يكون في عونك جارتنا كذا صبرت على زوجها وتحملت ظروفه الصعبه ويوم تحسنت اوضاعه تزوج عليها
الله يصبركم ويجبر خاطركم
لاتزعلين ولاتكدرين خاطرك وعيشي حياتك ترانا انخلقنا لعبادة الله موعلشان الزوج

الله يعينك ويرده لك يارب
ايه هذولا الرجال لازادت فلوسه اول مايفكر فيه الزواج كلللللللللللهم كذاا...
بس عليك بالصبر...والدعااااااء

الله يعينك ويصبرك يااارب

مثل ماقلتي اول ماتزين الامور يدور وحدة جديده هذا بدال مايعوض الاولى صبرها على ظروفه الصعبه

ومثل ماقالت الاخت اللي فوق الله خلقنا عشااان عبادته مو عشاان الزوج أري الله من نفسك خيرا

اصبري واحتسبي لعل الله يرده لك ردا جميلا

وتراه هو ماكفر ولا اشرك هو تزوج زواج شرعي وقدام الله والناس والقانون هذا حقه

ادري بتقولين الي ايده بالماء مو مثل الي ايده بالنار بس هالشي ممكن يحصل لي ويحصل لغيري

يعني زواج الرجل على زوجته وارد حتى لو هي معيشته بجنه هذي سنة الحياة والي مكتوب بيصير ومابليد حيله

ولو صار لي لاقدر الله وتزوج زوجي بيكون مصيري مصيرك بزعل وتضايق وادور حلول ويمكن انحف وانقهر وامرض واكرهه

بس بالاخير الي باقيه على بيته وعياله بتصبر وتحتسب

اختي تزوجت رجل متزوج زوجته كانت متضايقه لزواج زوجها وهذا طبيعي والله اعلم وش كانت مضمره لاختي

بس لان الزوج عادل واختي عاقله فاهمه مقدره وضعه الزوجه الاولى دايما تدعي لاختي وتقول اي تقصير بيكون من الزوج

لانه شافت باختي الدين والحق ماتاخذ اكثر من حقه مسالمه مكرمته ومكرمه عياله واهله

والحمدلله عايشين عيشه طيبه يمكن ماتخلا من بعض المشاكل بس كثير يحسدون الزوج لانه مرتاح من الثنتين

انتي تقربي من الله وعيشي حياتك وناظري عيالك واهتمي ببيتك بصحتك كل من عليها فان يعني الدنيا ماتسوى

والله يعينك اختي ويصبرك ويجبر خاطرك وقلبك

الله يصبرك يا عمري

وجرحك لسه جديد يبيله وقت عشان تخمد نار الغيرة إلي بقلبك

ومثل ماذكروا الأخوات نحن خلقنا لعبادة الله سبحانه

والله ما ابتلاك إلا لحكمة يا عمري

طولي بالك وامسكي بيتك واحشمي زوجك

والله يبرد النار إلي بقلبك ويجعلها برداً وسلاما

وتذكري دائماً المؤمن مبتلى

ونساء النبي عليه الصلاة والسلام كان فيه غيره بينهم وهالشي فطري طبيعي بالمرأة

ولكن ما تجاري إحساسها لحد التمرد والدخول في دائرة الإثم وتكون خسرت دينها ودنياها

والله عارفه إنه صعب ويكوي القلب كوي يا قلبي عليكي بس اصبري

وتذكري ان ربي الرحمن الرحيم شايفك ومطلع على سريرتك وعلى قلبك وإحساسك

وهو أرحم الراحمين ولا تجزعي يا عمري وخليها فرصة تقربك لله عز وجل..


الكلام يطول في هالمقام بس ما ابغى أطول عليك


والله يفرج همك ويغفر ذنبك ويجلدك بالصبر



//