السلام عليكم ورحمة الله وبركاته
كيفكم بنات ان شاء الله كلكم بخير
ابقول لكم معاناتي
زوجي يجلس كثير في البيت وأنا أقوم على خدمته وخدمة أصحابه أحياناً ولو طلع من البيت أنا معه يوديني لأخواتي أو أتواعد مع صديقاتي في المجمعات النسائية ساعة ساعتين ثلاث بالكثير وأرجع ما احب ازور احد في بيته أبدا
و برنامجي ما يتحمل أحد يزورني
لانه أذا زارني أحد أضطر اترك زوجي وأهمله وأقعد عندها
ومن قبل لا تجي وأنا أطبخ وأذا راحت أنظف وهذا ياخذ مني وقت
يعني لو زيارتها العصر بس يعني من الظهر وأنا أطبخ وأرتب والعصر أجلس معها والمغرب بس أنظف وأرتب
وإذا جاء مع زوجي ضيوف من المسجد أو أصحابه انحاس برنامجي لاني بأضطر ادخلها المقلط الي هي جلستنا وأنقل الاغراض وأنحاس ولا أرتاح أبد
فعشان كذا أحب أواعد صديقاتي خارج البيت أريح وأسرع وكل شي جاهز وموجود حتى لو كان مكلف شوي
لكن فيه بنات الا يبون يزوروني في بيتي ولا يبون يطلعون أماكن عامة نسائية أبد
وأنا مقدر أزورهم ببيوتهم فما أعرف كيف أفهمهم أن الموضوع صعب أو أتعذر منهم لانهم بيفهمون أني ما أبيهم
جوني كذا مره ويعزموني لكني أتعذر بس هم مستحيل يفهمون
السؤال هل طريقتي غلط ؟وكيف أقدر أصرفهم أو أفهمهم الوضع
شاكرة لكل من تمر وترد
شاركي في النقاش
سجلي الدخول لإضافة تعليق.
التعليقات
41- عادي اتفقي مع زوجك ان اليوم الفلاني انتي ودك تعزمين صاحباتك وتبين تتفرغين لهم والبيت يكون لكم
وهو عادي يروح يستانس مع اصحابه ويفضالكم البيت انتي وصاحباتك
وطبعا اعزميهم من وقت للثاني عشان ما يطفش زوجك
مثلا كل اسبوعين مره
اهم شي الترتيب والتنسيق مع زوجك اختاروا الوقت المناسب لكم انتو الاثنين واتفقوا عليه واعزمي صاحباتك
منها انتي ترتاحين وهو كمان يكون برا البيت مشغول
وبكذا لا تثقلين عليه ولا يثقلون عليك
الله يوفقك في حياتك - شوفى صحيح انو جلسات برا حلوه ووناسه بس البيت اونس واحلى غير كذا يمكن بعض البنات اهلهم او ازواجهم ما يسمحون لهم يابلون بنات برا في المجمعات والمطاعم فهى من غلاتك تبي تزورك
وزى ما قالت اللى قبلى حددى يوم مناسب لك ولزوجك وقوليله يفضى البيت لكم وعادى يعنى ماعليش اتعبي يوم وانبسطى مع صديقاتك ماحسها مشكله معقده بس يبيلها شوى تنسيق وترتيب والصديقات يعنى ماحس فيه تكلف مره زي العزايم الرسميه تقدرين تطلبين العشى من برا بس تحضرين اشياء بسيطه في البيت مع قهوه وشاهي - انـــــــت مصــــــــــــــعبه الدنيا بصراحه..............
- وليش ماتبين تروحين لهم
صراحه عادي روحي لهم تحصني وا1كري الله وروحي
لكن صعبه انا اذا رحت لفلانه وعلانه وهم مايبون يجوني والله صعبه - بالعكس الغاليه عادى روحى لهم وخليهم يجوك
لين متى يعنى بتشوفيهم خارج
ماادرى بس احس انه عادى جدا جدا وشي طبيعي
مواضيع مشابهة
تابعي تجارب أخرى من هذا القسم.