بنات وش أسوي مع بعض الضيوف

السلام عليكم ورحمة الله وبركاته
كيفكم بنات ان شاء الله كلكم بخير

ابقول لكم معاناتي

زوجي يجلس كثير في البيت وأنا أقوم على خدمته وخدمة أصحابه أحياناً ولو طلع من البيت أنا معه يوديني لأخواتي أو أتواعد مع صديقاتي في المجمعات النسائية ساعة ساعتين ثلاث بالكثير وأرجع ما احب ازور احد في بيته أبدا

و برنامجي ما يتحمل أحد يزورني

لانه أذا زارني أحد أضطر اترك زوجي وأهمله وأقعد عندها
ومن قبل لا تجي وأنا أطبخ وأذا راحت أنظف وهذا ياخذ مني وقت
يعني لو زيارتها العصر بس يعني من الظهر وأنا أطبخ وأرتب والعصر أجلس معها والمغرب بس أنظف وأرتب
وإذا جاء مع زوجي ضيوف من المسجد أو أصحابه انحاس برنامجي لاني بأضطر ادخلها المقلط الي هي جلستنا وأنقل الاغراض وأنحاس ولا أرتاح أبد
فعشان كذا أحب أواعد صديقاتي خارج البيت أريح وأسرع وكل شي جاهز وموجود حتى لو كان مكلف شوي

لكن فيه بنات الا يبون يزوروني في بيتي ولا يبون يطلعون أماكن عامة نسائية أبد
وأنا مقدر أزورهم ببيوتهم فما أعرف كيف أفهمهم أن الموضوع صعب أو أتعذر منهم لانهم بيفهمون أني ما أبيهم
جوني كذا مره ويعزموني لكني أتعذر بس هم مستحيل يفهمون
السؤال هل طريقتي غلط ؟وكيف أقدر أصرفهم أو أفهمهم الوضع

شاكرة لكل من تمر وترد