شاركي في النقاش

سجلي الدخول لإضافة تعليق.

التعليقات

2,131
  1. @ashtkt_alyk

    صباح الفل يا بنات...
    وحشتونىىىىىىىىى كتيييير أوي...
    يا رب تكزنوا كلكم بخير ...
    و يا رب نسمع أخبار حلوة الاسبوع ده من رورو و وزة و هدي ....
    و ميمنعش كمان إن أي حد عايز يعملها...مش هنقول لا....
    يا رب يا حبايبى يكرمكم جميعا ...

    و أنا آسفة على الغياب و إنى قلقتكم عليا...
    انا الحمد لله بخير ...بس كنت عند ماما و طولت شوية ولما رجعت...طبعا لكم ان تتخيلوا جوزو لوحده فى الشقة هيكون شكلها إيه...

    و بجد باشكر من قلبى كل اللى افتكرونى و سألوا عليا...ربنا يخليكم ليا و ميحرمنيش منكم أبدا أبدا...
  2. @ashtkt_alyk

    بصى يا مامتى يا قمرايه...
    اللى بتفكري فيه ده عيييييييييين العقل...
    لان أنتى ست العارفين ببلاوي الهرمون الغبى ال اتش...
    و الجرعة اللى معظمنا بياخدها هى 850ملجم مرتين يوميا....او 500 3 مرات يوميا..
    وهو فعلا ان مأفادش مش هيضر..
    و يلا بقى فرحينا كده و اعملى شريط للوزن و خلينا نتابع معاكى و بأمر الله توصلى للتارجت فى اقرب وقت...
  3. @ashtkt_alyk

    صحيح يا بنات...
    انا الأول بارحب بالقمرات الجداد اللى انضموا لينا.
    بس فيه كلمتين محشورين فى زوري لما راجعت الكام صفحة اللى فاتوا....
    انا حاولت أقاوم بس مش قادرة و لازم أقولهم....و كلامى مش مقصود بيه حد معين...لا ده موجه للكل و اتمنى يمكون فيه فايدة...

    بصوا ..أنا شفت كلامكم اللى فات عن التكيس و عن اختلاف آراء الدكاترة و الكلام ده...
    أنا عارفة ان الرأي الوحيد اللى بيقول ان اف اس اتش لازم يكون ضعف ال ال اتش ده رأي دكتور عادل فاروق...
    ومعندناش موقع و لا ورقة تؤيد الكلام ده....و كل اللى عندنا ثقتنا فيه و فى اطلاعه على الجديد...

    و للأسف معظم الدكاترة التانيين بيفضلوا يمشوا على ان نسبة ال ال اتش طالما معليتش عن ال اف اس اتش يبقى كله تمام...و للأسف برضه بعضنا بيفضل يمشى ورا كلان الدكتور اللى بيقول كله كويس و ينيمنا فى العسل ..علشان كلامه حلو و مش بيتهمنا ان عندنا المرض السخيف ده....

    لازم نكون صادقين مع نفسنا وتعالوا نفكر بالعقل...احنا عندنا تأخر حمل...و بعضنا بيعمل عمليات و الاجنه مبتنغرسش...و الدكاترة بيقولوا كله تمام....و عمالين يبهدلونا بمنشطات على الفاضية و المليانة...

    و الأهم ان علاج التكيس فى حاجتين
    1- فقد وزن...وده فى جميع الحالات مفيييييييييييييييد...للصحة و للجمال و الرشاقة و للخصوبة.
    2- تناول الميتفورمين.....وده كمان ان مأفادش مش بيضر..و مش بينزل مستوي السكر عن الطبيعى زي ما ناس كتير فاكرة....ولا بيتسبب فى الاصابة بعد كده بالسكر....بالعكس بيقى من كل ده...و لو معدل السكر عالى بيظبطه و لو طبيعى بيحافظ عليه....

    يبقى بالعقل كده....هنخسر إيه لو مشينا ورا السكة ديه.....وحتى اللى عندها شك فى حاجة...هتخسر ايه لما تخس و تاخد الدوا ده.....ده حتى دلوقتى بيكتبوه للناس فى برامج الحقن سواء عندهم تكيس او لا لتحسين جودة التبويض......يبقى صدقونى مش هنخسر حاجة....

    و مين عارف بعد المشوار ده...كتير مننا ربنا يكرمه....و لو محصلش هيبقى الجسم جاهز للتنشيط من عير خوف ولا قلق....و ان شاء الله برده نشوف كرم ربنا...

    بجد فكروا و بلاش نكابر و نضيع وقت.....و طالما فيه حاجة مفيدة و سكة سهلة لتحقيق اغلى حلم يبقى ليه منمشيش فيها خصوصا ان كلها فوايد....و ربنا يوفقكم للى فيه الخير
  4. @ashtkt_alyk

    أوكسى...
    ازيك يا قلبى...عاملة إيه....
    وحشتينى كتير و الله....و ربنا يخليكى على سؤالك عليا....
    بصى أنا باحييكى على قوتك....لكن زي ما قلتلك قبل كده...
    القوة ديه بتبقى حلوة أوي قدام الناس....و الواحد بيفرح انه مضعفش و دموعه منزلتش قدام الناس...
    لكن صدقينى بعد كده بنحتاج نفضفض و نضعف و نخرج اللى فى قلبنا مع أقرب الناس لينا....او الأفضل من كل ده وقت تضرعنا و سؤالنا لرب العالمين......علشان الموضوع ميقلبش بكبت بعد كده...
    اتمنى تكونى خرجتى كل اللى جواكى علشان تخوضى التجربة الجديدة و اللى ان شاء الله هنجيب فيها الجون بنفس مفتوحة و بكل هدوء..
    و ربنا يكرمك و يوفقك يا قلبى
  5. @ashtkt_alyk

    دانة ...
    حمد الله على السلامة...وحشتينا.....بس احنا كنا بنبقى عارفين انك مش هتقري كلامنا و كنا منتظرين رجوعك...و انتى عارفة انك فى القلب...

    رورو...
    غطسانة فين .....احنا قلقانين عليكى...وتعالى قوليلنا اخبار التنشيط ايه...زمانك خلصتيه....قوليلنا مستنيه النتيجة امتى علشان ندعييلك...

    ووزة....
    يا ريت متغيبيش كتير و تيجى تبشرينا كمان كام يوم يا سمباتيك.....ربنا يوفقك يا قمراية..انتى كمان وحشتينى كتير

تابعي تجارب أخرى من هذا القسم.