شاركي في النقاش

سجلي الدخول لإضافة تعليق.

التعليقات

2,131
  1. انا مش حزعل يا جميل والله انتوا افادوني جدا جدا جزاكم الله كل خير
    عشان انا بصراحه بكابر شويه في موضوع الخسسان ده واقول طالما الدوره منتظمه يبقه انا تمام
    لا كده انا هكمل الرجيم وان شاء الله اخس عشان فرص الحمل تزيد اكتر
    بس انا برده عندي زوجي فيه مشكله .... انتي ايه رأيك في كورس العلاج اللي احنا بناخده ده
    كل الدكاتره اجمعوا ان ملناش حل غير الاخصاب الصناعي عشان زوجي النسبه عنده قليله جدا ....
    وانا باخد التنشيط حاليا فكده تمام ؟ ولا اعالج التكيسات الاول؟
    انا قولت خلاص اديني حجرب مره التلقيح لو مجابش نتيجه اقعد اخس في الشهر اللي بعديه
    وربنا ييسر الامور
  2. @ashtkt_alyk

    عزيزة...
    الحمد لله يا حبيبتى انك عرفتينا و عرفتي ان كلامنا كله المقصود منه المصلحة و ان محدش يقع فى غلطة احنا وقعنا فيها.....
    و حتى لو كان الكلام فىه بعض القسوة او الاخبار السيئة ..فده من خوفنا على بعض و رغبتنا فى تقصير الطريق على اي واحدة جديدة ووضعها على اول الطريق الصحيح اللى احنا وصلناله بعد عذاب...

    بصى يا ستى...
    لو عايزة رأيي: أنتى اولا تعملى التحاليل علشان نتأكد من وجود التكيس من عدمه....

    ثانيا: جوزك يعرض نفسه على طبيب امراض ذكورة..لأان ساعات ضعف العدد و الحركة بيكون ليهم اسباب و مع العلاج بتتظبط و تزيد فرص الحمل الطبيعى....اما لو الزوج ماستجبش للعلاج فحسب عدد الحيوانات المنوية...لو فوق 5 مليون يبقى يتعمل تلقيح صناعى 3 مرات...و لو تحت 5 مليون يبقى حقن مجهري على طول...

    ثالثا...فى جميع الاحوال لازم الزوجة تظبط نفسها و هرموناتها علشان وقت التلقيح او الحقن وا و محاولة الحقن تكون تمام....لان لازم الزوجين يكونوا تمام قبل اي محاولة لرفع نسب النجاح...

    و اخيرا...اتمنى تكونى قريتى اول 5 صفحات فيهم خلاصة معلوماتنا و تجاربنا عن التكيس و و كمان السى فى بتاعتنا..راجعيهم...و انتى هتعرفى العلاج الصح...

    و هاقولك عن تجربة...تنشيط من غير سيدوفاج لمدة مناسبة لا تقل عن شهرين قبل التنشيط و بدون تخسيس...معناه تدهور للحالة....
    و انا عن نفسى كانت دورتى منتظمة...و خدت الدوا و مكنتش خسيت و النتيجة حمل لكن توقف نمو الجنين و انتهى باجهاض....
    و الحمد لله لما خسيت و انتظمت على الدوا 6 شهور و بعدها خدت تنشيط ربنا اكرمنى فى تالت محاولة و الحمد لله الف مرة ان الحمل استمر و انتهت مشاكل التكيس...ادعيلى ربنا يكمله على خير و يرزقك و يرزق كل اخواتنا.

    لان ببساطة التكيس معناه ال اتش عالى و ده زي ما كتبنا فى الاول بيؤثر على نضج البويضات و تلقيحها و انغراسها فى الرحم و لو حصل حمل نسبة اجهاضه بتكون عالية و كمان بيؤثر بشدة على نمو الجنين و يتسبب فى كيس حمل بدون جنين او جنين بدون نبض....و على فكرة ديه تجربة قاسية جدا...و ماتمناش حد يمر بيها....و الافضل اننا نستنى شهرين نظبط الامور ....

    فانتى احسبيها بنفسك....هل بالشكل ده و الوزن الزائد و عدم الانتظام على الدوا لمدة كافية...لو دخلتى على عملية فى الوقت الحالى هتستحملى النتائج المذكورة اعلاه؟...و لا الأفضل نخس و ننتظم على الميتفورمين لمدة اقلها شهرين و بعدها نحاول نعمل التلقيح و ساعتها هنرفع بامر الله نسب النجاح و نكون تفادينا مشاكل كتير.....لاننا كمان ساعتها هنكون عملنا اللى علينا و نتوكل علىا لله بدل ما نكون متواكلين....

    اتمنى اكون افدتك و ان ربنا يوفقك للقرار الصح
  3. والله انتي كلامك تمام يا جميله و عين العقل والله
    انا زوجي عمل عمليه الدوالي من سنتين و للأسف رجعت تاني والحل انه يعمل العمليه كمان مره ودا مش في صالحه + كمان مش هتزيد النسبه للدرجه اللي تعمل حمل طبيعي ... فكده كده لازم حنلجأ للاخصاب الصناعي

    كمان الدكتور الصراحه اداني السيدوفاج ده من شهرين فعلا مع فيتامينات وعملي اشاعه صبغه وقاللي تخسي بس انا نفضت خصوصا اني قعده في البيت و حركتي قليله
    انا مش عارفه عندي تكيسات ولا لأ لأني معملتش التحليل اول دكتور روحتله قاللي ان عندي تكيسات بسيطه لكن انا مكملتش معاه لأنه بصراحه عمللي نوع من الاحباط وانا طريقه الدكتور بتأثر معايا
    الدكتور اللي ماشيه معاه دلوقت انا مرتاحه معاه و حاساه ماشاء الله خبره و عنده مركز اخصاب .... وهو اللي اداني السيدوفاج بس الراجل حيعمل ايه حيضربني عشان اخس ولا حيهزقني :D
    بس انتي عندك حق لااااااازم اخد موضوع الخسسان ده بجديه شديده
    واهو الحمد لله انا خلاص مشيت في التجربه وامري لله و حكملها
    المشكله كمان اني مستعجله عشان خايفه ان جوزي العدد يقل عنده اكتر و الموضوع يتعقد اكتر
    لان زي ماقولتلك الدوالي لسه عنده مرحتش حتى بعد العمليه
    وكل الدكاتره بيقولوا اصلا الدوالي دي عمليه فاشله
    وربنا ييسر الامور
    انا بقول لو ربنا رايد اني احمل ححمل حتى لو فيه ايه
    ولو ما أردتش مش حعترض على قدره
    انا الحمد لله متوكله على الله و مش هاممني الموضوع اوي لكن بأخذ بالاسباب...
    وبأدعي ربنا انه يخفف عني المعاناه و انتهي من الموضوع ده بدري بدري
    انا الحمل عندي بالنسبالي مشكله عاوزاها تخلص واشتري دماغي مش موضوع امومه واشتياق لطفل وبس
    بس نفسي في راحة البال لا اكثر ولا اقل
    ونفسي بحاجه تربطني بزوجي اكتر

    ربنا يكتبلنا اللي فيه الخير

    وربنا يكرمك و يتمملك حملك على خير و تقوميلنا بالسلامه أمييييين
  4. وكمان انا متأكده انكم طبعا عايزين الصالح احنا لا نبتغي من هذا الموضوع سوى وجه الله
    وربنا يرزق كل البنات بالذريه الصالحه و يجازيهم كل خير على هذا الموضوع
  5. oxygenatom
    صباح الخير يا سومية بالنسبة للتحاليل اللى بتتعمل قبل الحقن المجهرى دى بتكون علشان الواحد حياخد بنج ولازم يطمنوا ان الكبد والكلى سلام علشان فى خطورة لو حد اخد بنج وعنده مشكلة فيهم والتحاليال دى هى 1- صورة دم كاملة 2- انزيمات كبد SGOT - SG…
    سبحان الله عملت الحقن المجهري من غير ولالالالا تحليل من دول اللهم اخدت تنشيط وابر تحت الجلد وحقنه تفجيريه وبسسسس
    معقول الدكتور محمد يحيي ده كان مستغنى عنى كده ولا مش في دماغة

تابعي تجارب أخرى من هذا القسم.