لاعاااااااااااااادت عليه من معرض كتاب...

السلام عليكم ورحمة الله وبركاته..
تراي معصبة :mad: لااحد يغثن <<< وش تبي ذي
الموضوع فضفة لااكثر ولااقل
قال لي رجلي بيوم ما وش رايك نروح لمعرض الكتاب اللي بدأ اليوم لانه يعشق الكتب وكل مره مايحصل لنا روحه
وقلت انا مو مشكله عادي ولما فكرت وفكرت شفت ان الروحه راح تكلف مسكن ومصاريف ماله داعي وانا ودي اجمع عشان ودي نسافر بالصيف سفره حلوة برا السعودية لاني ماسافرت الا مره من 6 سنين
قلت وش رايك تروح لحالك(بيروح ويرجع وبنفس اليوم) بيزعجونن البزارين بالسياره ومصاريف قال اوكي عادي
قعدت افكر قلت وراه مااروح معه وارجع بنفس اليوم<<< مالاحظتوا انه فكرت ستين تفكير خخخخخ
واخليه روحه رومانسيه :27: وعيالي احطهم عند اهلي(وش لهم بالجرجرة ماتسوى)
وهنا صارت المشكله
ابوي رفض :icon33::icon33: مع اني اذا سافرت دايم اخذ عيالي معي وملزومه بهم غصب علي ادري
بس ليش هالصد وصار اخذ وعطا مع امي المفروض مايصير وقلت له يمه الحين انتي اذا سافرتي ايام بسيطه اقعد عند عيال اخوي (ايتام عند اهلي) وماقلت شي وبالعكس من طيب خاطر
ومخليتن رجلي لحاله حتى ابوي مايخليهم ولايجون بيتي لازم انا اللي اجي عشان يكونون تحت نظره
قالت وش اسوي بأبوك طيب احسه حزت بخاطري وراه امي مااقنعت ابوي يعني يوم واحد ماراح يزعجون احد اصلا راح يكونون بالمزرعه بهذا اليوم وفيه اجتماع يعني مافيه مشكله
وشديت مع امي بالكلام قلت لازم توقفون معنا وين نودي بزاريننا
وزعلت امي شوي علي وانا ماعمري زعلته
وانا ضاق صدري كرهت الكتب << لاتصدقون عاد ترا من حيني كارهتن خخخخخ
وحاولت ادق عليه قبل تنام لقيته نامت :44: ودقت عليه من الصبح وسولفت عادي وامي عادي
بس ضاق صدري مررره لاني ضيقت صدره احس ان بخاطره شي
انا غلطت ادري بس لو انتم مكاني وش تسوون ؟
لازم يكون فيه وقت خاص انتي وزوجك بدون عيالكم (الله يحفظهم)
طيب واذا اهلك مايساعدونك وش تسوين ؟؟ انا كل اللي حولي يحطون عيالهم عند اهلهم وبالاسابيع يسافرون وماشاء الله تبارك الله عااااادي
طيب وحنا؟؟
واذا الرجال خان قالوا انتي مااهتميتي ماسويت له اجواء وانتي وانتي طيب ساعدون انا ماطلبت شي كبير يوم واحد بس نروح للمعرض نروح مطعم رومانسي (ملينا من الوجبات السريعه) ونرجع
((مو معنى كلامي اني ماقد رحت لابالعكس انا اخلي عيالي بالبيت احيان واطلع مع رجلي))
لكن سفره ماقد سويته الا مره او مرتين ومضطره جدا<< اذكر مره دخلت مطعم ابل بيز ومره تشيليز ومعي عيالي وزوجي ماحسيت بطعم اكلهم ازعاااج الله يصلحهم بس اللي اذكره تشيز كيك تشيليز رووووعه << تقل طلعت عن الموضوع خخخخ
نرجع لمحور حديثنا ابوي يقول لو تعبانين او شي مهم عادي لكن بيروحون يستانسون :35: وحنا نبلش لا
ترا ابوي كبير بالعمر وهذا تفكيره مستحيل يغيره<< اكيد وش مفكره يعني بيغيره عشان سواد عيونك :44:
وخواتي مايقصرن بس استحي من رجالهم
واهل زوجي ماقد طلبت منهم اخاف يرفضون ويصير موقف وانغث لان عمي يشبه تصرفات ابوي
انا ماابي حلول بس بأسأل فيه احد زيي؟؟والا بس ابوي كذا؟؟ امي عادي عنده... طيب والحل <<< مافيه حل ياحلوة الاتجرجرينهم معك او تقعدين معهم خخخ
الروحه معلقة حاليا << شكله بتبل معلقة لين يخلص معرض الكتاب خخخخخخ
ماادري اروح والا اقعد ولااحطهم عند اختي ماقررت الى الحين
ترا الموضوع فضفة لااكثر ولااقل
شكرا لكم ياحلووووات

63 تعليق 6,548 مشاهدة

شاركي في النقاش

سجلي الدخول لإضافة تعليق.

التعليقات

62
  1. @aazty_mn_smo_thaty

    ياختي الله يخليك عيالك بس هم اهللك مو ملزومين فيهم انتي امهم



    دعوتكم لي
    اللهم ارزقني ولد تقيا ذكيا ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب اللهم استجب
    وجميع المسلمين
    وصل اللهم على محمد وال محمد
  2. @nsym_sdyr

    ياحليلك والله
    الله يعظم اجرك
    مالك الا تجرجرينهم وانسي الرومنسيه عقب ماولدتي وكبروا خخخخ
    امزح
    بس تاخذينهم احسن لك من الاحراج الي بيجيك وتذكري محد يتحمل عيالك غيرك انت وروحي ترا راس مالها يوم توكلي على ربك وروحي وان شاء الله عيالك من غير شر ينامون كل الطريق ويصيرون هاااادين هذاك اليوم
    لاتنسين الاستغفار بنيت ان ربي يهديهم
    والله يهدي عيالك وعيال اخواتي بعد وبناتهم واخوي يااارب وعيال المسلمين
    وان شاء الله تتهنون في روحتكم
  3. ولا تزعلى نفسك اختى انا اهلى معاى زيك ولا افكر ابدا اترك عندهم اطفالى... هى طبائع وقدرة احتمال للاطفال لا تزعلى لكن شوفى حلول اخرى يعنى انا باتركهم لاهل زوجى الله يخليهم لى وعاااااادى جدا لكن لا ابيت بدونهم يعنى سفريات يوم واحد فقط...
  4. @nice_angle

    صاحبة الموضوع
    ام مريم وسلمى
    ولا تزعلى نفسك اختى انا اهلى معاى زيك ولا افكر ابدا اترك عندهم اطفالى... هى طبائع وقدرة احتمال للاطفال لا تزعلى لكن شوفى حلول اخرى يعنى انا باتركهم لاهل زوجى الله يخليهم لى وعاااااادى جدا لكن لا ابيت بدونهم يعنى سفريات يوم واحد فقط...
    الله يرزقك الذرية الصالحه ادري يااختي وانا قلت كل يوم اخذهم وقفت على يوم!! اشكر مرورك


    اي والله صادقة واصلا انا دايم اخذهم معي شرفني مروك يالغلا

    يعني فيه زيي :44::44: شكلي أجرب اهل زوجي
    تحياتي لتواجدك يالغلا