جبت لكم طريقتي في معالجة القشرة أفففففففف

reenaray212 عضوة نشيطة

6 أغسطس 2005

شلونكم ربيعاتي عساكم بخير

انا اليوم قلت لازم افيد خواتي في المنتدى واعلمهم طريقتي في رحلة الكفاح والمعاناة مع قشرة الشعر :06:

بس واللي يسلمكم اللي تستفيد تدعيلي

اولا حبيباتي لازم تعرفون ان القشرة مرض ازلي مثلها مثل امراض السكر والضعط عافاكم الله جميعا بس ممكن مكافحتها والحد من انتشارها :3_2_8v:

والله اني ما اكذب عليكم عانيت منها لدرجة ان شعري كله طاح وصرت اشوفه على المخده بعد ما اصحا من النوم :icon33:

ويوم شفت كذا بديت اروح حق دكاتره وعطارين بدون فايده وعاد انا شعري جـــاف ومجعد تخيلوه شيصير بعد استخدام شامبوهات القشرة اللي تنشف الشعر

والله ان صار حصاه فقررت اتبع طريقه من مخي والحمدلله بفضل خبرتي توصلت حق نتيجه طيبه :icon28:

ياللاه برزو عمركم

1- اول شي جبت كبسولات تساعد على نمو الشعر وصار لي تقريبا 7 شهور استخدمها وهذا لأن اكلي غير صحي وعندي هوس الرجييييم وما استمريت على نوع واحد لكن كنت اغير كل مرة واخر نوع هو كبسولات زيت كبد القد ( الحوت )

2- بعدين قبل غسل الشعر لازم تحطين زيت فيه خصوصا اللي شعرها مثل حلاتي

وانا استخدمت زيت الهملايا ضد القشرة رييييحته جنان كأنه عطر وخفيف مو ثخين

او خلطي زيت زيتون وزيت خروع وزيت لوز مع بعض بنسب متساويه او زيت الثوم مع الخروع المهم زيوت تلين الشعر لأن شامبوهات القشرة تنشف الشعر واييد وهذا يزيد التساقط ( خليهم طول الليل أو على الاقل ساعتين )

3- غسلي شعرج بشامبو ضد القشرة مثل هيد اند شولدرز بس ما انصح انج تستخدمينه على طول لانه حار على الشعر حاولي تجربين انواع ثانيه وترى اعرف اكثر من وحده استخدمت شامبو نيتروجينا ضد القشرة ومدحوووه واييد

المهم كل ثلاث غسلات من هالشامبوهات خلي الغسلة الرابعة شامبو منقي علشان يخلص الشعر من اي رواسب كلسية وينظف الشعر عدل

4- بعد غسيل الشعر ممكن تستخدمين خل التفاح لشطف الشعر بكمية ثلاث ارباع ماي مع ملعقتين خل

5- وبعد تنشيفه استخدمي مصل لوريال ضد القشرة على شكل جل ازرق حطيه على الفروة ودلكيها واااااااو بعد ريحته فرش عجيبه وخلي شعرج ينشف بدون ما تخنقينه

6- بعدها اذا جف وحستيه ناشف ومحتاج ترطيب استخدمي كريم جوز الهند المضاد للقشرة لونه اخضر من برشوت وعلى شكل معصارة وبعد ريييحته رهيييبه

وبس اتبعي هالخطوات وبتشوفين اللي يسرج :27:

وكل المنتجات اللي تكلمت عنها ريحتها حلوة وبتحبين شعرج اكثر ( تسوي دعايه خخخخ)

وسلامتكم اختكم
ريـــــــنا :33:

جبت لكم طريقتي في معالجة القشرة أفففففففف

التعليقات

بنات جبت لكم شي سحري شامبو الروزماري 🌿

مين جربت هذه الزيوت بنات كويسة ولا لا؟

من جربت القرنفل

من جربت زيت الحشيش

جبتلكم اليوم وصفحة سحرية تقضي على تساقط الشعر نهائيا وتكثفو