الآم في الرحم + مغتربة ومحتاجة شوركم يا امهآت وأخوات

السلاام عليكم

بدخل على الموضوع على طول
ياليت تساعدوني او تنصحووني اعتبروني اختكم بنتكم صديقتكم اي شي بس محتاجة نصحكم بحكم تجربتكم
خصوصا اللي عندها بنت او اخت مرة بنفس تجربتي
انا مغتربة يعني بعيده عن ماما واهلي الله يحفظهم يارب
بين كل شهر وشهر لازم امر المستشفى عشان الاام الدوره
قبل اسبوعين رحت الطوارئ عشان اخد مغذي زي كل مره
قالتلي الدكتوره كيف يجيني الم زي كذا كل شهر ومايكون عندي طبيبه نساء و ولاده تشرف على صحتي ومن دا الكلاام لانو على كلامها انو الاام اللي تجيني فوق المعدل الطبيعي
اعطتني ورقة للعيادات النسائيه عشان يعملولي تشخيص والتراساوند ( اشعه) تقولي احتمال في شي في الرحم
<< ان شاءالله يارب مافي شي بس هيا تقول للإحتياط لازم اعمل الاشعه والتشخيص
ليا اسبوعين ماارحت لانو اخاف التشخيص يكون من تحت وانا بنت مو متزوجه وهنا عندهم شي عادي
يعني محا يفهمو عليا لو قلتلهم لاتدخلو شي و كده اخاف تسكتني بـ (انهم دكاتره وافهم مني )
قررت اني مااروح واذا ربي كتب ورجعت البلد كشفت

الدوره خلصت خلااص بس الاام في بطني مازات بس تروح وتجي عليا

مشكلتي هنا

قبل امس عملت براز وكان بدم بس بطريقة فجعتني خفت مره مره طول ليلي افكر
اخاف اكلم اهلي وينشغلو عليا ويقلقو بس محتاجة نصيحة احد اروح العيادات ولا لا واكشف ولا لا
وعل الاام الرحم لها دخل بـ البراز مع الدم ( الله يكرمكم )


اتمنى نصيحتكم او حتى لو دعوة
بجد لانو هنا امهات في الموقع محتاجة نصيحتكم اكيد لكم تجارب وخبرات لانو مااقدر اقول لأهلي اعتبروني بنتكم
<< بإنتظار ردودكم اخواتي

7 تعليق 3,424 مشاهدة

شاركي في النقاش

سجلي الدخول لإضافة تعليق.

التعليقات

7
  1. @agml_lkaaa

    حبيبتي مدام انك بنت ابعدي عن المستشفيات
    الام الدوره تجي لكل بنت لسا ما تزوجت وانجبت انا لما كنت في المتوسط والله كانت الدوره لما تجي تموتني من الالم وتزوجت وبرضو الالم يجي لكن بعد ما انجبت راحت الالام الدوره كثير
    لكن شوفي القرفه مطحونه ملعقه صغيره مليانه مع كوب حليب تخفف الالام من الدوره وكمان الزنجبيل مطحون نفس الشي
    شاي البردقوش كمان ممتاز للدوره وينظم الهرمونات عند المراءه كمان القرنفل ممتاز للدوره حطي شويه مع القهوه
    البسي دافي واشربي دافي وحطي في الايام الاولى قربه فيها ماء حار على بطنك بس مو حار مره مره لا الدرجه اللي تقدرين تتحملينها عشان كل الدم الموجود في الرحم ينزل وما يسبب لك الم في رحمك
    بالنسبه للبراز والله ما ادري يمكن معك امساك لكن الزنجبيل يعالج الامساك
  2. @am_alaasakl84

    بسيطة ان شاء الله

    عندي اخت وصديقة مع الدورة تذبحهم الالم لدرجة مايراتحون على الابر المسكنة بس كل مرة تجيهم الدورة ياخذون ابرة مسكنة احتمال انتي الفتحة اللي ينزل منها الدم ضيقه فالدم يتجمع في الرحم ماينزل بسهولة لذلك تحسين بألم فظيع

    انا ماعندي فكرة بالضبط عن سبب الالم لكن اتوقع شي طبيعي

    واعتقد لو تفهمينهم عن عادات العرب ماراح يكشفون او يضرونك بشيء

    انا مرة رحت لطبيبة اجنبية وفهمتها كل شيء وان الغشاء ماتقرب منه قامت وهي تفحصني دخلت اصبعها كامل تخيلي

    والحمدلله ماصار شيء وسألت طبيبة عربية متخصصة في النساء والولادة قالت لي لو مانزل دم عادي ماصار لك شي وكشفت علي وماصار شي الحمدلله يعني لاتخافين من الفحص ومو ضروري ياخذون لك عينة من داخل مرة ممكن مسحة خارجية فقط والتراساوند عادي على البطن مافي شيء بيدخل داخل لاتخافين وفهميهم بعد انتي وترا الاجانب ارحم من العرب والله ومتقدمين في الطب

    وبالنسبة للبراز فيه دم انا صارت لي لمدة 6 شهور وطنشت الموضوع تخيلي ست شهور اشوف الدم !!
    ولوحده اختفى الحمدلله لاني كنت خايفة كثير وموسوسة وصرت اقنع نفسي انه مو دم انه يتهيأ لي وهو مجرد قشور طماطم ! والحمدلله ماعاد شفته

    وان كنتي تحسين بحرارة وحرقة حوالين فتحة الشرج مع التبرز احتمال يكون شرخ شرجي او ناسور شي بسيط
    ولو فيه الم بالامعاء ممكن يكون التهاب عادي
    ولو خايفة اكثر وتبين ترتاحين اعملي فحص براز وصدقيني ماراح يطلع شيء انا كنت اشوف الدم بعيوني واسوي فحص براز ويقولون لي البراز سليم ومافيه دم !! ممكن يتهيأ لك عشان انتي تفكرين وخايفة في موضوع الدورة


    الله يشفيك ياقلبي ويشفى مرضى المسلمين وطمنيني عليك
  3. @gno_1

    صاحبة الموضوع
    اجمل لقاء
    حبيبتي مدام انك بنت ابعدي عن المستشفيات الام الدوره تجي لكل بنت لسا ما تزوجت وانجبت انا لما كنت في المتوسط والله كانت الدوره لما تجي تموتني من الالم وتزوجت وبرضو الالم يجي لكن بعد ما انجبت راحت الالام الدوره كثير لكن شوفي القرفه مطحونه م…
    انا خايفه والله عشاني بنت لو متزوجه رحت على طول من غير ما استنا قبل يومين اسفل بطني كان يألمني مره وقررت اروح المستشفى وطول منا في الطريق ادعي اذا فيه خير ليا تتسهل بسرعه ويعملولي التراساوند من غير تشخيص
    وجلست 6 ساعات استنا دوري ( زحمة مره ) واكتشفت انو التشخيص من تحت بطلت ورجعت
    وسرت اقرا عليها وادهن زيت مقري على بطني

    وان شاءالله بجرب القرفة والزنجبيل
    مع اني اشرب اشياء دافيه يانسون واوقات حلبة واحط القربة الدافيه على بطني
    ان شاءلله حمشي مع الزنجبيل والقربة
    مرره تسلمي اجمل لقاء جزاك الله خير
  4. @gno_1

    صاحبة الموضوع
    ام العصاقل84
    بسيطة ان شاء الله عندي اخت وصديقة مع الدورة تذبحهم الالم لدرجة مايراتحون على الابر المسكنة بس كل مرة تجيهم الدورة ياخذون ابرة مسكنة احتمال انتي الفتحة اللي ينزل منها الدم ضيقه فالدم يتجمع في الرحم ماينزل بسهولة لذلك تحسين بألم فظيع ا…
    ان شاءالله يارب مافي شي تسلميلي مره ياعيوني طمنتيني الله يطمننك ياارب
    جزاكي الله خير

    شكلي بطنش الموضوع وان شااءلله ما يسير الا كل خير ياارب
    انا اتوقع من الزيوت والكولسترول وقفت اكل فاست فوت وبرجر وبطاطس مقلي حسيت بطني خفت شوي الحمدلله
    عن جد جزاكم الله خير حبيباتي

تابعي تجارب أخرى من هذا القسم.