شاركي في النقاش

سجلي الدخول لإضافة تعليق.

التعليقات

2,131
  1. مصرية رقيقة
    سبحان الله عملت الحقن المجهري من غير ولالالالا تحليل من دول اللهم اخدت تنشيط وابر تحت الجلد وحقنه تفجيريه وبسسسس معقول الدكتور محمد يحيي ده كان مستغنى عنى كده ولا مش في دماغة
    الحمد لله يا مصرية ان مكنش عندك مشاكل فى الكبد او الكلى والا مكنتيش دلوقت ... بعد الشر يعنى ... معانا دلوقت
    اخذان البنج يا حبيبتى مش بالساهل ... ياما ناس خدته علشان تعمل عملية بسيطة زى كازالة كيس دهنى وما قامتش تانى
    وعندك اشهر مثال سعاد نصر ... ربنا يكفينا شر المستخبى
  2. شووووووووووووووووووووشوووووووووووووووووووووووووو

    ايه ده في ايه ؟ انا مش فاهمة والله حاجة ليه كدة
    انا مش عارفة بقول ايه او بكتب ايه

    بس بجد في ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    لالالالالالالالالالالالالالالالالالالالالالالالالالا انا والله عينيا دمعت وقعدت مسهمة شوية كدة لغاية مقدرت استوعب الكلام ، هوا في ايه بجد يخليكي توصلي للقرار ده ، انا كتييير بحس اني مش قادرة اكتب بس بالرغم من كدة مش بقدر معرفش اخباركو واطمن عليكو وانا عارفة اني لما افوق اكيد هرجع اكتب تاني ، بس اني اسيب كل حاجة كدة فجأة ،لأ مش متخيله وخصوصا انتي وكل اعمده التجمع الجميل ده
    بس بجد هوا في ايه ؟؟
    انا عمري ما تخيلت نفسي ممكن احب حد بالطريقة دي واتعلق بيه من غير ما اشوفه ، مجرد تواجدك معانا بيفرق معايا انا شخصيا وبنتظر ردودك حتى لو مش ليا ، انا بس عايزة افهم هوا في ايه ؟؟
    انا طبعا مش عايزة ابقي رخمة واضغط عليكي حتى بالكلام انك تتكلمي وتقولي لأني حاسة انك لو كنتي عايزة تقولي من الأول ايه السبب كنتي قلتي ، بس مش متخيلة ولا متقبلة اني ادخل التجمع ده وانا عارفة انك خلاص مش موجودة فيه ، لومشغولة او مش فاضية ممكن نستحمل غيابك لكن وداعك لأ وألف لأ

    انا علي فكرة عمري متخيلت اني ممكن اتحايل علي حد في حاجة بالطريقة دي واني افرض رأئي عليه ، لأن ده مش طبعي وبسيب كل واحد يعمل اللي هوا عايزة ، بس مش عارفة امنع نفسي اني اقولك لأ مش عارفة والله

    بصي أنا كتبت كلام كتييير مش عارفة مرتب ولا لأ ، وهل وصلك اللي جوايا ولا لأ
    بس انا هدعيلك بظهر الغيب في كلا الحالتين ربنا يوفقك للخير ديما وتقومي بألف سلامة ويخليلك جوزو وانوس وبكبوكة يا رب

  3. oshy2005
    شوشو لا يا ام انس ما ينفعش اللى انت قلتيه القرار مش قرارك لوحدك القرار قرارنا معاكى اكيد زى ما اى فى بيتك وحياتك ليه حق عليكى احنا كمان لينا حق فيكى وعليكى حاجة من الاتنين ياترجعى عن القرار ده او تقنعينا بالسبب ما اعتقدش ان فى سبب شخصى هيت…
    شوشو صراحة انا اتصدمت من قرارك ده .... بس يا حبيبتى لو فيه ظروف خاصة زى ما بتقولى يبقى تقللى دخولك ان شاء الله مره فى الاسبوع او حتى فى الشهر لكن تنسحبى كده .... انا بعتبرك انتى ورمال ونفين مثلث اساسى فى المنتدى والمؤسس هو مميزات ... انتى مش اى عضو ... انتى مؤسس مكان ... مشاركاتك المفيده ووقوفك جنب البنات كل ده مينفعش تسيبينا وتمشى .... لو سمحتى متبعديش كثير عننا
  4. صباح الخير يا بنات

    معلش معرفتش اكلم حد من ساعة ما دخلت لأني تفاجأت بكلام شوشو

    المهم انا رحت المركز يوم الأثنين علشان اعمل شفت للكيس وقابلت د هاني قالي لأ مش محتاجين نشفطة خلاص انكمش من الحقن اللوكرين وبدأت تنشيط في نفس اليوم وكان ثالث يوم البيريود بعد ما عملت تحليل الهرمونات الأول

    وبس دي كل اخباري وعندي متابعه يوم الخميس ان شاء الله

    بس بالنسبة للمنشطات الدكتور غيري البروتوكول تاني ، باخد فوستيمون 150 بالليل ، والصبح باخد مينوجون 1 بودرة + 1 ماء و فوستيمون 75

    ولما سألته ليه هاخد مينوجون انا المرة اللي فاتت مأخدش علشان ال LH بيعي معايا ، قالي مهو برده كان واطي اوي المرة اللي فاتت ، فتقريبا عايزينه لا يعلى قوي ولا يوطه قوي
    ربنا يستر وميعلاش
    انا نفسيتي وحشة اوي ومش عارفة مالي اول عملية ادخلة بالنفس دي حاسة اني دخلاها تأدية واجب ، والله ما عارفة اقول ايه غير الحمد لله رب العالمين
    وربناي عملنا الخير والصالح دايما يا رب

  5. نادو ربنا يكرمك يارب ويجعل حملك فى اجازة جوزك الجاية يارب ... الحمد لله انك حطيتى رجلك على السكة الصح

تابعي تجارب أخرى من هذا القسم.