مرحبا
ودي افضفض ومتاكدة انكم راح تسمعوني او تدعون لي
حالتي النفسية زفت صار لي 10 شهور متزوجة وكل شهر حالتي اجيب تحاليل حمل وماكو فايدة وكل شهر اقول خلاص بروح احلل سبب التاخير ومااروح حالتي النفسية تعبانة صديقاتي الي تزوجوا بعدي كلهم حملوا الا اني والله تعبانة وخايفة احسد احد والله مو من طبعي احسد تدرون لما اسمع وحدة بتتزوج اخاف اخاف تحمل واني بعدي يوم الجمعة الجاي بيكون موعد الدورة واني تعبانة والله ودي اصيح ودي اقعد بروحي ماابي اشوف احد
متى بحمل وبفرح زوجي والناس الي حولي متى الله بيستجيب لي ملييت من الانتظار كرهت شي اسمه تحليل حمل وطاري حمل على اني اتمناه زهقت من الدنيا ماعندي امل باني يمكن اصير ام بيوم من الايام او اني احمل واولد وزوجي مسكين صابر ماقال لي شي بس اني مليت ربعه الي تزوجوا معاه الحين عندهم عيال اتخيل شلون انه يروح وكل واحد عنده ولده الا زوجي
ادعوا لي الله يفتحها علي تراهي من كل صوب مسدودة
شاركي في النقاش
سجلي الدخول لإضافة تعليق.
التعليقات
19- الحااااااال من بعضه ياااااااااااااااااااارب انك ترزقنا وتريحنا اقري لبقره وارقي نفسك مع الاستغفاار والله انا زوجي جا ذااك اليوم من الدوام وسمع جارنا يلاعب ولده وجا وضمني وقاااال متى نلاعب ولدنا اوبنتنا والله دارت الدنيا بي وقلتله ****االله وربنا كريم يااارب ارحم حالنا
- تعوذي من ابليس وقولي لا اله الا الله
10 شهور قليل جدا جدا
حتى الأطباء يقولون ماتبدأ الزوجة تراجع للحمل وتخاف نوعا ما
الا اذا تمت سنتين
حتى بتفسير العقم يقولك هو ان الزوجة ماتحمل لسبب ما منها او من الزوج بعد علاقة زوجية متكاملة لأكثر من سنتين
بعدين اذا من الحين قاعده تفكرين كذا وشادة أعصابك بالهشكل
من الحين أقولك
أبشري بالأمراض والوساوس ولخبطة هرمونات وحمل مافي !!!
شوفي خواتك بالمنتدى وأنا أولهم لنا سنين وايام وشهور ننتظر
انا مثلا 8 سنين وأحمد الله وأشكر فضله وراضية ومحتسبة وصابرة
وفي اللي أكثر مني
عسى الله يعوضنا كلنا
هدي وضعك هذا أولا
ثانيا روحي اكشفي عند طبيبة نساء زينة
تشوف وضع البويضات والهرمونات وكل شي
ترا يمكن شي بسييييييييط يتعدل وتحملين بحول الله وقوته
هددددددددددددددددددددددي أعصابك مو من صالحك - ياااااااااااااااااااارب ترزقنا
- يؤيؤ حرام عليج
شويه 10 شهرر
ترى الحمل له دور ع النفسيه لاتعبي روحج ولاتفكري
توكلي ع ربج
واذا مره خايفه روحي لدكتوره وتسوي لج فحص
ويارب قريب تحملي - يقول الحق سبحانه وتعالى في حديثه القدسي: "أنا عند ظن عبدي بي إن ظن خيرًا فله وإن ظن شرًا فله"
احسني ظنك برب العالمين عشان يتحققللك الي تبغين وطول ما انتي يأسه وماعندك ثقة في رب العالمين عمرك ما راح تحملين ,ادري صعب تنسين هالموضوع وانا معاك بس كلما تذكرتي الحمل تذكريه بصورة ايجابية يعني تخيلي انك بتحملين قريب جدا تخيلي نفسك وانتي حامل وتخيلي صورة لولدك وكلما وسوسلك الشيطان استغفري اقري قران تفألي بالله اكثر .
وابغا اذكرك بقولة تعالى "الظَّانِّينَ باللَّهِ ظَنَّ السَّوْءِ عَلَيْهِمْ دَائِرَةُ السَّوْءِ" تمعني في معاني هذة الاية؟؟بعدها اسئلي نفسك هل مازلت يأسة من رحمة الله؟؟؟؟؟؟؟؟؟؟؟
مواضيع مشابهة
تابعي تجارب أخرى من هذا القسم.