لقيت رساله من شغالتي بالفريزر !!!

بنات وربي اني مقهوره
وخايفه بنفس الوقت

جبت شغاله فلبينيه قبل فتره وكانت اول تجربه لي بالخدم
اللي حصل انها عملت لنا بلوى وانسجنت يومين وسفرناها
جلست عندي 6 شهور
كنت موب مرتاحه لها ابد

بعد 9 شهور من سفرها .. فتحت الفريزر قبل يومين وكنت بطلع منه اكثر من غرض .. جت عيني على الصحن البلاستيك اللي يجي مع اغلب الفريزرات .. شلته بحط فيه الأغراض .. لقيت ورقه تحته !!

مكتوب بالجهتين بس بلغتهم !!

استغربت .. اخذها زوجي لواحد يشتغل معه فلبيني .. بس زوجي حس انه يغطي وماعلمه بشي ..

اليوم كنت ناويه اودي بنتي للمستوصف .. اخذت الورقه معي ورحت لممرضه فاضيه سئلتها اذا ترجم لي الرساله .. قالت فيه ممرض فلبيني بيترجمها لي .. طبعا اخذ الرساله وقرأها وانصفق وجهه .. وسئلني قال هي موجوده عندك قلت لا سافرت خلاص
بس شكله ماصدقني .. واحس ان وجهه صار اصفر !! وقلت وش مكتوب .. رفض ان يقولي واشوفه يتهامس مع اللي معه

يابنات وربي خايفه لايكون فيها بلى

وش الحل مع هالرساله ؟؟ وليش كانت بالفريزر ؟؟ وش تتوقعون مكتوب فيها ؟؟

حسبي الله عليها والله يشغلها في نفسها يارب

282 تعليق 33,610 مشاهدة

شاركي في النقاش

سجلي الدخول لإضافة تعليق.

التعليقات

266
  1. @fo1kh

    الله يكفيك الشر
    تحصني بالأذكار حبيبتي
    وقولي اللهم اكفناها بما شئت

    ولو ودك تفسرينها
    روحي لمكتب الجاليات
    عندهم مترجمين ومطاوعه واكيد راح يفيدونك ويلغون حيرتك ان شاء الله ..
  2. @tot_bnfsgy

    دوري بمواقع الترجمه او وديها لمكتب ترجمه
    المهم احد يقولك شمكتوب
    شكله شي خطير
    يمكن حاطتلكم شي مو زين او سحر او اي شي
  3. @akht_mtaab

    صدق والله خذيها لمكتب توعية الجاليات
    عندهم مترجمين بيحلون لك هاللغز
    والله يستر عليكم منها
    ولا تنسين علمينا وش يطلع فيها <<<<أشتغلت اللقافة
  4. @nora_alfaisal

    حبيبتي اولا لاتخافين مافيه الا كل خير ومن رايي ماتترجميها ومدامها راحت باللي مايردهاا ..


    وان كانك ملزمه روحي مترجم قوقل وشوفي اذا فيه اللغه الفلبينيه واكتبي الكلام ويترجمها لك عادي :)


    وبرضوه مانصحك ,,, بس تخوفين نفسك زياده .. وحافظي على اورداك اليوميه ومايجي لك الا كل خير ان شاء الله ..

تابعي تجارب أخرى من هذا القسم.