شاركي في النقاش

سجلي الدخول لإضافة تعليق.

التعليقات

41
  1. @aabyralklm

    أوبرا لما تهجمت على حال المرأه في السعوديه مو حبا فينا بل لتشوه سمعة المسلمين في السعوديه
    والحمدلله إني بالسعوديه وفي نعمة أمن أفضل بكثير من غيري
    وأنتوا تتكلموا عن مشاكل المرأه في السعوديه وكأنها هي المضطهده وما توجد مشاكل إلا للمرأه هناك أيضا مشكلة البطاله وغيرها وكلها إنشاء الله حلها بشرع الله وحده الذي هو دستور بلادنا ولله الحمد
    ولكن أعيد وازيد حال المرأه بالسعوديه أفضل بكثير من غيرها والحمدلله أولا وأخيرا
  2. @ryma_obs

    الحمد لله مليوون مررره
    حالنا هو الافضل بينا كل نساء العالم
    هذا شي طبيعي يكفينا ديننا .. الي صاينا
    بس هذا ما يمنع اننا نطالب بحقوقنا الي الله اعطاناها

    وعلى فكره
    فيه اشياء كثيره بديننا الاسلامي
    اوامر ونصائح من الرسول صلى الله عليه وسلم لكل الجنسين
    لو الكل يقوم فيها بنكون افضل وافضل
    يكفي ( حب لاخيك ماتحب لنفسك )
    بتكون الدنيا خاليه من الحسد والحقد
    و ( ابتسامتك في وجه اخيك صدقه "فيما معناه" )
    بيحل الحب بين كل الناس

    عارفه اني خرجت عن الموضوع الاساسي
    بس عشان تعرفو ان ديننا دين حب واخا مو بس اوامر وشده وعصبيه
    زي الي الحين صاير .. وكمان بيعلقوو كل شي بديننا

    والي اسمها اوبرا ما بتهمنا لا هي والا كلامها
    بس الموضوع .. نبش موضوع حساس كثير ما يحبو يحكو فيه
    وما ادري ليه مايحبو يغيرو افكارهم الغير صحيحه
    افكار زرعها الرجال في عقولنا منذ صغرنا حتى الكثير منا صدقها لدرجه عدم القبول بالتفكير حتى او التشكيك بعدم صحتها ..
  3. @rhf_almshaaar

    ماعتقد ان احد ينكر ان العادات والتقاليد هي الي سيرت حياتنا
    مشكلة البعض ان اعتبر العادات القبيلة البدوية من شرع الله والله منها برىء
    مستحيل الشرع يسلب منا حقوقنا ويعتبرنا ناقصات عقل وان حنا البيت ويخب علينا بعد
    شو هالنظرة الجاهلية للمرأة الي تعتبرها مجرد كائن يحتاج الى وصاية عليه
    على العموم هالوضع تقريبا في اغلب الدول العربية(العالم الثالث)
    مثلا يحكم على البنت بالسجن وتعاقب كالراشدة لكن عند انتهاء فتره سجنها تحتاج الى ولي امر
    ولكل عارف ان مجتمعنا يعتبر اي هفوة للبنت كأنها خطيئة عشان كذا ولي الامر يتبرىء منها
    ةتضل في السجن سنوات بدون ذنب
    مشكلتنا ان كل شي يتطلب ولي امر هل الى هذا الدرجه المراة ناقصة عقل عشان احد يكون وصي عليها ؟؟؟؟
    تكون موظفة ومستقلة لكن ايضا تحتاج الى ولي امر في اشياء بسيطه وتافهه
    ماحد ينكر ان مجتمعنا سلب منا حقوقنا الاسلام اقرها لنا قبل اربعه عشر قرن(1400 سنة)
    عشان مانطلب بحقوقنا لحسوا عقلنا بكلام مثل انتوا ملكات وانتوا مادري ايش
    وين حقوقنا اذا حنا مانقدر نقرر مصيرنا في ابسط الامور
    جزء من الظلم سببه المرأة نفسها الي سكتت على حقها من البداية وخضعت لقوانين الجائرة
    لأسف الى الأن بعض الحريم عندهم ان حقوقهم بس طلعات وزواجات ولبس واسواق هذا هو كل حقوقهم ؟؟؟؟؟
    عطونا حرية الفكر وتقرير المصير بعدها ماراح احد يقدر ينتقدنا
    حرية كفلها لنا الشرع (حرية وليس انفلات) البعض من يسمع كلمه حرية على طول يتخيل حرية مثل المراه الغربية وانفلات ماله حدود
    حرية وحقوق الاسلام عطاها لنا وماحد له حق يسلبها منا
    تحياتي الى كاتبة الموضوع
  4. @aaashk_alsmt_1

    ام عبدالعزيز....
    لية يتقفل الموضوع ولية رفعة الضغط؟؟ ام تعودنا على تكميم الأفواة ودس الرؤوس عندما نرى من يظهر لنا اخطائنا .. نعم فنحن في السعوديه شعب الله المختار الكامل المنزه فلا مشاكل لدينا ولاهموم !!!! من الافضل ان نعالج مشاكلنا الآن ومناقشتها بجديه ب…
    بنات والله ان فيه بعض الردود تضحك .. اللي تقول الجامعات تكفي !! واللي تقول شوفوا البلدان الثانيه .. !!

    الواحد لا جا يبي يصلح دوله .. او يبدأ بالـ"التطور" .. عمره ما يقول شوفوا الدوله الفلانيه الأقل منا ..

    بالنسبه للي تقول الجامعات تكفي !! والله ما تكفي !! واللللللله ما تكفي ولا حتى ربع الشعب .. انا توني هالسنه متخرجه من ثالث ثانوي !! واشوف حالة اللي معي .. اللي جايبين 99.9 وموا منقبلين بـ ولا شي .. وشفت مشكلة أخوي من سنتين وزملائه .. واللي تقول الاقسام تكفي !! طيب بعطيك مثال ع السريع .. عندي صديقه ميته تبي تدخل إدارة أعمال .. هنا بالشرقيه .. بس انه القسم انفتح من 6 سنوات للأميره وسكروه بعدها .. لانها هي اللي طلبته .. خرّجوا دفعتها وسكروا القسم ولا خرجوا احد بعدهم ! طيب هذا بذمتكم مو ظلم !! ليه يسكرونه طيب ؟؟ ..
    تقارنونا بمصر مثلاً ؟ .. مصر عندها جامعات تكفي انها تدرس العالم كله ..
    ولا ايش قولكم عن شبابنا اللي يروحون يدرسون بالبحرين ؟؟ .. البحرين اللي كلها كم بيت وشارع .. فيها جامعات تستقبل الطلاب السعوديين أكثر مما تستقبلهم جامعاتهم ..

    طيب لو بعدنا شوي عن الجامعات .. نتكلم عن البلد بشكل عام

    شكل الشوارع هذا شكل بالله ؟؟ .. هذا شكل دولة فيها بترول ؟؟ فجأه حفره وفجأه مدري وشو .. وش يمنعهم انهم يسفلتون الشوارع مجدداً ويجددونها بدل هالشوارع اللي تفشل !! انا ابي اعرف اللحين وش السبب !! .. ليه شوارع الامارات والبحرين أحسن من شوارعنا ؟؟ عندهم فلوس أكثر من فلوس السعوديه !؟ .. ما اعتقد !!

    مطار جده مثلا !! .. اعتبره أهم مطار بالسعوديه لأن كل الحجيج يمرون فيه .. يعني واجهه البلد .. هذا شكل مطار ؟؟ .. واللللللللللللللللله يفشــــــــــــــل !! ويقولون انهم صارفين عليه 11 مليار .. طبعاً طبيعي جداً 8 مليار تروح لشركات النصب والأمراء .. :) والكل عارف هالكلام .. !

    المدارس الحكوميه اللي يبي لها ترميم !! ليه ما تترمم ؟؟ ليه لازم تطيح بعدين تترمم ؟ ..

    وأخيراً وليس آخراً .. مع اني ادري انه هذا اللي قلته جزء بسيط من اللي عندنا .. ولكني ادري انه لا يمكن يُحل ..

    بس ابختم بشي .. تذكرون سالفة ولد القاضي ؟ .. الظاهر منذر .. نسيت اسمه .. اللي قلته أمير بــغير سبب !! .. وقعدت القضيه سنه او سنتين !! والاسره كانت رافضه الفديه .. وكانوا لازم يقطعون راس هالامير اللي يقعد يلعب بالسلاح على كيفه وكأن محد وراه !! ويا كثرهم .. ليه أخروا حكم قطع رأسه ؟؟ .. طيب هذا شرع !! شرعنا ما يفرق بين أحد ! .. لو انه احد غيره كان ما انتظروا سنتين .. وكان اصلا ما سمحوا التأخير لسنتين !! .. قطع رقبه وخلاص ! .. بس ليه بهالحاله استثنوا !! وانتظروا !! ووالله لو انه اخوي ولا اخوكم اللي مسويها كان من ثاني يوم مقطوع راسه من أول رفض للعائله بالفديه !! .. يعني حتى بـ أحكام الله صار فيه تفرقه !!


    في الاخير يا جماعه .. انا مو مثل ولد الفقيه ذاك المتخلف .. بس انا والله اتنرفز من اللي يقولون حنا ما فيه مثلنا .. وبينا وبين انفسنا ندري باللي فينا واللي ناقصنا .. انا ما اقول والله انا ضد الحكومه وخل ننقلب عليهم ! لا طبعاً .. بس ما فيه شي لو تكلمنا !! حنا شعب ونطالب بحقوق المفروض تتطبق ! ما فيه شعب ما يطالب ! شـ معنى حنا نقول لالا ما فينا شي كل شي زين وتمام !! ..والله كل اللي اطمح له ان تكون الدوله شكلياً أفضل .. وداخلياً بعد .. ما نقول الا الله يصلح الحال بس !
  5. عاشقة الصمت
    بنات والله ان فيه بعض الردود تضحك .. اللي تقول الجامعات تكفي !! واللي تقول شوفوا البلدان الثانيه .. !! الواحد لا جا يبي يصلح دوله .. او يبدأ بالـ"التطور" .. عمره ما يقول شوفوا الدوله الفلانيه الأقل منا .. بالنسبه للي تقول الجامعات تكفي…


    ايه صحيح اسمه منذر القاضي الله يرحمه

    أختي ترا قضايا القصاص وغيره .. ماتحل في يوم وليلة

    وكلنا الحين نسمع بقصة بنت خميس مشيط ..

    ليه إلى حد الآن ما أقاموا عليها الحد؟

    لاهي من الأسرة الحاكمة ولا شيء!!

    يا أختي .. فيه شروط وأمور لازم تسويها المحكمة قبل تنفيذ الأحكام

    هذي أرقاب بشر! يعني فيه تدخلات من ناس تطالب بالعفو

    وفيه أولويات وأمور كثيرة

    ولو الدولة تفرق كان هالأمير قطعوا راسه من زمان

    لكن أبو منذر عفى عنه .. وبدون أي ضغوط من الدولة ولا حتى من الأمراء

    ومعظم أقاربه لاموه .. لكنه عفى عنه لوجه الله ..

    ولا انتظر لا مكافأة منهم ولا غيره

    على فكرة القضاة عندنا في محاكمنا لهم الكلمة الفصل

    والدولة ماتتدخل في شغلهم أبداً .. اقصد واسطات وغيره

    واسألي اللي تبين عن هالموضوع

    حتى من اهتمام الدولة بالأمور القضائية ..

    حتى في القطيف ديرة الروافض!

    قضاتهم اللي معينتهم الدولة كللللللهم من السنة .. مشايختنا ماغيرهم ..


    تكرمين ان شاء الله مانتيب مثله ..

    وأنا معك في تعديل الأوضاع ..

    من جميع النواحي اللي حنا غير متقدمين فيها



    كان كل الإعتراض في البداية على أسلوب الكاتبه .. الله يسامحها

    وإدراج اسم "أوبرا" للإثارة!!

تابعي تجارب أخرى من هذا القسم.