احسن مركز لاطفال الانابيب في مصر

السلام عليكم و رحمة **** و بركاتة
يل بنات انت ان شاء **** ناوية اعمل اطفال انابيب و يا ريت تساعدوني بخبرتكم لاحسن مركز
انا متزوجة من 4 سنين و لم يحدث حمل ولا مرة و عملت 4 مرات تلقيح صناعي لكن ربنا و الحمد للة لم يرد
الدكتور نصحني باطفال الانابيب و انا من ساعتها و ربنا الاعلم بالحاة التي اصابتني لان دة سوف يتطلب فلوس كثيرة جدا و مجهود نفسي رهيب و خايفة جدا بجد اللهم ما لا اعتراض علي اي شيء بس انا خايفة مش قلدرة اقول حتي كدة
سالت علي مركز جنين عرفت انو غالي قوي دة غير ان بنات كثيرة قالت انة مش بيجمد اجنة معرفش لية و دة طبعا هيزود العبأ المادي لو لاقدر **** فشلت
مركز ابو الغار الناس بتقول علية فوضي جدا بس مش دي المشكلة اتكلمت علشان احجز قالوا لي اول حجز في شهر 6
و الدكتور نصحني بمركز اسماعيل ابو الفتوح وقال لي نتايجة معقولة
مش عارفة اعمل اية يا رب تقدروا تفيدوني و جزاكم **** خيرا

5 تعليق 39,113 مشاهدة

شاركي في النقاش

سجلي الدخول لإضافة تعليق.

التعليقات

5
  1. @loli_cat

    انا عملت في مركز اسماعيل ابو الفتوح وهو المركز المصري الدولي بس عملت عند دكتور شريف خطاب ولم تنجح العمليه وتكلفت بالأدويه 11000 جنيه واعتقد ان نسب نجاح د اسماعيل افضل
    واعلمي ان الدكتور سبب واذا كتب لك الله ان تنجح ستنجح
  2. صاحبة الموضوع
    شكرا علي الرد بس لو مافيش تطفل مني انت عرفتي هي لية فشلت ؟
    اصلي سمعت عن تحليل تجلط الدم لازم يتعمل علشان نتاكد ان الدم بيوصل للرحم
    و معلش لو هطول عليكي بس ممكن تقوليلي الاجرائات المتبعة او الخطوات
    شكرا و ربنا يرزقك و يرزقنا جميعا ان شاء ****
  3. نصيحة لا تروحى المستشفيات الكبيرة لانها مش بس فوضة الداكاترة مش عندهم خبرة كفاية فى امراض النساء يعنى مهما كانت الحالة بيطبقوا عليكى بروتكول زيك زى باقى الحالات.انا واحدة اعرفها عملت فى مستشفى معروف فى المهندسين 3 مرات وفى اخر مرة حملت وكانت طول الحمل تعبانة بطرتقة غريبة نزيف وترجيع وارتفاع فى ضغط الدم والدكتورة تقول عادى وتديها مثبتات وفى الاخر لما انجبت الطفلة كان عندها اعاقة ذهنية بسبب خلل فى الكروسومات
  4. الاجراءات المتبعة هيعملوا لك تحاليل انت وزوجك .تحليل زوجك لازم تعملية عندهم اما انت تحليك مش ملزمة تعملية عندهم ممكن لو مشتركة فى اى نقابة تغملية فى معمل برة هيكون ارخص هتحللى fsh ,LHلتهاب كبد وبائى تقريبا التحاليل بتتكلف 500 جنية.لو تحاليلك كويس الدكتورة هتشوف لو عندك اكياس هتديكى حقنة لبرون ب700 جنية (مش ملزمة تشترى الادوية من عندهم ممكن تشتريها من شركات الادوية بتكون ارخص20% كدة هتوفرى 1000جنية بس لازم صيدلى الى يشتريه لك) وتشوفك بعد كام يوم لو الاكياس راحت تبدا تنشيط والا تدخلك عمليات وتسحب الاكياس وبعدين تديكى منجون 4 امبولات فى اليوم وتابع التبويض من اليوم التاسع ولما العدد يكون مناسب هتديكى حقنة تفجيرة وبعد 48 ساعة هدخلك عمليات تسحب البويضات وبعد 3 ايام هترجعلك الاجنة وتديكى مثبتات احد 15 يوم تعملى تحليل الحمل. المستشفيات دى مبتفكرش الموضوع فشل لية علشان التكاليف يعنى تحليل الكروموسومات ب5000جنية وموضوع تجميد الاجنة فى الدول العربية مش ناجح اوى .انا نفسى رحت نفس المستشفى الى صديقتى عملت فيها بس مكنتش اعرف الى حصلها .وانا كان عندى شكوى وكنت حاسة ان هذة الشكوى هى سبب عدم حملى والدكتورة قالت لى لا زوجك هو المشكلة وعملت حقن مجهرى وفشل وكنت حاسة انة هيفشل لانها محلتليش مشكلتى.انا ان شاء **** هروح مركز الدكتور مدحت لطفى وهو استاذ نساء فى القصر العينى ولى صديقة تعمل معة تقول انة ممتاز ونسبة نجاحة عالية وبهتم بالمرضى

تابعي تجارب أخرى من هذا القسم.