شاركي في النقاش

سجلي الدخول لإضافة تعليق.

التعليقات

2,131
  1. @ashtkt_alyk

    أخواتى الحبيبات......
    قبل أي شئ أنا لازم أعتذرلكم عن الموقف السابق اللى مش قادرة أوصفه....بس اللى عايزاكم تكونوا متأكدين منه هو انكم غاليين عندي فوق ما تتصوروا.....و انى مش ضحيت بمعرفتكم بالسهولة اللى انتم فاكرينها.....

    مش قادرة اقولكم بالظبط تفسير الوقف ده...بس هو نتاج ضغوط و لحظة احباط و شعور بالتقصير فى كل شئ سواء مع نفسى او بيتى او ابنى او اهلى او معاكم انتم كمان......و اللى خلانى اخد القرار ده زي ما قلتلكم مش انكم هنتم عليا...لكن لانى مطمنه عليكم انكم مع بعض و اننا كمان حطينا كل معلوماتنا و تجاربنا فى الاول و اللى عايز حاجة هيقدر يوصلها....و انا كمان لقيت نفسى مؤخرا تايهة و مش قادرة انتظم و حتى لما باقرا اللى فات بالاقى نفسى تايهة و ملخبطة و كل يوم الضغوط و الأعباء تزيد عليا أكتر من الأول.....و حسيت ان كلها شوية صغيرين و هيبقى فعلا وجودي زي عدمه ، وده شئ ماتمناهوش ...لانى مقدرش الاقى حد بيسال سؤال وا نا عارفة اجابته و مقولهاش....ومقددرش الاقى حد ماشى فى سكة غلط ممكن تؤذيه و مانبهوش....طبعا انا عارفة ان الحمد لله كل اللى معانا مخهم يوزن بلد....و الحمد لله عاقلين و عارفين مصلحتهم...لكن تقولوا ايه...الواحد لما بيحب حد اوي بيحس بالمسئولية و الالتزام تجاهه حتى لو كان اكبر منه و اعقل منه و اعلم منه.....

    صدقونى ساعتها كان احساسى انى لو انسحبت ...انكم هتتعودوا على غيابى و ده مش هيؤثر بشدة عليكم لان الحمد لله احنا وصلنا لمرحلة ممتازة و ان الملف مش قايم على حد واحد...لا كلنا مع بعض بقى عندنا نفس الخبرات و نفس المشاعر.......و كمان انسحابى كان ممكن يهيألى فرصة أنى أركز فى الحاجات ا للى قصرت فيها و بالتالى أظبط اموري شوية و محسش بالتقصير بالبشع ده......

    لكن بصراحة انا طلعت عيلة لانى مقدرتش استغنى عنكم و لا يوم و لقيت نفسى أدمنتكم من غير ما احس و مقدرتش مادخلش اطمن عليكم....وبالرغم من ان نيفو و رمال و اوكسى و طمطم و كل حبايبى كلمونى لكن و الله انا مكنتش محتاجة حد يقنعنى و لا يضغط عليا....ومن غير حاجة كنتوا هتلاقونى بارجع......

    كان المفروض تصدقوا من غير كلام ان اساسا محددش فينا هيقدر يسيبنا ابدا.....و للأسف ديه حاجة انا تخيلت فى لحظة انها ممكن تحصل و انى ممكن اقدر و خصوصا مع شعوري بالاطمئنان عليكم...

    ودلوقتى انا باعتذرلكم تانى عن الموقف الغبى ده....لكن فعلا انا اكتر حاجة مش باستحملها هى التقصير و المشاعر اللى حسيت بيها الفترة اللى فاتت.....وأصعب قراراتى أخدتها فى حالات مشابهة.....بعضها قدرت انفذها زي تركى لعملى مرتين و بعض القرارات الاخري....لكن المرة دي و لما يكون القرار متعلق بصبة خير زيكم و أخوات أغلى على الواحد من نفسه.....مكنش ينفع الاستمرار فيه.....لانى اتاكدت انكم فى حياتى زيكم زي بنى و جوزي و اهلى وماستغناش عنكم.....

    لكن كل اللى هاطلبه منكم دلوقتى انكم تستحملوا غيابى و تستحملوا قلة مشاركتى و تسامحونى لو غبت و تعرفوا ان ده مش مقصود أبدا.....وعايزاكم تكونوا واثقين انى لو بعدت شوية فده ممكن يكون غصب عنى و انى أكيد هارجع اكبس على نفسكم سواء بعد يوم اوشهر او سنه......لان الاكيد ان الواحد ممكن ظروفه تشغله عن حبايبه...لكنه مستحيل ابدا ابدا ينساهم او يبعد عنهم تماما...

    و آخر حاجة....انا بجد باعتذرلكم تانى.....و مش عارفة أشكركم على مشاعركم الجميلة و اللى حتى كلمة جميلة و صادقة قليلة عليها اوي...انا دايما كنت طايرة السما بمشاعرنا تجاه بعض.....لكن بصراحة مكنتش برده اتخيل انها تكون بالشدة و العمق و القوة ديه..ربنا ميحرمنيش منكم ابدا و يبارك فيكم كلكم....ونفسى بجد ييجى اليوم اللى أشوفكم فيه كلكم وجها لوجه و اللى كمان أشوف كل واحدة فيكم و هى محققة حلم عمرها....

    و عايزاكم بس تنسوا الكلام اللى فات ده لانه فعلا كان تحت تأثير ضغط جامد اوي.....و تستحملونى لحد ما اظبطا لامور و ارجع انتظم معاكم تانى
  2. @hya_nnshr_alkhyr

    فاطمة الزهراء912
    لا مش عايزة اكلمها غير لما اكون هادية انتى عارفة انا لسة متعكننة من امبارح وكل الى يكلمنى الطش فية علشان كدة مش عايزة اكلمها دلوقتى
    طماطم لو الموضوع متعلق بزوجك
    هقولك على سر بس متقوليهوش لحد ..
    أى زوجة مختلفة مع زوجها شوية أو مزعلها .... تفضل تستغفر كتير كتير جداااا على قد ماتقدر
    تحاول متتكلمش فى لهو كتير على قد ماتقدر ...

    إستغفرى وبس

    و هى فتره صغيرة و إن شاء الله هتلاقيه جاى يبوس القدم ويبدى الندم على فعلته فى حق طمطم

    ولو اللى مزعلك شئ تانى إرمى حمولك على الله و هو قادر ييسهلك أمرك ويرد شر اللى حواليكى
  3. @shymolata

    وحشتونى جدا
    انهارده اليوم ال13 من الدورة ورحت للدكتورة اللى بتابع معاها تبويض لقت البويضات 16 او اكبر شوية المهم ادتنى حقنتين مينوجون وبكرة اخد حقنتين واعمل سونار بعد بكرة يعنى اليوم ال15 من الدورة وانا خايفه من الحقن دى قوى ومش عارفه اعمل ايه بس مضطرة اكمل علشان لازم اروحلها اخد الابرة التفجيرية علشان ماتحصلش حاجات وحشة انتم رأيكم ايه
    هروح اقرا اللى فاتنى وارجع
  4. @hya_nnshr_alkhyr

    يااااه يا شوشو
    وحشتينا كأنك غبتى سنين
    أنا زوجى جيه علشان كده مش هقدر أكتب كتير بس لما شفت مشاركتك إستأذنته أكتب حاجه و أقوم أحضر الغدا
    و هرجع تانى أتكلم معاكى إن شاء الله
  5. @shymolata

    اشتقت
    تصدقى بالله انا كان قلبى حاسس انك هتطلعى عيلة وترجعى فى كلامك يابنتى احنا مانتسابش بسهوله ابدا ابدا
    انا مش عارفه اوصفلك احساسى ايه بجد نفسى جدا جدا كل بنات الملف ياخدوكحى بالحضن مرة واحده وانا اعضك عضة صغننه كده علشان تحرمى
    على فكرة انا انهارده كنت مكتئبة جدا وكنت متررددة ادخل الملف اقولكم اللى حصلى والله العظيم كنت بقول لنفسى ماهى اشتقت مش هتبقى موجودة هدخل ليه وانهارده الخميس وكله مشغول وكنت عامله زى اليتيمة ومفيش رصيد اكلم نيفو
    بس دلوقت حاسه ان ربنا راضانى

تابعي تجارب أخرى من هذا القسم.