محــتاره بين إثنين بغيت شوركم
بسم الله الرحمن الرحيم
من فتره كتبت مشكلتي ولازلت اعاني بناات بغيت شوركم ونصحيتكم تعبت من كثر التفكير احس وصلت مرحلة الجنون
(( ما خاب من إستشار ولا ضاع من إستخار ))
انخطبت لشخصين
الشخص الاول
شخص ما اعرفه ابدا بس من نفس قبيلتنا وناس والنعم فيهم الكل يمدح فيهم
مواصفات الاول اكبر مني بسنه, عنده شهادة الثنوي,ه وملتحق في جامعة خاصه ويكمل دراسته يشتغل شفتات ...انسان طيب من كلام الناس عنه مجهزين له قسم كامل في بيتهم الام شافتني وشارتني ومتعجله على ردي
الشخص الثاني
يصير ولد عمي مخطوبين من ايام المدرسه وفترة الخطوبه اكتشفت اطباعه واسلوبه
احبه وقلبي متعلق فيه بس من اسلوبه ابتعدت عنه واتخذت القرار انه ما ينفعلي وانفصخت الخطوبه بعد فتره 4 سنوات رجعنا لبعض اسلوبه متغير وكل شي فيه متغير للاحسن واتفقنا وتفاهمنا على كل شي ومستعد يرجع يخطبني بس يبغيني افكر واوقل رايي الانه مب مستعد يخطب وينرفض مره ثانيه
مواصفاته يحبني ومتمسك فيي وانا نفس الشي شهادتة اوكي وحتى مستقبله مضمون باذن الله شغله صعب يعني عشر ايام دوام وعشر ايام يرجع يعني مافي استقرار اطباعه شوي صعبه اخااف اتنازل عن اشياء وايد مقابل الحب واندم
عندي يومين افكر فيهم وارد على الاثنين صليت اكثر من مره صلاة الاستخاره بس ما اعرف لين الحين محتاره ممكن اسمع رايكم