امهات الخدج حياكم في الملف السابع

ربي يعينج وتكملين حملج على خير

بس لا تحاتين شي بس حاتي النتفة لانهم يجون نتف تحتارين من وين تمسكينهم خخخخخخخخ

عدينا هالمرحلة الحمد لله

الف الف مبروك قايين عقبال ماابشركم بطلوع ولدي وبنتي عاجلاغيرآجل آمين يارب العالمين

واقصدناس فاضيه يتتبعون ردودي ومشاركاتي وينشرونها بين الناس بس اقولها
حسبي الله ونعم الوكيل

ماشاء الله .... الله يطول بعمره ان شاء الله
وانا اقولك هالنقطه عن تجربه.. لاتبدأي معاه بالاكل دايركت يعني اول شي اعطيه من كل شي تاكليه على طرف اصباعك يعني خليه يذوق عشان يتققبل الاكل تدريجي لان معدته متعوده على الحليب واذا تفاجئ بالاكل بيتعب عليك
انا كنت اسال ويقولولي كل انواع الخضار اسلقيلها وخلاص ورحت اعطيت رورو كوسا والله لايوريك تعبت يومين وهي تون لاجات تنام من التلبك والمغص اللي سوتلها اياه بس ايش تقولين مانفهم في هالبزروه.. وقلت اقرأ في المنتديات واعصر مخي شوي شفت انه افضل تذوقيه وبعدها تعطيه تدريجي يعني هيك هذي طريقتي مع رورو
اول ماتصحى اعطيها منقوع تمر كل يوم لانه من السنه .. بس اتكاسل اغلب الاوقات مو كل يوم اسويلها
الاسبوع الاول :ذوقيه زي ماقلتلك اعلاه خخخخخخ
الاسبوع الثاني : عصير جزر لانه خفيف وكمان خفيفه بمويه وبعدها اسلقي بطاطس طبعا قطعيها مربعات عشان تنسلق بسرعه وخذي موية السلق والبطاطس وحطيهم بالخلاط وخليها خفيفه مره يعني الاغلب المويه عشان ماتتعبه
وكمان الجزر نفس طريقة البطاطس .. وشوربة شوفان برضو خليها خفيفه مره وتفاح نفس طريقة البطاطس والجزر واعطيه موية خيار ..وموية الرز المصري
الاسبوع الثالث : نفس الشي بس زيدي تركيز الخضار والشوربه والرز بالخلاط مع المويه طبعا المويه اكثر
الاسبوع الرابع :نفس الاكل وزودي التركيز ونوعيله براحتك.. بس طبعا انتي وشطارتك اعطيه اشياء مفيده وابعدي عن العسل والموز واي شي من الدقيق الابيض ابعدي عنه لانه ماهو مفيد ابد وكمان السكر والملح تراها سم للكبار فمابالك للاطفال لا وكمان خدج واذا ماتقبل الاكل حطي ذره خفيفه ملح او حليله بالتمر والجزر..ايش كمان يارورو < رورو وبنتي رورو كمان خخخ اذا عندك قدر بخار افضل تطبخي فيه لانه ماتروح فايدة الاكل فيه
هذي دراستي وياكثر هذرتي في التغذيه وياليتني عاد مستفيده انا وبنتي نعاني من النحافه < باب النجار مخلع :27:
وبعدها اعطيه من الرز اللي تاكلوه على طرف اصباعك انا كذا اسوي لرورو اهرسلها بيدي واعطيها عشان تتعود على اكلنا ولبن زبادي وبسكوت اطفال من الصيدليه يريحك اذا جاع وانتي برا ولاتكثري من السيريلاك يعني مره باليوم يكفي... اختي اعطت بنتها سيريلاك عادي وتعب بنتها وحولت على الصحه بالرز تقول خفيف ومافيه حلى زايد زي السيريلاك
وقرأت انه الطفل يكفيه من الوجبه ربع كوب مايعادل 4 ملاعق كبيره
وليومك خايفه اعطي رورو كوسا :cook:
طبعا تشوفي انه هالاشياء تتعب صح؟؟ بس حدك اسبوع وتتعودي
وانا سويت ورقه بالوجبات وحطيتها بالمطبخ عشان مااتعب والاسهل اسويه :35:
في اليوم وجبة خضار او فواكه وسيريلاك وشوربه احسها تكفي لرورو يعني 3 وجبات مع اني اقرا انه المفروض الطفل 5 وجبات في اليوم بعد كل رضعه بس رور ماتاكل عنيده وانا اتكاسل اسوي لانها ماتشجع :44: وان اكلت حدها نص فنجان قهوه الله يهديها وبالحيله كمان حتى رضاعتها صايره قليله مره :icon33:
وان شاء الله بعد هالكورس اعطيك الرابط اللي اعطتني اياه مناجاة الله جزاها الله خير هي وبسكوت فارليز

هلابك اكثر....ألف مبرووووك طلعت القمر....تتربي بعزكم يارب...انتبهي لها من هالاجواء المتقلبه...

متعب بخير ومتعبني معه جد...الحين صار اسم على مسمى هههههه...شقي جد الله يصلحه...وعصبي من شدة عصبيته طلعت كل اسنانه هههههه