انا ناقله الموضوع على لسان الكاتب للأمانه من منتدى ثاني,,
ممكن أتعرف عليك يا [ كلبة ] ؟!
--> مقدمة <--
ـ قبل فترة .. طلعت أنا و المتهم و حامض حلو في ـ رحلة الدكتاتور ـ إلى الشرقية .. كتغيير جو لا أكثر ..
و في الرحلة تكلمنا عن مواضيع واجد .. من ضمنها سالفة بنت حايل اللي قال لنا عنها أبو حلو ..
قصتها تدور حول بنت تعرفت على شاب بغض النظر عن كيف تعرفت عليه .. و تطورت علاقتهم إلى أن وصلت
إلى مرحلة الخروج مع بعض .. ثم تطورت أكثر حتى تعدوا خطوط الشرع و المبادئ و القيم فيها ..
طلع الولد مع البنت في السيارة و أجبرها تقول عن نفسها كلام ما ينقال أبد .. و صورها فيديو بمقطع أشيب له شعر الراس بصراحة !!
طبعاً تسرب المقطع بين الجوالات .. و انفضحت البنت .. و الحلو في الموضوع أنو وجه الولد طالع ..
أهل البنت ـ و بالأخص أخوانها ـ اتفقوا على انهم يدورون عالولد لين يلقونه و يذبحونه .. و بصراحة ما ينلامون ..
و لو شاوروني والله لأطلع معهم ..
الولد هج و مسكوه حراس الحدود و هو ناوي يطلع للأردن .. يقال إن الأمير سلمان أمر بانهم يجيبونه له بالرياض و ينفذ فيه الحكم الشرعي ..
و يقال ان أمير حايل هو اللي طالب بعودته لحايل لتنفيذ الحكم فيه ..
القصه الثانيه
)سوري ماقدر اقول القصه بتفصيل)
تدور أحداث القصة حول واحد من الكلاب حاول يستدرج بنت لين صادها و فضحها ..
نهايتها تدمع لها العين !
بالنسبة لقصة بنت حايل .. أنا طول الرحلة أفكر فيها .. و أتحمد ربي على ستره و عافيته .. و كيف هالمسكينة طاحت في يد هالكلب
اللي ما يخاف على عرضه فكيف يخاف على أعراض الناس !! و كيف راح تصير حياتها عقبه .. إن كان لها حياة ..
أما القصة الثانية .. فأذكر ذاك اليوم ان مزاجي تقفل .. و ما قدرت أكلم أحد أبد أبد .. و قعدت أدعي على الكلب اللي جر البنت
إلى خبثه و دناءته ..
" نقطة مهمة : قبل لا تفكرين في الدخول في علاقة [حب] على زعم قلبك .. اسألي نفسك ..
سـ / ليهـ أبي أدخل في مثل هذه العلاقة ؟!
سـ / وش نهاية هالعلاقة ؟!
سـ / وش شعورك و انتي تخونين أهلك و دينك ؟!
سـ / وش راح يكون شعورك لما تتزوجين و انتي تشوفين زوجك المخلص و المسيكين ما يدري ان زوجته راعية سوابق ؟! "
لو تعرضتي لمشكلة من المشاكل التالية :
ـ رديتي على رقم غريب بالغلط و بدأ يزعجك .. او دقيتي على رقم غريب و قام يزعجك .
ـ لو انسرق جوالك و فيه صورك .
ـ لو واحد تحرش بك في السوق .
ـ لو ولد الجيران حاول يعاكسك .
... إلخ
لا تترددين أبداً انك تشاركين مشكلتك مع أهلك و عائلتك .. أبوك و أمك و أخوانك ..
إذا كنتي تخافين من أبوك و ردة فعله قولي لواحد من أخوانك اللي تثقين بعقله و تصرفاته و هو راح يحل لك المشكلة بعد توفيق الله ..
لأن 90% من المشاكل اللي تصير [ بعدم رضى البنت ] يكون سببها الخوف من انها تتكلم .. و بالاخير تروح فيها و تروح سمعتها !!
وش الأسباب اللي تخلي البنت تكلم شباب ؟!
هي أسباب كثيرة .. منها :
ـ الفراغ العاطفي اللي تعيشه مع أهلها و عدم الاهتمام بها و بمشاعرها و بشكلها .. فتروح تبحث عن هالاتمام بطرق غير شرعية .
ـ الفضول .. و تجربة المجهول .. و بهالطريقة تخسر سمعتها و ثقتها بنفسها و نظرتها لشخصيتها .
ـ صديقات السوء .. اللي ممكن يسربون أرقامها و صورها لعيال الحرام .. او ممكن يخلونها تكلم [ حبايبهم ] .. و يعرفونها على شباب .
*الخلاصة : ما فيه بنت تتعرف على ولد او ولد يتعرف على بنت إلا ناقصـ/ة .. جانب من الجانبين أو كلاهم : شخصيتـ/ها ناقصة .. دينهـ/ـا ناقص
فور دخولك في علاقة [حب ] .. راح تتولد عندك مجموعة مشاعر ما راح تقدرين تتخلصين منها أبداً ..
كل ما تشوفين أهلك راح تحسين انك خذلتيهم .. و كل ما حضنتك أمك أو أبوك راح تحسين انك ما تستاهلين هالحضن ..
راح تحسين انك مو محل ثقة .. و ما تستاهلين ثقة أهلك فيك ..
راح تتولد عندك قناعة داخلية انك مهما سويتي تظلين فشلتي في جوانب معينة من حياتك .. و راح يلازمك الذنب طول أيامك ..
راح تعيشين في حيرة و قلق هل أخواتك راح يصيرون زيك ؟!
و الهم الأكبر من كل ذا .. هل زوجك المستقبلي الحين قاعد يكلم وحدة و عايش علاقة حب ؟!
تذكري أنو كل دقة بدقة .. و ربي راح ياخذ حق الناس عاجلاً قبل آجل ..
فحاولي تحسبين لخطواتك .. و كوني قوية عشان تتحملين نتايج أغلاطك
وشكرا
منقول
شاركي في النقاش
سجلي الدخول لإضافة تعليق.
التعليقات
8مواضيع مشابهة
تابعي تجارب أخرى من هذا القسم.