شاركي في النقاش

سجلي الدخول لإضافة تعليق.

التعليقات

82

  2. @ghrory_bklmty

    طيب ماعرفتي هو على شنو مقابل هالنت
    صراحة
    الرجال مايتغير غير عنده سالفه
    يعني حاولي تعرفين بدون مايحس فيك
    هو على وشهو حاط في النت
    والله يصبرك يالغلا

  4. @grh_layndml

    صاحبة الموضوع
    الله يسعد كل وحده ردت عليه وواستني اوطرحت لي حل اوحتى شكت لي معاناتها وحاولت تخفف عني


    والله يرزقكم من حيث لا تحتسبوا ويرزق اللي ما حملت بالحمل ويثبت للحامل ويسهل اموركم ويسخر لكم ازواجكم



    وبالنسبه لبعض الاسئله من الاخوات


    زوجي ما كان كذا من الاول بس من وقت ما حملت تغير تعامله


    وبنتي عمرها سنتين ونص الله يحفظها اما عن جلسته قدام على اللاب توب احيانا


    يكون يحضراو يحمل برامج واغلب الاوقات يلعب ويموت في شيء اسمه طارق السويدان


    بس جالس يجمع في محاضراتهاما الباقي الله واعلم احيانا افتش وراه ما القى شيء


    زمان صح بس ذحين ما اظن بس حتى لو..انا اولى بوقته من هذا النت اللي بيخرب بيته


    وهو يوم قالي افرديها لما قربنا على بيت اهله ما يبغاني ادخل مكتمه لانه عارف امه


    راح تساله وراح تدافع عني بس انا ما احاول ابين لاحد اني زعلانه ابد ولان امه اصلا


    تعبانه ماني حابه اثقل عليها


    اليوم طبقت مشورة بعض الاخوات وطلعت عند جاره ليه في نفس العماره ولدت


    رحنا انا وجاراتي الباقيات نبارك لها واقترحت عليهم نتجمع كل بعد فتره عند وحده عشان اكسر روتيني وبالنسبه ليه مافي جديد روتين بيقتل والله يصبرني ويسخره ليه وافكر اروح لاهلي يمكن لما ما يلقاني جنبه يتاثر ويتعدل والله ماني عارفه حاسه انه ما عاد فيه امل

  5. @kl_alghla_16

    اسمعي نصيحتي ولاتطلبي الطلاق ولاشيء احمدي ربك واشكريه الى الان مشكلتك مو صعبه ابدا

    وصدقيني اغلب الحريم اسمع منهم نفس الكلام كل يوم ونفس الشكوى

    الرجال يختلفون...فيه رجال مادري كيف اشرحها لكن فيهم عرف ويفهمون بالحريم
    وفيه رجااااااااال لا يتخيل ان المره لما تاكل وتشرب وتنام هذي قمة سعادتها يعني هو يحبها بس مايعرف يعبر عن شعوره وانتي زوجك كذا

    صدقيني نفس زوجي تماما لدرجة شكيت انه متزوج علي وكان التغير بعد ماحملت وحتى بعد ماولدت استمر
    لكن بعدين عرفت ان حل المشكله بيدي انا

    طيب هو مايعرف ليش انا ماعلمه

    جاء من الدوام تعبان ودخل ينام طيب انا اسوي القهوه والحلى واجلس انتظره يصحى وهات ياسواليف و ش صار بالمدرسه وش حطيتوا وش قلتوا

    واذا مع السواليف شفتي النفسيه رايقه,,ابو افلان بطلبك طلب قول تم وش رايك نطلع نتمشى اليوم
    ولا وش رايك عازمتك على العشاء
    ولابكرا ليله خميس بطبخ لك الاكله اللي تحبها وبنسوي سهره حلوه
    ولا خلنا نطلع السوق نتمشى
    او اقترحي عليه يوم بالاسبوع تطلعون منتزه تتعشون وتفلونها
    ترى الروتين يذبح
    وانتي قلتي مدرس ترى دوام المدرس متعب هو يتعب الدوام شرح وتصحيح وملاحظات ومشاكل ادراه ومدرسين وطلاب

    واذا جاء باليل انتي روحي استقبليه بالحضن قولي ولهت عليك اشتقت لك...واشتقت لسواليفك
    على العشاء سولفي معاه افتحي شهيته للكلام
    صدقيني بعد فتره لو فيوم ماسويتي هالشيء هو بيسوسه من نفسه لانك عودتيه

    بس حنا مشكلتنا عندنا عزة نفس ليش هو مايحس بي ليش هو مايقول لي...يشوفني لابسه ماعبرني..انتي خشي فعينه قولي وش رايك بالفستان بيقول حلو قولي عيونك الحلوين.... نشطي قوه الملاحظه عنده

    عاد ترى انا للحين ماجربت مع زوجي هالاشياء بس توي قاريتها وابطبقها ان شااءلله واشوف النتيجه

تابعي تجارب أخرى من هذا القسم.