ساعدوني توهقت << كيف احط الزمام

ياقلبي الجرح لازم تعطيه 10 ايام يدوب
بعدها تلاقي الزمام عادي يدخل ويخرج وتقدري تقفلي وتفتحي
اهم شي المسحات الطبية وحطي كريم ميبو الين يتلم الجرح ويروح الالم بس لا تفكي الزمام الطبي خليه عشان يلتئم الجرح وتفضل الفتحه ماتتسكر

لا طبعا صعب تحطي المصك وبعدين ترجعي تشدي من جوا علشان تفكيه اكيد راح يتعبك
وترا الجرح ما يلتئم بسرعه صح مافي الم وكل ماعقمتيه وحافظتي عليه انه ما في شي يدق خشمك او برضوا تحاولي ماتخرجي وتدخلي فيه على قد ماتقدري لانه اي لعب بالزمام ممكن يجدد الجرح ويمكن ياخذ شهور الين يطيب ميه بالميه وحولي وانتي نايمه تكوني مصحصه لخشمك انه ماتخبطيه ولا تحطي ايدك قريب له وانا عني بنتي النونو بالغلط خبطتني على خشمي وبنفس اليوم طلعتلي حبه كبيره رجعت عقمتها وحطيت مرهم ابو اسد ونمت واتفجرت وانا نايمه مدري انا جرحته ولا لوحده لانه كانت الحبه مره مستويه وبيضاء ومليان سائل وانا لي فتره مسويته يعني بالعربي التعقيم كل يوم بالمسحه الطبيه وعدم اللعب فيه ولا بالغلط

وبنسبه للزمام اعكفيه برا وعقميه بالمسحه واغمسيه بزيت الزيتون واجلسي عند المرايه ودخليه بشويش وخليك سلسه مع عكفة الزمام امشي معه وارجعي اعصري عليه المسحه علشان موية المسحه تجي على فتحة الزمام وتنشف السائل انا اول ما اقوم ولاجيت النام اعصر المسحه عليه الين الان
والزمام الكبس هو يجي قصير مايخرج برا انا اللي شريته رجعته للمحل واخذت بدله من محلات الذهب بسوق اليمامه وماقالي اي شي شكله اتعود انه الحريم يبدلونه