بنات انا صح ولا امي وخواتي صح ؟؟؟

نور قلبي2010@nor_klby2010

6 مارس 2010

السلام عليكم

بنات حواء الغاليات:27:

صديقتي واعز صديقاتي

معي في الطفوله والمراهقه والشباب

درسنا سوا ابتدائي ومتوسط وثانوي وجامعه

وبعد ماتخرجت من الجامعه درسنا دبلوم حاسب

انا توظفت على طول بنفس المعهد ويوم اطلبو وحده ثانيه على طول رشحتها واشتغلنا سوا

مره انا احبها واحب لها الخيررررررر

بعد هالمقدمه الرومانسيه:hahaha:

صديقتي هذا ان شاءالله راح تتزوج

شهر 6 ان ربي اراد

والله يوفقها ويتمم لها على خيرررررررررر

مهرها مشاءالله 50 الف

بس ظروف اهلها شوي لك عليها

خواتها مشاءالله كثير 7 خوات وامها

وهي عليها فساتينهم ومكياجهم وتساريحهم:44:

غير فستانها هي وغير تجهيزاتها

وهم طبعا بدو مثلنا لكن من قبيله غير قبيلتي

وعندنا الذهب شي مهم رأيسي للعروس

راحت كم مره تبي تشتري لقته نااااااااااااااااار

وهي حاطه في بالها
انه 10 الاف خارج المهر
لها ولخواتها من فساتين وتجهيزات وكوافير ومسكه ومصوره

يعني الله يعينها

تبي تاخذ شي خفيف من الذهب

طبعا انا عندي ذهب زواجي ومالبسته جديد لاني انفصلت عنه:44:

وهي تبي يوم تودي الدبش تحطه في صحن او تسوي له ديكور قدام الناس تعرضه

فانا اقترحت عليها اني اعطيها ذهبي وتعرضه يوم الدبش ثم ترده لي

والله العظيم انا الي عرضت عليها وانا مبسوطه اني ابي اوقف معها

يوم قلت لامي بغت تاكلني:mad:

وخواتي قالو لي انتي هبلا الطيبه هذي بتوديك في داهيه:icon33:

وش دراك انها بترجعه لك

قلت واثقه فيها وش عليكم ذهبي انا وابيها تتشرف قدام اهل زوجها

اهلي مره رفضو وانا توهقت

وش اسوي:icon33:

والله العظيم يابنات اني صادقه

لاحد يجي يقولي انتي هبلا ولا غبيه

الواحد يوقف مع صديقه

ووقت الشده تبان الاخوه والصداقه صح ولا لا

اشلون احل هالموقف

امي قالت تحلمين حلم يطلع من بيتي

وكل خواتي معها

عاد ابوي مادرى للحين اكيد بينهبل مثلهم:35:

وش الحل ؟؟؟؟

بنات انا صح ولا امي وخواتي صح ؟؟؟

التعليقات

بنات احتاج خصم شي ان 30 في المئه أو خمسين في المئه

بنات الرياض ابغى فساتين جاهزة وبدل ولادي اذا تعرفون

انا بنت زياد وتجربتي في الليزر / يوجد رابط التجمع داخل الموضوع

السلاام عليكم..بنات بليزز..أنا اول مره افصل وابي ابدا من الحين/يوحد قسم للاستفسارات

تدرون أنه إحنا بنات عالم حواء بنقدر نعتق رقبة اليتيم خالد الحربي .. تعالوا شوي ..