
اهلين بنات رجعت لكم مرة ثانيه بعد ما خلصت الرحله بين مواعيني لابداء معكم رحله جديده وهي رحله هوسي بالتنظيف والتنظيم وبتكون مكونه من 3 اجزاء : الجزء الاول (المطبخ ) الجزء الثاني ( عالم بناتي ) الجزء الثالث (ادوات التنظيف )
واليوم خلونا نبدأ الجزء الاول في مطبخي ..وانا بديت بالمطبخ لانه توني مخلصه موضوع مواعيني واللي حاب يطلع عليه بيحصله بالتوقيع ..وكانت اسئله البنات عن طريقه ترتيبي وتخزيني لهم ففكرت انزل هالموضوع في هالقسم ..وان شاء الله الكل يستفيد معي .. ولاني من مهوسي المواعين وللاسف ما عندي مخزن منفصل ولا غرفه طعام فوجب عليه اخزنهم بالمطبخ فحاولت قدر الامكان ابتكر في طرقي للتخزين والترتيب ..وعلى بركه الله نبدأ
بسم الله وما شاء الله
الجزء الاول :المطبخ
الكبتات العلويه يمين

الكبت الاول :
هذه الكبت طويل استخدمته للاطقم وفيه طقمين الطقم الازرق (للضيوف ) والطقم الفضي على الذهبي ( وهذا للاستخدام العائلي )

صورة للطقم الازرق

صورة الطقم الفضي على الذهبي

والحين براويكم طريقه ترتيب واحد من الاطقم وهي نفسها لباقي الاطقم
في الرف الاول خليت الترامس والبيالات والفناجيل (انا شلت بالصورة وحده من الترامس علشان اراويكم صندوق الفناجيل خلف الترامس )
وطبعا غطيتهم باكياس البلاستيك عن الغبار ..

الرف الثاني طقم الشاي

الرف الثالث باقي صحون الطقم

الرف الرابع صحون الاكل










