يابنات قسم بالله ضايق صدري وحاسه بصداع :(
صار موقف اليوم تمنيت الارض انشقت وبلعتني ولاصار :(
كنت بالمستشفى اودي بنوتي تعبانه عمرها ثلاث سنوات وعشر شهور المهم وحنا عند الصيدليه جت وحده من الاخوات سمراء البشره ومعها طفله صغيره بحضنها سمراء
وبنوتي كانت مبسوطه تلاعب بنتها وبنتي تقول ماما شوفي البنت تلعب معاي وتأشر علي ومبسوطه قلت ايوه ياماما حلوه صغيره لعبيها قالت بنوتي يا ماما هي صغنونه صح قلت ايه قالت هي لونها اسود
بنوتي قالت هالكلمه لانها طفله مسكت بنتي بشويش وسكتها ومادريت الا ام الطفله انفجرت فيني ليش ماتربين بنتك ليه ماتعلمينها وكلنا خلق الله اسود وابيض مثل بعض وانا وربي اتصبب عرق ومصدومه ومنحرجه وقلت يا اختي الله يهديك كلنا خلق الله وكلنا مثل بعض قالت ايه بنتك البزره قلت انتي قلتيها طفله ماتفهم ان كان يرضيك اضربها ضربتها بس هي ماتفهم ولاتحطي عقلك بعقل طفله وصارخت علي ولمة الحريم علي وعلمتهم بالسالفه وانا انحرجت وطلعت من عندها وهي تصارخ عي قسم بالله ضايق صدري واحس راسي مصدع وبنتي طفله صغيره
شاركي في النقاش
سجلي الدخول لإضافة تعليق.
التعليقات
142- اسمحي لي انها قليلة ادب وردك رائع
وكان ودي قلتي لها على الاقل مو طويلة لسان مثلك
هي اصلا عقلها صغير ولا كان ما سوت كذا - الله يهديها ....واهني فيك ذوقك
- الله يعين
لكن كنت افضل منها واكيد انك اعطيتها درس ماراح تنساه - لا يضيق صدرك ولاشيء هي الغلطانه مو انتي بنتك طفله صغيييره والي يشره على طفل يكون هو عقله عقل طفل
- والله بعذرك لو صدع راسك ...
الصرااااحه الحرمه هي اللي عقلهاااا صغير مو بنتك .... الحمدلله والشكر ولا بنت صغيره اروح اخذ على كلامهااا ... واطول لساني واجمع خلق الله على شي ما يستاهل ...
وانت الصراحه كنت بقمة الادب معهاا ... ولا يضيق صدرك يابنت الحلال ولا تعصبين على بنتك ...تريهااا صغيره ... وياااما الاطفال يطلع منهم اشد من كذاا ..
مواضيع مشابهة
تابعي تجارب أخرى من هذا القسم.