شاركي في النقاش

سجلي الدخول لإضافة تعليق.

التعليقات

2,131
  1. @boba_boba

    oxygenatom
    بوبا وحشتينا قوى ... قوليلنا عملتى ايه فى مصر بالتفصيل ... ودكتور عادل قالك ايه
    شوفى ياستى انا اول مانزلت من الطيارة قابلت بابا وفتحتلك فى العياط مش عارفة كان واحشنى ولا صعب عليا لانى مش شفته من سنتين
    وهو كمان راح معيط وفضل يحضنى جامد قوى ويقولى بطلى عياط بقى وهو اللى مش راضى يسكت
    وبعدين بعد وصلة العياط دى شفت اخواتى الاتنين ماشاء الله عليهم كنت اول مرة اشوفهم وهم منتقبات عشان كده معرفتهمش وفضلت اسلم على بابا بس لغاية ما اتكلموا ونبهونى ليهم

    وبعدين بقى روحت على البيت عند بابا وشفت ماما واخويا وبدات بقى خالتى وخالى وناس من قرايبى يجونى عشان يسلموا عليا لغاية مانمت من كتر التعب وانا قاعدة فى مكانى
    بقيت الايام بقى قضيتها مابين زيارات عائلية واستقبال ضيوف وخروجات عشان اشترى حاجات للسفر وعشان اقابل اصحابى وبصراحة هى كانت خروجة واحدة اللى تقريبا استمتعت بيها 100% لانى شفت اصحابى وقعدت بقى ارغى معاهم ونفضفض سوا واستمتعت بصحبتهم جدا
    ومقدرتش للاسف اكررها قبل ما امشى زائد ان صديقتى الانتيم للاسف معرفتش اقابلها خالص عشان ظروف كده حصلت وكانت زعلانة قوى لانى كان المفروض اروح لها مدينة نصر وانتى بقى عارفة المشوار من الهرم لمدينة نصر واليوم ده حصل عندى ظروف منعتنى ومقدرتش اشوفها خالص
    وفى ثوانى ياستى لقيت الاجازة خلصت وبقول بكرة خلاص مسافرة


    وبالنسبة لدكتور عادل الله يكرمه
    والله يا اوكسى كان اغرب يوم فى حياتى لانى انتظرت كتير قوى على ماقدرت ادخل للدكتور
    بس الحمد لله على كل حال هو عمل لى تحليل نشاط الاندو وتحليل البرولاكتين
    لبرولاكتين طلع كويس الحمد لله بس الاندو بدا ينشط تانى والنسبة كانت عالية والسونار كمان وضح ان فيه كيسين ظهروا تانى
    ربنا يستر بقى انا دلوقتى اكتر شئ مركزة فيه انى اخس ثم اخس ثم اخس دعواتكم ليا ان ربنا يحقق لى هدفى فى اسرع وقت ممكن
  2. @fatm_alzhraaa912

    انتى وحشانى اكتر يا بوبا وزعلت اوى انى مش شفتك لما كنتى هنا بجد كنت هتجنن واشوفك بس نعمل اية بقى اكيد انتى عرفتى الظروف والجوبات
  3. @hd_o_nor

    يا بنات ربنا يبارك لكم على سوالكم عنى و قلقكم على
    كان نفسى ابشركم بس فى الوقت اللى سمعت فيه احلى خبر عرفت فيه انه حمل ضعيف او قد يكون حمل خارج الرحم
    و الحمد لله باحاول اهدى اعصابى و ضغطى عالى شوية
    انا عملت تحليل رقمى بدرى شوية و لقيته لسه ما وصلش للنسبة البوستيف بعدين عملت تحليل تانى لقيته لم يتضاعف وزاد بس 8 و الثالث كذلك و لم يتضاعف و كنت مستنية امبارح ابشركم و قلت بلاش اقلقكم و اضايقكم و اقولكم على طول خبر حلو بدل ما اقولكم الاخبار الملخبطة دى بس قدر الله و ما شاء فعل
    رحت كمان للدكتور كنت باتابع معاه زمان و ادهالى فى وشى الحمل ضعيف لا حول و لا قوة الا بالله و النسبه دى ضعيفة قوى قوى

    دلوقتى كل شوية ادخل الحمام و منتظرة نزوله و لا حول و لا قوة الا بالله

    فاطمة عاوزة اسالك عن حاجة و لو انه سوال بايخ انتى ازاى الدكتور عرف انه فى حمل خارج الرحم من السونار البطن ام السونار الvaginal
    و الا من التحليل ؟ لانه الدكتور ابمارح بيقولوى الحمل خارج الرحم بيعمل مغص جامد مع انه اخت زوجى حصلها لها كده من شهرين و الا حست باى حاجة لدرجة انه الانبوبة انفجرت و كانت خلاص بتمووت ربنا كتب لها عمر جديد

تابعي تجارب أخرى من هذا القسم.