كيفكم بنات ان شاء الله طيبات؟
سؤالي هو
هل ممكن تشترين ملابس مثلا وانت مو مقتنعة وبعد ما ترجعين للبيت تندمين والمشكلة اذا ما قدرت ترجعينها أو تبدلينها؟؟
هل تحبين المغامرة في اختيار الملابس الألوان والموديل
مثلا أنا عن نفسي أحب ألوان معينة مثل البيج بدرجاته والبني والزيتي والكحلي بدرجاته دائما تجذبني هذي الألوان أحيانا بعد ما أرجع البيت ألقى نفسي مشتريه قطعتين أو أكثر نفس اللون أو من درجاته حتى زوجي يقول لي غيري ألوانك وستايلك في الملابس واحد
أمس رحت السوق وطبعا زي العادة اتوجهت على ألواني المفضلة لكن ما رضي قال غيري أو ما في شراء
وخلاني أشتري ألوان جديدة مثل الكموني مع بلوزة خربزي أول مرة في حياتي أشتري هذي الألوان وكمان تفاحي وأحمر غزالي
الطقم الأول طلع حلو وأعجبني والثاني في المحل كان روعة بس علي حسيت نفسي حلاوة مصاص :( لكن هو يقول انه طالع علي روعة وأنا مو مرتاحة وأبغى أرجعه لكن مستحية منه متحمس ما ني قادرة أكسر خاطره وفي نفس الوقت أعرف اني مار راح ألبسه حرام
طولت عليكم وقصيت قصة حياتي لكن حبيت أعرف هل فيه أحد مثلي ويعاني زيي ولا أنا حالة شاذة ؟؟
شاركوني بآرائكم
شاركي في النقاش
سجلي الدخول لإضافة تعليق.
التعليقات
10- تقريبا 90% تكون مشترياتي عن اقتناع - إلا إذا كانت معي أحد أضطر لمجاملته بأن يقترح علي أن هذه اللبسة حلوة وإن لابد أشتريها لايقة علي رغم إنها مو عاجبتني بنوب (أشتريها مجاملة) للأسف
حبيت أسأل بس ماهو اللون خربزي؟ - بالفعل وجود أحد معاك يحرجك أحيانا أنا بالذات زوجي أستحي أقول له لا
اللون الخربزي اللي هو لون الشمام أو الخربز (مصطلح أهل الغربية يعرفوه)
بانتظار باقي الأخوات - مافيها شي لبسيه اذا هو يمج وبعدين غيري
- انا بصراحة دائما مو مقتنعه من ملابسي أكثرها أسود ودي اغير زهقت من عمري
- أنا أحب أن الملابس أوأي شي أبغا أشتريه أكون مره نفسي فيه عشان ماأتحسف وأحيانا أرجع البيت من غير ماأشتري عشان أشوف أذا لسا خاطري فيه أرجع واخذه , مع هذا أحيانا اخذ أشياء ماأبغاها.
عن نفسي مو كثير مغامره , بالعكس تقليديه كثير.
مواضيع مشابهة
تابعي تجارب أخرى من هذا القسم.