شاركي في النقاش

سجلي الدخول لإضافة تعليق.

التعليقات

2,131
  1. @ashtkt_alyk

    هدي...
    مش عارفة يا حبيبتى أقولك ايه....ربنا يقويكى و يلهمك اللى فيه الخير....ويعوضك كل خير يا قلبى....
    سامحينى انا لما دخلت الصبح مكنتش شفت مشاركتك مع انى فى انتظار نتيجة تحليلك من امبارح....

    بصى يا هدي....انا مش عارفة الدكتور على اي اساس قالك ان فيه احتمال حمل خارج الرحم.....الموضوع ده خطير جدا وو اكيد فيه وسائل لتشخيصه...انا شخصيا مش عندي فكرة و يا ريت اللى عندها فكرة تقولنا و كمان يا ريت انتى تستشيري دكتور تانى فى أسرع وقت....علشان يحسم الامر....ويقولنا ليه اللى بيحصل...وهل فيه امل نتشبث بيه و لا فعلا الحمل ده ضعيف و ربنا يعوض عليكى بافضل منه بأمر الله.

    و عايزة بس أقولك معلومة واحدة قريتها فى اكتر من مكان و مقتنعة بيها تماما.....الحيوان المنوي الضعيف مبيقدرش اساسا يلقح البويضة....و بالتالى طالما حصل تلقيح يبقى أكيد من حيوان منوي سليم...واي اختلالات فى النمو و الانقسامات بعد كده بترجع لضعف البويضة....

    و تابعينا بأخبارك و طمنينا عليكى
  2. @ashtkt_alyk

    طمطم يا قمر...
    ربنا يعوض عليكى يا حبيبتى بالذرية الصالحة اللى تنسيكى اللى حصل ده و تمسحه بأستيكة من ذاكرتك...
    بس فيه حاجة كنت عايزة أقولهالك...كنت قريت حاجة لفتت انتاهى أوي فى حالة فى منتدي تانى...و كان نمو البيبى متوقف لكن هرمون الحمل بيزيد بس بنسب ضعيفة....فقالتلها الدكتورة ان مش شرط يكون التشخيص حمل خارج الرحم...و انما ممكن يكون حمل عادي و ضعيف و البيبى انقساماته مش تمام....لكن باقى الخلايا اللى بتكونا لمشيمة و باقى الاجزاء شغالة و بتكون هى السبب فى زيادة الهرمون لبعض الوقت....لكنها مبتقدرش تستمر و مع الوقت بيبتي الهرمون يقل و الحمل ينزل.....

  3. @ashtkt_alyk

    وداع...
    ازيك يا قمر....وقوليلنا انتى بتنشطى الشهر ده....ولا وصلتى لفين....

    و بصى هاحطلك لينك لموضوع حلو أوي بيتكلم عن الاجهاض و أسبابه ..(طبعا ربنا يبعده عنك و عننا كلنا يا رب)

    بس ليا تعليق واحد اتمنى انه يفيدك....الموضوع ده و معظم المواقع بتتكلم عن أسباب كتيرة للاجهاض منها الاسباب الوراثية و الاختلالات الهرمونية و الاسباب المناعية و الاجسام الضادة....

    لكن لو عايزة رأيي...فهاقولك (و الراي ده سمعته كتير فى برنامج بشرة خير بتاع الدكتور عادل) و هو انه كان دايما بيتكلم ان الاجهاض اللى بيحصل فى الاول و توقف نمو الجنين و الكلام ده كله فى الغالب بيبقى له أسباب هرمونية...وطبعا على رأسها الزفت اللى اسمه التكيس لانه زي ما قلنا بيخلى البيئة اللى كبرت فيها البويضة غير سليمة و ان مأثرش على تلقيحها فيؤثر على انغراسها فى الرحم او على نمو و انقسامات الجنين....و كان بيقول ان الاجهاضات اللى بتحصل بسبب الاجسام المضادة غالبا ما تحدث بعد الشهر التالت (لكن سارة قالت ان حصل معاها غير كده و ان موضوع التجلط و الاجسام المضادة ممكن يسبب اجهاض فى الاول برده)....

    و فيه حاجة كمان بتلقت انتباهى....وهى ان لما بيكون الاجهاض لاسباب وراثية او اي خلل مش بسبب الهرمونات و التكيس ساعات بيخلىا لجسم يطرد الحمل لوحده....لكن الحالة اللى لاحظت ان معظم اللى حصلت معاهم منزلش معاهم دم و لا حسوا ان الحمل انتهى هى حالة الاختلالات الهرمونية اللى بتوقف نمو الجنين لكن بدون ان يطرده الجسم (الإجهاض المنسى)....بس برده انا مش متأكدة اوي من الملحوظة ديه لان ممكن المثبتات اللى بناخدها تكون هى السبب فى عدم طرد الجسم للجنين اللى توقف نموه...

    http://www.samirabbas.net/hp4_link6.htm
  4. هدى و نور
    يا بنات ربنا يبارك لكم على سوالكم عنى و قلقكم على كان نفسى ابشركم بس فى الوقت اللى سمعت فيه احلى خبر عرفت فيه انه حمل ضعيف او قد يكون حمل خارج الرحم و الحمد لله باحاول اهدى اعصابى و ضغطى عالى شوية انا عملت تحليل رقمى بدرى شوية و لقيته ل…
    ان شاء الله ياهدى يكون حمل سليم و يثبت ياااااااااارب
    طول ما ربنا موجود يبقه الامل موجود
    بس أهدي و ارتاحي شويه و ربنا مش حيجيب حاجه وحشه ابدااااااااااااا
    وادعي ربنا كتير
  5. @am_ayad_2009

    مساءالخير يا بنات

    هدى حاولي تعملي زي ما فاطمة عملت وتروى لااكتر من دكتور
    وتتأكدى فعلا اذا كان الحمل حيستمر ولا لا
    وان شاء الله ربنا حيكرمك وتجيبي اخوات ليوسف
    وانا عايزة اقلك ان الحمل خارج الرحم بيتم اكتشافه عن طريق تحليل الحمل لو كانت النسبة عالية جدا بيبدأ الدكتور يشك يااما بيكون حمل بتؤام او حمل خارج الرحم
    وزي ما طمطم قالتلك ان كان عندها الجنين نموة متوقف بالسونار ونسبة تحليل الحمل بتزيد بسبب الجنين التاني اللي خارج الرحم
    وبالنسبة لك بما ان نسبة الهرمون عندك ضعيفة يبقى نستبعد فكرة الحمل خارج الرحم
    ربنا يطمنى عليكي يا هدى يارب
    وياريت لو رحتى للدكتور او كان في اي اخبار تيجي تطمنينى عليكي فورا

تابعي تجارب أخرى من هذا القسم.